JOHAN 3:34 - SHEEYU BAIBEL (BSI)

³⁴ Daiolouzü Ramai nou seiveyu puhnou Ramai chipao paoe, daiolouzü Ramai nou Rakohai khadaloua peimoe.

JOHAN 3:34 Iomraidhean Croise

2 VEMAITO 2:9

Buh sühinou Elijah nou Elisha hi paoe, “Eye sa-a tamo jünou, Eye panou ne hi dai soupeiyu sü jüpawe touyu hai paokhaio.” Elisha nou chila peie, “Nevei khouko nasü Eye panou ne thao thaoyu soua ngaolo.”

LOUTAO 45:7

nenou acheche nasü jüpa-e ae ashi nasü ngaora-e. Südonou Ramai, nevei Ramai nou neye sü dokupa loue, ae mai kukhe jünou neye sü savayu hai peipue.

ISAIAH 59:21

Alia Enou neletaoye koa vo soulai: Avei khouko ae achipao khesü teisa panou neletao vei soure donou neletao hi peilai. Südonou chu nou poa neletao nou achi zülai ae neletao vei nahmai hi sükhesü doupeilai, alia vere teitei hie neletao nou achi züa neletao vei nahmai ae tyaosholea hisü achi zülo tea doupeio.”

LEVIMAI LARÜBVÜ 7:35

Haina hai Israel mainou Mapao hi thoudzü vei posheela peiyu soua Aaron ae puhvei nahpoutu maitao nou napao soure donou kupaloua theadzü napeiyu teithe hinou puletao vei zha soulai.

MAIPEI PHOUYU 11:25

Süthaisü Mapao nou teihao hinou takouloua Moses ye cha-e. Puhnou Moses hi peikhai touyu rako chitya hai poloua süthai-apei mai rainai hisü peie. Rako sünou puletao hi velouyu phaki, puletao hai rachipaola peiyu mai büa raopare, ana teile sho-a nou puletao hisü bumoe.

MATHIU 12:18

“Zhukhaio, Enou dolouyu Akilainaye sü, Arakonou sasho-a buyu Aleshina. Enou Arakohai puh pei hi seive thoupeilai, alia puhnou Avei Chikuyu sü Tahrüh khemai hi paongao peilai.

LUK NOU RÜYU KO AVEIBVÜ 4:18

“Mapao vei Rakosü Apei hi bue, daiolouzü puhnou Eye sü toure hamai hi ko avei paodou peire donou dopa peire. Puh nou Eye sü hukhakihi bumai taohi mado souyu ea nghichamai hisü nghi ngaolouyu sü shangao peire, sovea-souhowuyu maiye phapeiyu,

JOHAN 1:16

Alia puh vei phoupeia buyu zhuveana hinou Eletao hrülainou zhuvea peinou zhuvea nasü ngaoloure.

JOHAN 15:26

“Ana Enou Puo hinou neletao hi seivepei laiyu, süolouzü Puo hinou velaiyu acheche Rako, soukha-apeionou veyu kisü puhnou Avanou zhopaoh soulai;

JOHAN 16:7

Ana Enou neletao hi acheche nasü paowe: Enou tayuhai neletao donou veipuhie, daiolouzü E tamo louzü, soukha-apeio nasü neletao hi velaimoe. Ana Enou talouzü, puhye Enou neletao hi seive peilai.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 5:26

Daiolouzü Puo puhlah hi ahri buyu kua, Puhnou Nahpoutuye-a lah puh hi ahri buloure aetou peiwure;

JOHAN 7:16

Südonou Jisu nou puletao hi chila peie, “Enou doupeiyu hai Avei moe, ana Eye seive peiyu puh veie.

JOHAN 8:40

ana Ramai hinou achechena chouloua neletao hi doupeiyu mai Eye chuo neletao nou southealai tea phouwe. Abraham nou sübüa soukhai moe!

JOHAN 8:47

Ramai hinou veyu puhnou Ramai chipaotao keiwe; neletao nou chipao sütao keibayu louzü neletao hai Ramai hinou vemoe.”

SEI-ATAMAI VAHTAO 1:2

süolouzü puhye raki hi pokheyu teithe koute vei ko teitei sü Enou rüwure. Puhye raki hi pokhemojü puhnou Rako Mashi khouko vanou dopa louyu puhvei sei-atamai taoye chikha pei-a doupeie.

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

ROMMAI 8:2

Daiolouzü Khrista Jisu hinou ahri Rakovei razhai nanou Eye sü mah ea athaivei razhaina hinou do soupeire.

EPHESAMAI 3:8

Sheeyu maitao hrülai jünou Esü tainoukakhai-a Khrista vei paoshalou hoyu kinina vanou tahrüh kukhe maitaohi paodou peire donou zhuvea hainasü Ahi peikhaitoue,

KOLOSSEMAI 1:19

Daiolouzü Nahpoutu nou lah puh hi Ramai zhai chekhoua buyu sü Ramai puhvei leli nasüe.

KOLOSSEMAI 2:9

Daiolouzü, puhvei emai hrü hisü, Ramai zhai teiteisü buchewe,

PONGAOPEIYU 21:6

Alia puhnou Ahi paoe, “Haisü souchere! Esü Alpha ea Omega, shuraina ea akhaiwo nasüe. Rei-a buyu, maitali hisü ahri dzünghou hinou Enou panou sa-a küloulai.

PONGAOPEIYU 22:1

Süthaisü rakivamai sünanou Ramai ea Zhaotuvei vebuh hinou küpayu zhuzhu büa leivavayu ahri dzüvei rei nasü Ahi pongaoe,