JOHAN 3:36 - SHEEYU BAIBEL (BSI)

³⁶ Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 3:36 Iomraidhean Croise

JOB VEI LARÜBVÜ 33:28

Ramai nou Eye panou athai maivei teidei hi tamore, chukoute-a Eye panou hri-a buhie.”

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 36:9

Daiolouzü ne hi hriloure dzüla sü bue, ae nevei ava hisünou Etao hai vayu ngaoloua nou bue.

LOUTAO 49:19

puhvei paipaoh maitao büa puh-a thaita bailai, ae puhnou ava nasü ngaopulou laimoe.

HABAKKUK 2:4

Sünavei chipao sü haire: ‘Ashi vah soua laiyu maitao hai hrilai moe, ana checheyu maisü puletao vei lü vanou hriloulai.’ ”

MAIPEI PHOUYU 32:11

‘Enou Abraham, Isaak ae Jakob hi peilai tea paokhai touyu teidei hisü Ejipt hinou tapayu po kai jünou layu mai ali-a panou talou ngaolai more, daiolouzü puletao nou Eye sü louche more.’

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

MARK 16:16

Loucheloua dzükhao dalouyu mai talinou khailu loulai; louchelou momai taliye sü mah dukhaiwulai.

LUK NOU RÜYU KO AVEIBVÜ 2:30

daiolouzü nenou maikhemai hrülai nghojü hinou soudapei khaitouyu,

LUK NOU RÜYU KO AVEIBVÜ 3:6

alia maitya hrülainou Ramai vei khailu peiyu sü ngaolai!’”

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 10:28

Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 4:36

Thoutai vuyu na-a, cha chiyuna-a koa sazhore donou cha chiyu nanou zhosü ngaowe, alia teisa ahri vei donou routhou sü podzü loue.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:58

Raki hinou kouyu raokhao nasü hainae, alia haisü neletao puo-pao maitao nou touloua thaitayu raokhao süna bümoe; raokhao haina toulouyu puhsü teisanou hrilai.”

JOHAN 8:51

Cheche vuzünou Enou neletao hi paoe, maita linou Achipao hai züa bulouzü puhnou athai sü ngaokhai laimoe.”

SEI-ATAMAI VAHTAO 14:2

Ana louche bayu Jihudimai taonou tahrüh kukhe maitaoye süpeiwu-a panou puletaoye nou lüloumaitao pei hi motou loure.

ROMMAI 4:15

Razhainou Ramai vei rarou nasü pove peiwe; ana razhai hayu buhiwo, razhainou paoyu zümoyu touyu-a hae.

ROMMAI 5:9

Puh zhe vanou Ramaiye koa Eletaoye souzü peire; süthaisü daizhozhou koua puhnou Eletaoye Ramai vei rarou hinou khailupa peilai!

ROMMAI 8:1

Südonou chuo Khrista Jisu hinou hrüa buyu maitao donou mah dukhaiyu hare.

GALATIAMAI 3:10

Daiolouzü razhaivei vahtao hinou lüa buyu maikhemai hrülaisü cha khehinou bue; daiolouzü sheeyu larübvü hinou haibüa rüthou khaitoue, “Razhai bvü hi rüthou khaitouyu teitei teisanou zülou moyu puletao hrülai sü Ramai vei cha khehi bue!”

EPHESAMAI 5:6

Maitaliye panou neletaoye raohayu chipaonou lawuso; daiolouzü haibüyu vahtao vanou Ramai vei rarouhai paoyu zübayu nahmaitao pei hi vewe.

1 THESSALONIMAI 1:10

puhnah Poutu, puhnou athai hinou souhrishu louyuna sülouzü Eletaoye vere Ramai vei rarou hinou khailupa peiyu Jisu veresü kabüa neletao nou khoa busa touyu vanou puletao lahnou paongao-a bue.

1 THESSALONIMAI 5:9

Daiolouzü Ramai nou Eletaoye puhvei rarou nasü ngaoloure donou doloumoe, ana Mapao Jisu Khrista vanou khaipeiyu nasü ngaoloure donou doloubaie.

EBRIAMAI 10:29

Sükuyu thaisü, kazhou koute shiyu tudeisü Ramainah Poutuye ngaorayu, alia puhye mah hinou soushee peiyu vo navei zhe sünaye souzhaiwuyu, alia zhuvea vei Rakoye sou ahrao peiyu mai sünanou ngaozüe tea nenou chowe?

EBRIAMAI 2:3

Eletao nou haibüyu dushoyu khailu peiyu nasü ngaophou molouzü kakua Eletao sü tupaloulai? Rairaikaia Mapaowo lahnou khailu peiyu hainasü paosüpeie, alia puh chi choulouyu puletao nou süsü chechewe tea Eletao hi zhopaoh peie.

EBRIAMAI 3:18

Alia paoyu zübayu maitao hi moa nou thaohmaiye panou puhvei soyu buh hi hakia loulaimoe tea Ramai nou cha-chou souwe?

EBRIAMAI 3:19

Südonou louche moyu vanou puletao sü sobuh sühi loulou hore touyu sü Eletao nou ngaowe.

PONGAOPEIYU 21:8

Ana, khuhayumai lüloumomai, souzhaiwuyu maitao, maiye southeamai, khulou vah soumai, khei-khupado souyu maitao, basharaye thoyu maitao alia madayu mai hrülai taovei buhwo louzü meinou ea meichuh nou dei-a buyu meizai sünasüe, süsü athai ahai chenasüe.”