JOHAN 3:3 - SHEEYU BAIBEL (BSI)

³ Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 3:3 Iomraidhean Croise

JEREMIAH 5:21

Oh voyu maitao ae tsü hayu maitao, nghithou pfüa ngaomoyu maitao, noubi pfüa choumoyu maitao, soutaosou keilo.

EZEKIEL 36:26

Enou neletaoye lüthou ashu ae tsüle ashu hai peilai. Neletao vei lüthou, chuh büa khousho-a nou rochiyu nasü Enou popha peilai, ae maichi züyu lüthou sünou thoupeilai.

MATHIU 16:17

Alia Jisu nou puh hi chila peie, “Johan nahpoutu Simon, newo rako veishoe! Daiolouzü haihai ke-zhenou nehi pongao peimoe, ana haisü rakibu Apuonou nehi peibaie.

MATHIU 19:24

Enou neletao hi paopue, hanimai alinou Ramai Vedeihi veloure jüwo racho alinou pei kulu hi tailouyu sünanou tala hie.”

MATHIU 21:31

Puhai hi kananou puh puo vei leli soue?” Puletao nou chila peie, “Tsüna noue.” Südonou Jisu nou puletao hi paoe, “Chechenou Enou neletao hi paowe, neletaojü rai-a kikha khamai ea khakhamai taonou Ramai Vedeihi vetare,

MATHIU 5:18

Cheche vuzünou Enou neletao hi paowe, raki ea deiphao hatamosa koute razhai hinou chahko taili moa chahko daopouyu li koutea sütao teitei vetemo koutesü halaimoe.

MARK 10:14

Ana Jisu nou süsü ngaoloukhaie puh hai lekhaloua puh rozümaitao hi paoe, “Nahtumai taoye panou Ahi kouwo, alia puletaoye nuso, daiolouzü Ramai Vedeihai haibüyu maitao veie.

MARK 9:47

Alia ne nghithounou neye mah hi süthou peilouzü, süsü reilapawo! Neye donou nghithou ahai pfüa meizaihi polai thouwuyu jüwo nghithou ali pfüa Ramai Vedeihi louyuna nou veikouhie.

JOHAN 1:13

Puletao nalouyu haiolouzü zhe hinoua, vasounou li-choyu hinoua, moa mainou li-choyu hinoua moe, ana Ramai hilonoue.

JOHAN 1:5

Ava nanou teizhi hi vapeie, alia teizhi nanou sünaye kolou moe.

JOHAN 1:51

Alia Jisu nou puletao hi paoe, “Enou neletao hi chichenou paowe, neletao nou raki houpayu alia rakivamai taonou Mai Nahpoutu peinou takou takheyu ngaolai.”

JOHAN 12:40

“Puhnou puletao nghithou souchare ea puletao le soukhoure, sükumo louzü puletao nou puletao nghithounou ngaolou shulai ea puletao lenou sülou shulai, alia puletaoye souvei peire donou Ahi khaive shulai.”

JOHAN 3:4

Nikodemas nou puh hi paoe, “Kakua mainou tsülouyu thainou nakulou khailai? Puhnou puh pfü pouhi lou ahaikholoua nakhailou süwu?”

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

2 KORINTHMAI 5:17

Südonou maitalinou Khrista hi buloure toulouzü, puhsü basha ashu datare; aku nasü tare, zhukhaio, ashu nasü vere.

GALATIAMAI 6:15

Daiolouzü hee rodeyu moa rode moyu sünanou halia moe, ana tsü chorewo louzü soushu louyu sünasüe.

EPHESAMAI 2:1

Raikisü neletao hai paoyu zümoyu donou ea mah vanou rako hilonou thaia bue.

PAODAKHAIYU CHIKHA 29:4

Ana zhou koute Mapao nou neletao hi sülou süyu tsüle, ngaolou süyu nghithou ae choulou süyu nou hai peimo hie.

TITA 3:5

puhnou Eletaoye khailu peire. Süsü lah Eletao nou acheche vah tali souwuyu vanou moe, ana lah puhvei zhuvea vanou baie. Puhnou Eletaoye Rako Mashi vanou khüshee peiwu-a puh vanou Eletao hi nashu louyu ea hrü ashu peiwuyu vanou khailupeie.

JEMS 3:17

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

1 JOHAN 2:29

Puh hai chechewe touyu hai neletao nou sülouzü, cheche vah soua buyu maitalisü Ramai nahbaie touyu sü neletao nou süvuzülai.

1 JOHAN 3:9

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:18

Eletao nou süwe süolouzü Ramai hinou nalouyu maitalinou mah soua bumoe; daiolouzü Ramai Nah Poutuwo nou puhye sü khotoupeia bue, alia ashi nanou puhye sü soushi louhoe.

1 JOHAN 5:4

daiolouzü Ramai hinou nalouyu mai hrülainou deiphaoye koloue. Alia Eletao lü vanou Eletao nou deiphaoye kolouwe.

PONGAOPEIYU 3:14

“Laodikia hi buyu lüloumaime vei rakivamai na hi rükhaio: “Chi haisü acheche ea chekhaoyu zhopaohsouwo, Ramai nou soukhai touyu teiteivei beihna, Amen puhvei chipaoe.