JOHAN 3:2 - SHEEYU BAIBEL (BSI)

² Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 3:2 Iomraidhean Croise

1 VEMAITO 17:24

Honapai nou chila peie, “Chuo ne hai Ramai vei mai-e ae Mapao nou neye chaku peiwe touyu sü Enou süloure.”

ISAIAH 51:7

“Acheche süyu maitao, Enou paoyu keilo, neletao vei tsüle hi avei chikha pothou khaitoua buyu maitao, mainou neletaoye paoshi-a züyu sü ngaopiso, ae puletao nou cha-a züpeiyu vanou neletao chathai taso.

JEREMIAH 38:16

Süthaisü Veo Zedekiah nou kheikhei soua ahi haibüa chaachou soua paoe, “Etaoye hrirai peiyu Ramai, hriyu Ramai zhih hinou chaachou soua paowe, süolouzü Enou neye southa khaitoulai moe, moa neye southa nüa buyu maitao bah hi thou peilai moe.”

MATHIU 22:16

süthaisü puletao nou puletao vei rozümai kamai ea Herod mai kamaiye koa puh hi seive, alia puletao nou paoe, “Dou-apeio, nehai chechechi paowe ea nenou Ramai ludu hai cheche hinou doupeiwe touyu ea nenou maitali donou domoe touyu hai Ehnou süwe; daiolouzü newo maipah zhumoe.

MATHIU 23:7

alia maikhe maiye panou puletaoye hupobuh khonou khurüyu ea ‘Dou-apeio’ tea kuyu puletao nou züpae.

MATHIU 23:8

Ana neletaowo louzü panou ‘Dou-apeio’ tea kuwuso, daiolouzü neletao vei ‘Dou-apeio’ alikhei bubaie, alia neletao hrülai hai thaihou jürai baie.

MARK 12:14

Puletao nou puh hi taveloua paoe, “Dou-apeio, newo mainou daitea cholai touyu vanou domoa chichenou paobaiwe touyu hai Ehnou süe; daiolouzü newo maizhai zhumoe, ana Ramai vei ludu hai chekhaoa doupei baiwe. Kaisar hi kikha peiyu razhai buho hae, Eh hi paopeio? Ehnou süsü peilaiho, peilaimoe?”

JOHAN 1:38

Jisu nou thailo reiveyu kisü puhai nou puh thai fülaiyu ngaoloua puhaihi noue, “Nehai dai phouwe?” Alia puhai nou puh hi chila peie, “Rabbi” (süolouzü Dou-apeio toue), “Ne dai kinou bue?”

JOHAN 10:38

Ana Enou sütaosü soua bulouzü, neletao nou Eye louche moyuma, Puosü Ahi bue ea Esü Puohi bue touyu süloure ea sheesha-a süa bure donou Avah taosü louche loukhaio.”

JOHAN 12:37

Puhnou shee alaosou puletao nghojühi soungao peiyuma, puletao nou puhye louche peimoe.

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 15:24

Enou puletao hrohinou maita linoua soukhai moyu vah taosü soumoe toulouzü puletaosü mah bupaimoe; ana chuo puletao nou sheetaosü ngaoloure, alia Eye-a Apuoye-a ahaiyenou ngaora loure.

JOHAN 2:11

Jisu nou raikaiyu shee haina hai Galilee hi buyu Kana hinou soua puh vei khouko-ava nasü pongaoe; alia puh rozümai taonou puhye loucheloue.

JOHAN 20:16

Jisu nou puh hi paoe, “Meri!” Puhnou reiveloua puh hi Ebriamai lanou paoe, “Rabboni!” (Süvei kowo louzü Dou-apeio touwe.)

JOHAN 3:26

Alia puletao nou Johan hi taveloua puh hi paoe, “Rabbi, Jordan rei teinghi palova hinou neye koa buyu alia puh vanou nenou zhopaoh souyu mai sünasü buh haihinou dzükhao dapeia bue, alia mai hrülaisü puh hi tavekhai baire!”

JOHAN 4:31

Süphabü hinou rozümai taonou puh hinou khoa paoe, “Rabbi, potouwuwo!”

JOHAN 5:36

Ana Ahi buyu zhopaoh sünanou Johan vei jünou dukou hie, daiolouzü souchere donou Apuonou Ahi peikhai touyu vah taonou, süolouzü Enou soua buyu vah haitao vuzünou Puonou Eye seivepeie touyu Avanou zhopaoh souwe.

JOHAN 6:2

Alia maisou alaosou puhthaisü fütare, daiolouzü puhnou sounou maitaoye souvei peiyu shee taosü puletao nou ngaoloue.

JOHAN 7:31

Sütoukhaia mai taolinou puhye louche loure; alia puletao nou paoe, “Khrista nanou veyu kisü puhnou mai hainanou souyu jünou koua shee soulaiwu?”

JOHAN 9:16

Phariseemai kamainou paoe, “Mai haina hai Ramai hinou vemoe, daiolouzü puhnou Soteithe reimoe.” Ana kukhemai taonou paoe, “Kakua mahmai alinou sübüyu shee taosü soulou sülai?” Alia sühisü puletao hrohinou me kuku tare.

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 2:22

“He Israel maitao, chipao haitao sü keiloukhaio! Nazareth hi Jisu hai Ramai nou neletao hrohinou puh vanou mainou soulouho khupa vahtao ea sheetao souyu, süolouzü puh hai Ramai nou ae-ao touyu mai alie touyu sü neletao lah neletao nou süa bue.

PHILIPPIMAI 1:14

Alia Enou hukhahi louyu vanou thaihou jürai maitaoliye panou Mapaoye louche puloure, alia sübüa puletaosü Ramai chipao paodouyu hisü pikhai moa teisa nou khuvei pusho loure.

CHIKUAPEI MAITAO 6:27

Südonou Gideon nou puh vei kilai mai kirou saloua Mapao nou puh hi paopeiyu büa soue. Puhnou puh kikhamai ae nuhdu hi hrüa buyu khemaiye ngaopiyu donou süsü hea nou soumoa khei nou soue.