JOHAN 4:14 - SHEEYU BAIBEL (BSI)

¹⁴ ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 4:14 Iomraidhean Croise

ISAIAH 49:10

Puletao hai hou-zü laimoe, moa radeiki hi teisouyu ae teinghi noua puletaoye sü phushi loulai moe. Daiolouzü puletaoye sü zhuvea apeio sünou süthaisa-a tapeilai, ae puletaoye sü dzüla aveih hi süthaisa-a vepeilai.

ISAIAH 55:1

Mapao nou paoe, “Tavelo, rei-a laiyu maitao, dzü hi tavelo! Pousha ha-a buyu maitao, tave touso sü hüloua tou khaio! Tave zhaoh ae chonaodzü kelo, pousha polai moe, ae muhma-a polai moe!

ISAIAH 58:11

Alia Enou neletaoye teisa nou süthaisa-a tapeilai, ae neletao jüpa nasü ngaoche loulai. Enou neletaoye panou sava-a ae khouchi-a bulai. Neletaoye sü panou dzü züpei koute-a buyu kipei ali railai, ae themoyu dzüla ali büa panou bukoute loulai.

JEREMIAH 2:13

daiolouzü avei maitao nou mah ashi ahai souwure; puletao nou Eye sü thaowure, hriloure dzüla nasü malaiwure, ae puletao nou lah dzükhao sü heloure, süsü dzü tsüta-a bailaiyu dzükhao baie.

JEREMIAH 31:25

Veaho-a laiyu maitaoye sü Enou souhripu peilai ae touha-a lülouho-a laiyu maitaoye sü pouphou rukhayu sü soupeilai.

EZEKIEL 47:9

Reidzü hai nanou kütayu veishi hisü hrikhaona ae khah tyatyali bulai. Reidzü hai nanou Athai Zai hi dzü khesü souvei dakhai peilai, ae hai nanou küve peiyu teitei hisü ahri hai pove peilai.

LEVIMAI LARÜBVÜ 11:36

ana dzünghou moa dzübvü louzü shee-a bailai, anou na kukhe louzü thaiphao nou deiyu veishi hai shee moa bailai.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

MATHIU 5:6

Achechena donou rei-züyu maisü rakoveie; daiolouzü puletao sü reikha ngaoloulai!

JOHAN 10:10

Avaomai sünanou vaore, southeare ea souhare donou likhei vebaie. E louzü puletao ahri ngaoloure alia sünasü ngaochekhou loure donou ve-e.

JOHAN 11:26

alia hria Eye loucheyu mai talinou hatakia thailaimoe. Sünahai ne louche homoe?”

JOHAN 4:10

Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:11

Naotu süpainou puh hi paoe, “Dou-apeio, newo dzü saoloure halia hae, alia dzükhao nasü thoushowe; daikinou nenou hriyu dzü nasü ngaoloulai?

JOHAN 4:13

Jisu nou puh hi paoe, “Dzü haina keyu mai talisü reipu khailai,

JOHAN 4:36

Thoutai vuyu na-a, cha chiyuna-a koa sazhore donou cha chiyu nanou zhosü ngaowe, alia teisa ahri vei donou routhou sü podzü loue.

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

JOHAN 6:58

Raki hinou kouyu raokhao nasü hainae, alia haisü neletao puo-pao maitao nou touloua thaitayu raokhao süna bümoe; raokhao haina toulouyu puhsü teisanou hrilai.”

JOHAN 7:37

Nüh süna akhai ea matsü tsülai teithe kisü, Jisu nou lashuloua ea paikushoa paoe, “Maitalia reilouzü, puhye panou Ahi taveloua küloukhaio.

ROMMAI 5:21

Südonou athaina vanou mahnou tukha sahrüyu büa achechena vanou Ramai zhuvea nou tukha sahrüa Eletao Mapao Jisu Khrista vanou Eletaoye teisa ahri hi süthai thoupeie.

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

2 KORINTHMAI 1:22

Puhnou puhvei paoshee hai Eletao pei hi noupeiwure ea puh rakosü Eletao lethounou panou lapeiyupao soua bure donou Eletao hi peiwure.

EPHESAMAI 4:30

Alia Ramai vei Rako Mashiye le souveaso, daiolouzü puh vanou neletaoye sü khailupapei laiyu teitheki donou paoshee soupeire.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 7:16

Puletao sü hakia reizü pukhai laimoe; alia puletao pei hisü teinghinou-a moa meisou hatalinou-a chakhai laimoe.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”