JOHAN 3:29 - SHEEYU BAIBEL (BSI)

²⁹ Nghirepaiye ngaolouyu puh sü sheerepue; ana la-a ea puh chi kei-a buyu sheerepu vei samai sünanou sheerepu vei pai chouloua le sashowe; südonou Avei asah nasü chuo chekhoure.

JOHAN 3:29 Iomraidhean Croise

SOLOMON VEI LOU 3:11

Oh Zion hi nah naotumai taore, takou veo Solomon ye zhukhaio. Puh hai puh pfünou puhvei shanghi souyu teithe, puhvei asayu teithe hi rüpeiyu vepeirü nasü rüpoa laire.

SOLOMON VEI LOU 5:1

Atupai, aleshipai, avei kipei hisü E vere, Enou avei kainüvei pou khesü pojülaire, Enou voudzü sü avei voudzüpho koa nou toulai, Enou rashidzü sü avei chonaodzü koa sho-e. Toukhaio, Oh aleshipu, alia ke khaio; lesha nasü nenou khamo koute ke khaio.

ISAIAH 54:5

Daiolouzü neye Sou-apeio sünou nevei maipou ali büa sabu peilai, Khoukhoulai Mapao touyu sü puhvei zhih-e. Sheeyu Israel maivei Ramai nou neye sü khailupa peilai, puh hai deiphao teitei vei Ramai nasüe.

ISAIAH 66:11

Nahmaitou ali nou pfü naodzü naoyu bütoua neletao nou honapai hinou sava-a hrülai.

JEREMIAH 2:2

Ne taho Jerusalem maitao hisü Mapao nou haibüa paowe tea paokhaio, “Nevei nahlea buki lesha, nenou aki veraiki vei leshi nahai nenou radeiki hinou ae shinamara thoumoyu buhtao hi nenou athaifü tayu Enou ngaimoe.

EZEKIEL 16:8

“Enou dakhai vepuyu phaki, ne hai leshi lou veiyu teile hi pa-a nou ve ngaoloue. Baitoua buyu nevei pfüphao hai avei zhao nou poa nou neye hopeie, ae Enou neye leshi peilai tea chaachou sü soupeie. Enou neye nalai tea shanghi souyu vei vo sü soupeie ae ne sü avei souloure.” Haibüa nou Ramai Mapao nou paoe.

HOSEA 2:19

Enou neye teisa nou akhapfü soure donou poloulai; Enou neye acheche alia souzü hinou, tobai soumoa leshiyu alia zhuvea hinou akhapfü soure donou poloulai.

MATHIU 22:2

“Raki Vedeihai vemai alinou puh nahpoutu sheeyuki tovai peiyu sünaye pao nadalou veie.

MATHIU 25:1

“Sükisü raki Vedei hai puletao vei meibvü poloua sheerepuye daore donou tapayu loumaina kiroutaoye pao nadalou veie.

MATHIU 9:15

Jisu nou puletao hi paoe, “Sheenghiyu buh hi shemaitao nou sheerepunou puletaoye koa bubusasü levea-a bulou süwu? Sükulouhoe! Ana sheerepuye puletao hinou potalaiyu teithesü velai, alia sükinou puletao sü lühlai.

LUK NOU RÜYU KO AVEIBVÜ 15:6

kihi khaive baiwe. Süthaisü puhnou puh samaitaoye ea kinapataoye kuve dzüloua puletao hi paoe, ‘Eye koa sazho peikhaio, daiolouzü hawuyu Avei zhaotu nasü ngaoloure.’

JOHAN 15:11

“Avei sayu nahai neletao hi buloure donou, alia neletao vei sayuhai liche loure donou Enou haitaosü neletao hi paopeire.

JOHAN 16:24

Chu koute neletao nou Azhih hinou hatalia khokhai mohie. Khokhaio ea neletao vei asah nasü chekhoure donou neletao nou ngaoloulai.

JOHAN 17:13

Ana chuo E nehi tavewe; alia Avei asah nasü lah puletao lehi liche-a buloure donou Enou deiphao bubu kinou chi haitaohai paowe.

JOHAN 3:30

Puhwo dupu vuzülai ana Ewo khaikou vuzülai.”

2 KORINTHMAI 11:2

Ramai nou doyu sübüa Enou neletao phao doshoa bue; daiolouzü nghirepai sheetouyu loumaina aliye puhvei chaahi peilaiyu büa, Enou neletaoye Khrista ki noutore.

PHILIPPIMAI 2:2

süthaisü tsülikhei, leshi likhei ea roli-leli souloua Avei lesayu nasü souchekhou peiwo.

1 JOHAN 1:4

Ehvei sayu hai chekhou loure donou haisü Ehnou rüwe.

2 JOHAN 1:12

Enou neletao hi rüre alaosou bue, ana Enou larü ea larüdzü nou sei-a rükhailai moe. Süjüwo, Eletao vei asah nasü panou chekhou loure donou Apfüzho nou neletao hi taveloua neletaoye zhukhei haonou tave dao-a chiphare sü Enou rei-a bue.

PONGAOPEIYU 21:9

Süthaisü akhai veahoyu anainou phouyu pai anaitao poa buyu rakivamai anaitao hrohinou alinou Ahi taveloua paoe, “Tavelo, Enou ne hi Zhaotu sünavei chapfü, nghirepai sünaye nehi ngaopeilai.”