JOHAN 4:24 - SHEEYU BAIBEL (BSI)

²⁴ Ramai hai rakoe, alia puhye thoyu mainou rako ea acheche hinou thovu zülai.”

JOHAN 4:24 Iomraidhean Croise

LOUTAO 145:18

Puhye kua buyu maitao hisü puhnou nghiteia bupeie, puhye cheche-a nou phouyu mai hisü nghiteia bupeie.

LOUTAO 50:23

Kalo paoyu hai Eye tsükhou-a posheela peiyu nasüe, ae achi züyu mai hrülaiye sü Enou khailupa peivu zülai.”

LOUTAO 51:17

Oh Ramai, Enou tainou souyu rako sünou neye posheela peiwe; le pepoyu ae leda louyu lüthou hai nenou ngaora laimoe.

LOUTAO 66:18

Hakinou Enou avei mahmo khesü poku khaitoua bure toulouzü, Enou khoyu khesü Mapao nou keinou peilai moe.

ISAIAH 57:15

“E sü kuyu ae Sheeyu Ramai-e, alia teisa nou bure nasüe. E hai kuyu ae sheeyu buh hinou bue, anou leda louyu mai hi ae tainou soua laiyu mai hi-a E bue, sübüa puletaoye sü Enou sousava peilai ae puletao hi areih sü peilai.

JOHAN 4:23

Ana chekhaoyu ratho mainou Puoye rako ea acheche hinou tholaiyu phasü vere, alia chue, daiolouzü Puonou puhye sükua thoyu sü phoue.

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

2 KORINTHMAI 3:17

Chuo Mapaowo sü Rakoe, alia Mapaowo vei Rakonou buyu buh sühisü mado soupeiyu bue.

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

1 TIMOTHI 1:17

Teisa Veo, athai hayu ea nghithounou ngaomoyu, likhei baiyu Ramai puh hisü khuhaoyu ea teisanou adu-sho souyu nasü souloutheo, teisanou! Amen.

1 SAMUEL 16:7

Ana Mapao nou puh hi paoe, “Puhvei sha shoyu moa zhurao veiyu nanou phouso, Enou puhye sü malaiwure, daiolouzü E hai deiphao mai ali büa zhu moe. Deiphao mai louzü vakou ngaoyu nanou zhuwe, ana Ewo louzü lekhe vainou zhua baiwe.”