JOHAN 4:21 - SHEEYU BAIBEL (BSI)

²¹ Jisu nou puh hi paoe, “Naotupai, Eye louchepei khaio, Puoye deichi haina hinou moa Jerusalem hinou nelenou tho more pha nasü vere.

JOHAN 4:21 Iomraidhean Croise

ISAIAH 66:1

Mapao nou paoe, “Raki hai avei vebue-e, ae deiphao hai Enou phi taiyu bue. Kabüyu ki tyanou neletao nou Eye donou soupeilai touwe, ae kabüyu buh hisünou Eye panou hrülai touwe?

EZEKIEL 14:3

“Thai-a bailaiyu mainare, mai haitao vei tsüle veishi hai bashara hi peiwure ae bashara sünou puletaoye mah hi süthaithou peiwure. Puletaoye Enou chila peishulai tea puletao hai tsüchovu?

EZEKIEL 20:3

“Thai bailaiyu mai nare, mai haitao hi Ramai Mapao nou haibüa paowe tea paopeio: Neletao avei leli nasü noure donou vehomoe? Cheche vujünou E hai hriyu Ramai thaifüa neletaoye panou ahinou halia noulai moe. Haisü Ramai Mapao Enou paowe.

MALAKAI 1:11

Daiolouzü teinghi palaonou loulao koute azhih hai tyahrü teitei hi dushoe, alia buh teitei hinou theadzü kaiveih nou poa azhih hinou sheela peiwe, alia sheeshayu nanou Eye poa sheela peiwe; daiolouzü azhih hai tyahrü hrülai hi dushoa bue, tea Khoukhoulai Mapao nou paoe.

MATHIU 18:20

Daiolouzü Azhih hinou mai ahai nou moa asünou vedzüa buyu hisü, E-a puletao hrohi bue.”

MATHIU 28:19

Südonou takhaio ea tahrüh hrülaiye panou Arozümai souloukhaio. Puletaoye Puo, Nah ea Rako Mashi zhih hinou dzükhao dakhaio;

LUK NOU RÜYU KO AVEIBVÜ 21:24

Puletao kamaitaoye sü khochenou daotheawulai, alia kukhemai taoye sü niloua tahrüh teitei hrohi süthai-savelai; alia tahrüh kukhe maitao teilesü chekhou mosa koutesü, tahrüh kukhemai taonou Jerusalem ye sü taisasawulai.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 16:2

Puletao nou neletaoye rathobuhtao hinou hutalai. Cheche vuzünou phasü veloure, süolouzü neletaoye southeayu maitalinou sübüa souyu hai puhnou Ramai kuvah souwe tea cholai.

JOHAN 16:32

Zhukhaio, neletaosü lahlah kihi poraveloua Eye lah thaokhai laiyu phasü laire, alia chekhaoa pha sünasü veloure. Ana Elah baimoe, daiolouzü Apuonou Eye koa bue.

JOHAN 4:23

Ana chekhaoyu ratho mainou Puoye rako ea acheche hinou tholaiyu phasü vere, alia chue, daiolouzü Puonou puhye sükua thoyu sü phoue.

JOHAN 5:25

“Cheche vuzünou Enou neletao hi paowe, thaimainou Ramai Nahpoutu pai choulaiyu phasü vere, alia chue, alia pai süna choulouyu khemaisü hriloulai.

JOHAN 5:28

Süna vanou khupayu souso; daiolouzü khüh taohi buyu veishinou puh pai choulaiyu phasü vewe

SEI-ATAMAI VAHTAO 6:14

daiolouzü Nazareth hi Jisu hai nanou Rathoki haina sü souhalai ea Moses nou Eh hi peikhai touyu zhai hainasü soudalai tea puhnou paoyu sü Ehnou choue!”

EPHESAMAI 2:18

Jihudimai ea tahrüh kukhemai Eletao hrülaisü Khrista vanou rako ali hinou Puo nghojü hi veloure.

EPHESAMAI 3:14

Qo haina vanou Enou Puo nghojünou kou Akhou khüloua veachi paowe,

1 TIMOTHI 2:8

Südonou poutumainou buh liki hinou lekha-rarouyu moa zü-veiyu ha-a puletao vei sheeyu bahnou laposhu Ramai hi veachi paoyu sü Enou züpawe.

1 PITAR 1:17

Mai ali linou souyu thaifüa maikhemai hrülaiye zhai ali hinou chikuyu Ramai hi neletao nou veachi paoyuki puhye sü Puo tea kulouzü, deiphao hi hrübuki neletao hrümaisü puhye khuhao-a hrülo.

PONGAOPEIYU 21:22

Alia Enou nuhdu sühisü Rathoki alia ngaomoe, daiolouzü Khoukhou lai Ramai Mapaowo ea Zhaotou sünanou sünavei Rathokie.