JOHAN 4:10 - SHEEYU BAIBEL (BSI)

¹⁰ Jisu nou puh hi chila peie, “Nenou Ramai vei sa-apeina ea nehinou dzü khoyu puh hai thaohsa touyu süa buyu thaio nenou, puh hinou kholai, alia puhnou nehi hriyu dzü nasü peiloulai.”

JOHAN 4:10 Iomraidhean Croise

LOUTAO 10:17

Oh Mapaowo, lelou hoyu maivei veachi sü nenou keinou peilai; nenou puletao vei tsüle sü soudu peilai.

LOUTAO 46:4

Sühisü rei ali nou Ramai vei nuhdu, Kukulaiwo vei sheeyu ki hisü savayu hai küve peie.

TAPALOUYU 17:6

Horeb deichi hi chuhlyatao hisü Enou ne nghoujü nou lapeilai, ae nenou chuhlya nasü dapei louzü, sühi sünou maikhe maiye ke loure dzü sü panou küpa peilai.” Moses nou süthai apei maitao nghoujü nou sübüa soupeie.

SOLOMON VEI LOU 4:15

Ne hai dzühla payu kipei-e; hriyu dzükhao, alia Lebanon deichi hinou kükouyu reitou alie.

ISAIAH 12:3

Rei-a laimai nou veishoyu dzü ngaoloua asayu büa Ramai vei maitao sü puhnou khailupa peiyu donou asawe.”

ISAIAH 35:6

Phibah shiyu mai nou kho-shu büa tuta loulai, ae la hayu mainou sasho-a nou lou soulai. Radeiki hisü nou dzüla palai ae reidzü sü külai.

ISAIAH 42:6

“Mapao, Enou neye acheche hinou kupa dopa loure, Enou neye sü süthaisa-a tapeilai. Ne vanou Enou mai hrülaiye sü koa vo ali soupeilai, alia tyahrü teitei hi Enou ava sü seive peilai.

ISAIAH 43:20

Enou dokupa louyu avei maitaoye panou dzü kere donou hiphao laophao hisü reidzü kü peiyu donou rekhaona, lakhao, ae raohou khenou Eye tsükhoulai.

ISAIAH 44:3

“Daiolouzü rei-a buyu deiphao hisü Enou dzü lazü peilai, ae dei theyu phao hisü pa reidzü kü peilai. Enou neletao vei nahmaitao hisü avei rako seikou peilai, ae neletao vei tyaosholea hisü Enou shiha peilai.

ISAIAH 49:10

Puletao hai hou-zü laimoe, moa radeiki hi teisouyu ae teinghi noua puletaoye sü phushi loulai moe. Daiolouzü puletaoye sü zhuvea apeio sünou süthaisa-a tapeilai, ae puletaoye sü dzüla aveih hi süthaisa-a vepeilai.

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

JEREMIAH 2:13

daiolouzü avei maitao nou mah ashi ahai souwure; puletao nou Eye sü thaowure, hriloure dzüla nasü malaiwure, ae puletao nou lah dzükhao sü heloure, süsü dzü tsüta-a bailaiyu dzükhao baie.

EZEKIEL 16:35

Jerusalem, khakhayu pfüpai, chuo Mapao nou paoyu sü keilo.

ZEKHARIAH 13:1

“Sübüyu teithe veyu phaki, David kihikhamai alia Jerusalem hinou hrüa buyu maitao vei mah ae sheemoyutao khüsheere donou dzühou ali soupeilai.

ZEKHARIAH 14:8

Süzhou hai Jerusalem hinou ahri dzüla sü küpalai, dahli hai teinghi palova ae dahli hai teinghi loulova nou külai; süsü ka-hou sümoa kübulai.

LUK NOU RÜYU KO AVEIBVÜ 11:13

Südonou shi-a buyu neletao koute-a neletao nahmaitao hi avei nataonou peilou sülouzü, daizhozhou koute kou-a rakibu Puonou puh hinou khoyu maitao hisü Rako Mashinou peilaisa.”

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 6:35

Jisu nou puletao hi paoe, “E hai ahri raokhaoe; Ahi taveyu puhsü houkhai laimoe, alia Eye louche louyu puhsü reikhai laimoe.

JOHAN 6:51

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

SEI-ATAMAI VAHTAO 9:11

Mapao nou puh hi paoe, “Shulo ea tapoa ‘Zütouyu’ tea kuyu duva hisü taveloua Tarsa hi mai Saul tea kuyu mai sünaye Judas ki hinou ve phoukhaio, daiolouzü zhukhaio, puhsü veachi pao-a bue,

ROMMAI 8:32

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

1 KORINTHMAI 10:4

alia puletao hrülainou rako hilovei kheihaoyu dzü sü küe. Daiolouzü puletao nou puletao thaifüa laiyu rako hilovei chuhdu hinou dzü sü küe, alia chuhdu sünasü Khrista puh baie.

2 KORINTHMAI 9:15

Paoshalou hoyu puhvei sapeina donou Ramaiye kalo paowe.

EPHESAMAI 2:8

Daiolouzü zhuvea nou neletaoye lü vanou khailu peire; alia haisü lah neletao nou te-a soulouyu vanou moe, haisü Ramai vei sapeina baie—

EBRIAMAI 6:4

Daiolouzü vuhli lüloua puletao vei lü thaoyu maitaoye sü kakua sada khaive le soudalou khailai? Puletao sü vuhli Ramai vei ava hinou bue; puletao nou raki vei sapeina kai sünasü süloure ea puletao sü Rako Mashi hilo zha nasü ngaoloure;

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:17

Rako ea Nghire painou paoe, “Tavelo!” Alia chipao haina choua buyu puhnou, “Tavelo!” tea paokhaio. Alia rei-a buyu maitalinou tave loukhaio, züpa-a buyu maitalinou ahri dzü sü sa-a küloukhaio.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”