JOHAN 3:27 - SHEEYU BAIBEL (BSI)

²⁷ Johan nou chila peie, “Raki hinou sünasü puh hi peimo louzü maita linou hatalia ngaolou hoe.

JOHAN 3:27 Iomraidhean Croise

JEREMIAH 1:5

“Enou neye hrirai peimo jünou, Enou neye doloure, alia ne namo nghoujü nou Enou neye pa deiphao teitei hi rachipaola mai ali soure donou dopawure.”

JEREMIAH 17:16

Ana Mapaowo, puletao pei hi hashi vepeio tea Enou ne hinou khomoe; moa tateiyu teithe sü puletao hi veyu Enou jüpa moe. Mapaowo, nenou haisü süwe, Enou paokhai touyu chipao khesü nenou süwe.

AMOS 7:15

Ana Mapao nou Eye zhaotu khoyu hinou saloua ahi paoe, ‘Taho avei Israel mai hi vepare rachi paopeio.’ ”

MAIPEI PHOUYU 17:5

Süthaisü Enou dolouyu maina vei süpo hai bo lapalai. Haibüa soupeia Enou Israel maiye panou ne pei hi tobai soumoa raoyu nasü souha peilai.”

MATHIU 21:25

Johan vei dzükhao dayuhai daikinou ve-e? Sünahai rakinou veho, mai hinou ve-e?” Alia lah puletao hronou veiva-a paoe, “Eletao nou ‘Rakinou ve’ tea chila peilouzü, puhnou ‘Sükulouzü neletao daidonou puhye louche moe?’ tea Eletao hi paokhailai.

MATHIU 25:15

Puhnou puletao ali lihi lah lahnou soulou süyu thaifüa peie: puhnou alihi talent sha angou peie, kukhe ali nahi ahai, alia kukhe ali nahi ali peiwu-a puhsü vakouhi veitare.

MARK 13:34

Haihai mai alinou puh ki thaowu-a veih douhi tareki puh kilaimai taohi lah lahnou soure vahtao thaothou peiwu-a ea kikhu khowo nahi soutaosou zhaihelo tea paopeiwu-a tayu kheihaoe.

JOHAN 10:41

Alia mai alaosou puh hi tave loure ea puletao nou paoe, “Johan nou shee alia soumoe, ana Johan nou mai haina vanou paoyu teitei sü chekhaoe.”

JOHAN 6:65

Alia puhnou paoe, “Süvanou Enou neletao hi paopeire süolouzü Puonou puh hi aetoupei molouzü maita linoua Ahi velou hoe.”

ROMMAI 1:5

Puh vanou Ramai nou Ahi Khristaye donou sei-atamai ali souloua tahrüh hrülaiye panou louche loua paoyu züyu hi süthai loupeire donou teile zhou avei peikhaitoue.

ROMMAI 12:6

Südonou Ramai nou Eletao hi peikhai touyu zhuvea süna thaifüa Eletao nou Eletao vei kukuyu sapeina taosü seilai. Eletao vei sapeina hai Ramai chipao paopare nasüe toulouzü, süsü Eletao nou Eletao vei lü thaifüa paolai;

1 KORINTHMAI 1:1

Ramai leli hinou Khrista Jisu vei sei-atamai panou souloure donou kulouyu Paul, alia Eletao thaihou jürai Sosthenes hinou —

1 KORINTHMAI 12:11

Ana haitao teitei sü likhei baiyu ea kheihao baiyu Rako puhnou süpeibaie; alia puh leli thaifüa mai alili hisü puhnou tya kukuyu sapeina peie.

1 KORINTHMAI 15:10

Ana chu Enou haibüa hrüa buyu hai Ramai zhuvea vanou baie, alia puhnou Ahi peikhai touyu zhuveana hai hakonou moe, daiolouzü Enou sei-atamai kukhe hrülai jünou khoupua vah souloure; ana chechenou süsü Enou soumoe, anou süsü Eye koa buyu Ramai vei zhuvea sünanoue.

1 KORINTHMAI 3:5

Sübüyu thaisü Apollos sü thaoh-e? Alia Paul sü thaoh-e? Neletaoye lü hi süthailou peiyu Eletao sü Ramai kuvah maitao baie. Eletao maili lisü Mapaowo nou lah lah hi peikhai touyu vah nasü soubaie.

1 KORINTHMAI 4:7

Neye thaohnou kukhemai jü dukoua soupeie? Nenou buyu veishi sü Ramai nou peimowu? Sükulouzü veishore, nenou kabüa nehi buyu taosü sapeina moe tea khaophu souloulai?

GALATIAMAI 1:1

Emai hinou moa emai vanou vemoa Jisu Khrista ea puhye athai hinou souhrishu peiyu Puo, Ramai vanou sei-atamaili souloure kulouyu Paul hinou seivewe.

EPHESAMAI 1:1

Ramai leli hinou Khrista Jisu vei sei-atamai ali soua buyu Paul hinou— Khrista Jisu hinou cheche-a buyu sheeyu maitao hi rüwe.

1 TIMOTHI 2:7

Alia sübüyu donou lü ea acheche vei chipao süna paosüngao peire donou tahrüh kukhemaivei sei-atamai ea dou-apeimai alibüa Eye seitawe. Enou da-a paomoe, acheche nasü paobaie!

JEMS 1:17

Veiyu ea licheyu sapeina teiteisü raki hinou ve; haisü avataovei Puo hinou ve, puh hisü datayu vanou takuyu moa khudayu ali-a hae.