JOHAN 3:21 - SHEEYU BAIBEL (BSI)

²¹ Ana acheche vah souyu puhnou puh vah taosü Ramai hinou souloure touyu nasü panou sheesha-a ngaoloure donou avahi vewe.”

JOHAN 3:21 Iomraidhean Croise

LOUTAO 119:105

Mapao chipao hai avei meivabvüe ae aludu hi ava nasüe.

LOUTAO 119:80

Eye panou nevei chikha khesü soutaosoua zütou toulo, sübüa Eye panou hraongu nasü ngaoso.

ISAIAH 26:12

Oh Mapaowo nenou Etaoye savayu sü peie, Etao nou soupfü louyu teitei sü nenou soukha peiyu donou baie.

ISAIAH 8:20

Neletao nou puletao hisü haibüa chila peilai, “Mapao nou Eletao hi doupeiyu khesü keilo! Keingumai ae thaimai ko pola-apei maitao nou paoyu sü keiso, puletao nou paopeiyu hinou haveih ali koute-a palai moe.”

HOSEA 14:8

Oh Israel, neletao vei bashara nasü E poa daisoulai? Neletao ye kikopa peiyu nasü E baie. Teisa nou daia buyu süübe ali büa Ewo bubaie, Ahinou neletao vei rashithou sü ve-a baie.”

JOHAN 1:47

Jisu nou Nathanel hai puh hilo takouyu ngaoloua puh vanou paoe, “Zhukhaio, haihi checheyu Israel maili bue; puh hisü le sheemoyu alia hae!”

JOHAN 3:20

Daiolouzü ashi vah souyu mai veishinou avaye ngaorawe, alia avahi vemoe, süku molouzü puhvei vah taosü popa ngaowushulai.

JOHAN 5:39

Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

JOHAN 7:17

Maita linou Ramai züpa sounüa bulouzü, Enou doupeiyu hai Ramai hinou veho, lah Amadonou paosa touyu sü sülai.

1 KORINTHMAI 15:10

Ana chu Enou haibüa hrüa buyu hai Ramai zhuvea vanou baie, alia puhnou Ahi peikhai touyu zhuveana hai hakonou moe, daiolouzü Enou sei-atamai kukhe hrülai jünou khoupua vah souloure; ana chechenou süsü Enou soumoe, anou süsü Eye koa buyu Ramai vei zhuvea sünanoue.

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

GALATIAMAI 6:8

Vasou züpa vei douhi vuthou khaitouyu puhnou sühinou athaisü chilou bailai; Rako vei hi vuthou khaitouyu puhnou, Rako hinou teisa halouho ahri nasü chiloulai.

EPHESAMAI 5:9

daiolouzü avavei shithou hai avei teitei, cheche-a hrüyu teitei ea acheche teiteihi buwe.

PHILIPPIMAI 1:11

Neletao hrümaisü Ramai kathe paoloure ea puhye paosho loure Jisu Khrista likhei hinou vebaiyu acheche vei rashithou sünanou phoupei loulai.

PHILIPPIMAI 2:13

daiolouzü Ramaiwo teisanou neletao hronou neletaoye panou züpa-a ea puhvei lelina thaifüa taloure donou vah soua bue.

KOLOSSEMAI 1:29

Vah hainasü souche loure donou Khrista nou peiyu ea Alekhe hinou vah soua buyu chihshoyu khouko süsü sei-a Enou tewe ea nghojülo hukouwe.

EBRIAMAI 13:21

Kaonayu Ramai nou nelelao hisü puhnou lichoyu souloure donou neletao nou moshilaiyu na avei teitei peiyu sü souloukhaio, alia Jisu Khrista vanou puhye panou puhnou züpa vahsü Eletao hinou soulou khaio. Alia Khrista hisü teisanou adusho paoyu sü souloukhaio! Amen.

1 PITAR 1:22

Chuwo neletao nou neletao thaihou jürai maitaoye soutaosoua leshi loure acheche hinou paoyu züa neletao rakosü soushee louyu donou, neletao le teiteinou rako loushoa alinou liye leshia bulo.

1 JOHAN 1:6

Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe.

3 JOHAN 1:11

Leshiyu Asa, ashi zhaisü douso, ana avei zhainasü doulo. Avei souyu puhsü Ramai hinou ve; ashi souyu puhsü Ramaiye ngaolou mohie.

PONGAOPEIYU 3:15

Enou nevah taosü süwe; newo kao-a kaomoe, sou-a soumoe. Nenou kaomo louzü souyu sü Enou züpae!