JOHAN 4:20 - SHEEYU BAIBEL (BSI)

²⁰ Eh puo-pao mainou deichi haina hinou Ramaiye thowe; ana emainou Ramaiye thore buh louzü Jerusalem hi bai tea nelenou paoe.”

JOHAN 4:20 Iomraidhean Croise

1 VEMAITO 9:3

Mapao nou haibüa puh hi paoe, “Enou nevei veachi sü chouloure. Teisa nou Eye thore donou soushu khaitouyu Rathoki nasü Enou soushee peiwure, alia teisa Enou khopeilai ae vupeilai.

1 PUOPAOKO 21:26

Puhnou buh sühisü Mapao donou posheelabu ali soushu loure alia meidei-a posheelayu ae kaozhou vei-a hrüre donou posheelayu sü posheela peie. Puhnou veachi paoe, ae puhvei veachi sü Mapao nou kei peia raki vanou mei seikou posheelabu hi buyu posheelana khesü meidei peie.

1 PUOPAOKO 22:1

Süthaisü David nou paoe, “Buh hai hinou Ramai Mapao vei rathoki nasü soulai, ae posheelabu hai hinou Israel mai nou meidei-a posheelayu sü soulai.”

2 PUOPAOKO 6:6

Ana chuo Enou Jerusalem hinou pa Eye thore donou, ae David, neye panou avei maitaoye khasa-a hrüre donou dopa khaipeiwure.’ ”

2 PUOPAOKO 7:12

Mapao nou puh hi khei nou ve zhu ngaoloua haibüa paoe, “Nenou veachi paoyu sü Enou choure, ae Rathoki hai nasü Eye posheela peiyu buh ali soure donou Enou popeiwure.

2 PUOPAOKO 7:16

daiolouzü Enou Rathoki hai nasü doloure ae buh hai hinou Eye panou teisa thore donou soushee khaipeiwure. Enou hai nasü zhupeilai, ae vere teile teitei hia Enou hai nasü vupeilai.

LOUTAO 132:13

Mapao nou Zion sü doloure; puhnou sühinou puh ki sü sounüe.

LOUTAO 78:68

Anou puhnou Judah khü sü dopaloure, ae puhnou jüpa shoyu Zion Deichi nasü doloure.

ISAIAH 66:1

Mapao nou paoe, “Raki hai avei vebue-e, ae deiphao hai Enou phi taiyu bue. Kabüyu ki tyanou neletao nou Eye donou soupeilai touwe, ae kabüyu buh hisünou Eye panou hrülai touwe?

LUK NOU RÜYU KO AVEIBVÜ 9:53

Ana puhnou Jerusalem hi taresü ngaoloua sühi buyu maikhemai taonou puhye shepeibae.

JOHAN 4:12

Newo Eh puo-pao Jakob jünou duhiwu? Puhnou Eletao hi dzükhao haina hai peie, alia sühinou puh-a, puh nahmai tao-a alia puhvei kikhaorü tao-a po küloue.”

PAODAKHAIYU CHIKHA 11:29

Neletao nou talou polou laiyu teidei hi neletao Ramai Mapao nou neletaoye sa-a talouki, neletao nou Gerizim deichi hinou shiha taosü shapaolai alia Ebal deichi hinou chaa taosü shapaolai.

PAODAKHAIYU CHIKHA 27:12

Neletao nou Jordan tachopa louyu thai, maikhemai hapeire donou Gerizim deichi pei hinou khü haitao hai tapa lalai: Simeon, Levi, Judah, Issakar, Josef alia Benjamin.