JOHAN 4:23 - SHEEYU BAIBEL (BSI)

²³ Ana chekhaoyu ratho mainou Puoye rako ea acheche hinou tholaiyu phasü vere, alia chue, daiolouzü Puonou puhye sükua thoyu sü phoue.

JOHAN 4:23 Iomraidhean Croise

1 PUOPAOKO 29:17

Oh avei Ramai, nenou maikhe mai vei tsüle sü zhuwe, ae acheche maiye sü nenou jüpawe touyu Enou süe. Avei tsüle sheesha toua Enou na haikhesü peinü sho-a ne hi posheela peikhai toue, ae nevei maitao-a neye peinü shoa puletao nou asasho-a ne hi posheela peiyu khesü Enou ngaore.

LOUTAO 147:11

ana puhnou savayu hai puhye tsükhoua buyu maitaoye donoue, ae puhvei tobai soumoa leshiyu nahai louche-a buyu maitaoye donoue.

LOUTAO 17:1

Oh Mapaowo, Enou kaozü na thaipfü soupeio tea khoyu nasü keipeio, Enou kra–a soukha peio tea paoyu sü lenoua keipeio! Ale sheesha teanou veachi paoyu sü kei peio.

LOUTAO 32:2

Asayu mai nasü Mapao nou puhye mahwe tea mah dukakhai peimoyu mai, ae puletao nou soumah pfümah khaitouyu khesü poku peiyu maitao-e.

LOUTAO 51:6

Chili checheyu nasü nenou jüpa-e; nevei ratsü nasü avei tsüle hi thoukhai peio.

TSÜCHITAO 15:8

Mai ashimai livei posheelayu hai Mapao nou ngaora-e, ana mai veiyu livei veachi sü puhnou jüpae.

SOLOMON VEI LOU 2:14

Ne hai lya qulu hinou tuchüa buyu khrao büre, Oh aleshipai, Eye pa nepa ngaowuo, Eye pa nepai chouwuo, daiolouzü nepai sü keivei shoe, alia ne pasü ngaovei shoe.

ISAIAH 10:20

Shokhai toua buyu Israel maitao hai puletaoye souhalai tea buyu tyahrü taoye louchepu moa Israel maivei Amasheeo, Mapao sü acheche hinou loucheyu teithe sü velaire.

ISAIAH 29:13

Mapao nou paoe, “Mai haitao hai Eye thowe tea paowe, ana puletao vei tsüle louzü ahinou dousho-a bue. Puletao nou Eye thoyu haiolouzü mai nou doupeiyu zhai hinou soua baie.

ISAIAH 43:21

Puletao hai avei mai soure donou soupeie ae puletao nou Eye lou sousholai!”

ISAIAH 58:2

Puletao nou teithe tsü Eye phouwe ae aludu süyu donou asawe. Puletao hai checheyu tyahrü aliye alia sheeyu Ramai vei chikhatao sü züyu zhai souwe. Südonou puletao nou acheche hisünou chiku peio tea ahi nou kho-e; ae Eye thoyu sü jüpawe tea paoe.”

JEREMIAH 3:10

Vah ashi teitei souwu-a bua, chilee moyu Israel vei tupai Judah nou puh le teitei nou peimoa zhai soulou-a ahi dakhai vere. Haisü Mapao Enou paowe.”

JEREMIAH 4:2

neletao nou azhih sü poloua chaachou soua bailai. Süthaisü deiphao mai hrülai nou puletaoye hapeio tea ahi nou kholai, ae puletao nou Eye paosholai.”

EZEKIEL 22:30

Kivo nasü souloure donou mailia buhasa tea Enou zhu-e, kivo pepo tayu hinou laloua teidei hai nasü avei lekha rarou hinou vupa loure maiye Enou phou-e ana Enou mai ali-a ngaolou more.

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

JOHAN 12:23

Alia Jisu nou puhai hi chila peie, “Mai Nahpoutu nou kathe souloure phasü veloure.

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 16:32

Zhukhaio, neletaosü lahlah kihi poraveloua Eye lah thaokhai laiyu phasü laire, alia chekhaoa pha sünasü veloure. Ana Elah baimoe, daiolouzü Apuonou Eye koa bue.

JOHAN 4:21

Jisu nou puh hi paoe, “Naotupai, Eye louchepei khaio, Puoye deichi haina hinou moa Jerusalem hinou nelenou tho more pha nasü vere.

JOHAN 5:25

“Cheche vuzünou Enou neletao hi paowe, thaimainou Ramai Nahpoutu pai choulaiyu phasü vere, alia chue, alia pai süna choulouyu khemaisü hriloulai.

JOHAN 5:28

Süna vanou khupayu souso; daiolouzü khüh taohi buyu veishinou puh pai choulaiyu phasü vewe

ROMMAI 1:9

Enou puh Nahpoutu vei Ko Avei paodoua, Ale pfüphounou kuvah souyu Ramai puhnou kakua Enou neletaoye donou lichoa tobai soukhaimoa veachi pao-a busa touyu sü zhopaoh souwe:

ROMMAI 8:15

Daiolouzü Ramai nou neletao hi peikhai touyu Rako sünanou neletaoye panou qila soutamoe ea neletaoye panou pimoe. Süjüwo Rako sünanou neletaoye panou Ramai nahtao souloue, alia Rako sünavei khouko hinou Eletao nou Ramai hi, “Puo! Apuo!” tea shapae.

ROMMAI 8:26

Süzhaibüa Eletao nou lelouhoyu ki Rakonou Eletaoye soukha peiwe; daiolouzü kabüa veachi paozüwe touyu sü Eletao nou sümoe; Rako lahnou chipaonou paopalou hoyu lanou le-a Eletaoye donou Ramai hinou khowe.

GALATIAMAI 4:6

Alia neletao hai puh nahmaitao touyu sü pongaore donou Ramai nou puhnah Poutu vei Rakosü Eletao lehi seive thoupeie, alia rako sünanou, “Abba! Apuo!” tea raopawe.

EPHESAMAI 6:18

Ramai hinou soukha khoa haitao pfüphou hai veachi pao-a soulouwo. Rakonou süthai peiyu thaifüa phabu sanou veachi paolo. Qo haina vanou leikeilo ea hakia thaokhaiso, teisanou sheeyumaitao hrülai donou veachi paolo.

PHILIPPIMAI 3:3

Acheche hee vadeyu ngaolouyu taosü Eletao baie, puletao moe; daiolouzü Eletaowo Ramaiye puhvei rako vanou puhye thowe ea Khrista Jisu ye koa ali soulouyu hinou sasa-a bue. Eletaowo vakou naanou taliye lü-a hrümoe.

JOSHUA 24:14

“Südonou chuo neletaoa Mapao ye ngaopilo, alia puh vah sü chilee chechea soulo; nele puopao taonou rei holova buki alia Ejipt hi bubuki thoyu rah nasü thaowo, sükua nou Mapao vei vah sü soua baio.

1 PITAR 2:9

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

1 SAMUEL 12:24

Neletao vei tsüle ae hrümai teitei nou peia Mapao chi zülo, ae puhvei kuvah hai chilee cheche-a soulo. Puhnou neletaoye donou vah haso aduli soupei khaitouyu khesü licholo.