JOHAN 4:22 - SHEEYU BAIBEL (BSI)

²² Nelenou sümoyu nasü nelenou thowe; Ehwo Ehnou süyu naye thowe, daiolouzü khailu peiyu hai Jihudimai hinou ve.

JOHAN 4:22 Iomraidhean Croise

SHURAI 49:10

Judah bah hinou veo vei süpo bukou telai, Puh vei tounah taonou vekou teloulai. Tyahrü khemai nou puh hisü kalona pove peilai, alia puh chi züa puhye khurülai.

EZRA 4:2

puletao nou Zerubbabel alia khü-khü hi peikho maitao hisü veloua paoe, “Etao-a Rathoki souyu hi ko-a soulai, daiolouzü Etao-a neletao nou thoyu Rah nasü tho-a baie, Etaoye buh haihi save thoupeiyu Assaria veo Esarhaddon teile hinou neletao Rah nahisü sheela peiwe.”

LOUTAO 147:19

Puhnou chipao hai puhvei maitao hi peie, puhvei paodou peitao ae chikhatao hai Israel mai hi peie.

LOUTAO 68:20

Etao Ramai hai maiye khailupa peiyu Ramai-e; puh hai Mapao-e, Etao vei Mapao süe, Etaoye athai hinou khailupa peiyu nasüe.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 12:6

Zion hinou hrüa buyu mai hrülai pai chi-a lou sü soukhaio, daiolouzü Israel maivei sheeyu Ramai hai due-e, ae puh sü puhvei maitao hinou koa bue.”

ISAIAH 2:3

Maikhe mainou taveloua haibüa paolai, “Khe, Etao Mapao vei deichi peiva Israel maivei Ramai ye thoyu Rathoki hisü tave laikhe. Etaoye panou daivah souyu jüpawe touyu puhnou Etao hi dou peilai; ae puhnou dopa peikhai touyu ludu hisü Etao nou talai. Daiolouzü Mapao vei dou-apei nasü Jerusalem hinou vepawe, Zion hinou puhnou puhvei maitaoye chaku peiwe.”

ISAIAH 46:13

Khailupa loure nasü Enou poa laire, hai nasü kadou more, ae Enou khailu peire nasü shomore. Enou Zion ye sü khailupa peilai, ae Israel maiye sü panou aveih aduso nasü soulai.”

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

SEI-ATAMAI VAHTAO 17:23

Daiolouzü Enou taveloua neletao nou thoyu na taosü zhuyu kisü Enou sheelabuh ali hinou, ‘Sümoyu ra alihi’ tea rüthoukhai touyu sü ngaoe. Südonou neletao nou sümoa thoyu nasü Enou neletao hi paongaowe.

SEI-ATAMAI VAHTAO 17:30

Ramai nou dao raiki maikhe mainou puhye sülou moyu teile hiwo ngaoa ngaomokho soupeire, ana chuo buh liki buyu mai hrülaiye panou le daloure puhnou chikha peire.

SEI-ATAMAI VAHTAO 3:26

Südonou Ramai nou puh kilaiye doloua neletao vei ashi vah hinou neletaoye panou le daloua neletaoye hapeire donou puhye sü raia neletao hi seive peire.”

ROMMAI 11:18

Südonou, nenou süübotao kua chatayu puletaoye sü ngaophou moyu souwu laimoe. Nenou kakua khaophu souloulai? Ne sü süübo alibaie; nenou mataoye pfümoe, mataonou neye pfüwe.

EBRIAMAI 7:14

Daiolouzü Eletao Mapao hai Judah khü hinou ve-e touyu sü maikhe mainou sükhaiwe, alia Moses nou napaomaitao vanou chi paoyu kisü khü haina vanou halia paomoe.