JOHAN 3:16 - SHEEYU BAIBEL (BSI)

¹⁶ Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:16 Iomraidhean Croise

SHURAI 22:12

Süthaisü rakivamai nanou paoe, “Nahpoutuna pei hisü nebah khakhaiso, moa puhva hi halia souso, daiolouzü chuo Enou süloure, nenou leshi shoa buyu ne nahpoutu sü Ramai ye donou pangai moa alia Ramai ye pi-a khuhaowe touyu süloure.”

SHURAI 22:2

Ramai nou paoe, “Nenou leshi shoyu ne nahpoutu alikhei buyuna Isaakye saloua Moriah mai dei hi tawo, alia Enou ne hi ngaopei laiyu deichi ali hinou puhye sü Eye posheela peio.”

ISAIAH 9:6

Daiolouzü Etao hi nahtou ali napeie; Nahpoutu ali Etaoye peie! Ae puhnou Etao pei khopu soulai. Puh zhih sü “Khupa shoyu Soukha-apeio,” “Khoukhoulai Ramai,” “Teisa ahri Puo,” “Kaonayu Veo nahpoutu” tea kulai.

MATHIU 9:13

‘Enou züpayu süwo louzü zhuvea peiyuna baie, posheelayuna moe,’ tea sheeyu larübvü hinou paokhai touyu kosü daisa touyu hai taho phoupa loukhaio. Daiolouzü Esü cheche maiye kure donou vemoe, ana mahmaiye kure donou baie.”

MARK 12:6

Chuo seitarena hai mai sünavei leshi shoyu nahpoutu likhei baire. Südonou akhai khailai hinou puhnou puh nahpoutuye kipei khomaitao hi haibüa paoa seive-e, ‘Puletao nou Anahpoutuye tsükhou peivuzü shulai.’

LUK NOU RÜYU KO AVEIBVÜ 2:14

“Aku kulai raki hinou Ramaiye sholo, alia deiphao hinou puh züpa soua buyu maitao hrohisü kaonayu buloutheo!”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 1:29

Thainaisho kisü Johan nou Jisu hai puh hilo taveyu ngaoloua paoe, “Zhukhaio, deiphaomai mah pota peiyu Ramai Zhaotunaye sü!

JOHAN 10:28

Enou puletao hi teisa halou hoyu ahri peiwe, alia puletaosü hakilia hakhai laimoe. Alia maita linoua puletaoye Abah hinou shaolou hoe.

JOHAN 3:15

süolouzü puhye loucheyu mai talinou halou hoyu ahri ngaoloulai.”

JOHAN 3:18

“Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhnou Ramai vei likhuyu Nahpoutu zhih hisü louche loumoe.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

ROMMAI 5:10

Eletao sü Ramai vei ngaoba maitaoe, ana puhnah poutu athai vanou puhnou Eletaoye puh samai soupeire. Chuo Eletao sü Ramai samai soulouyu vanou, daizhozhou koua Khrista vei ahrü nanou Eletaoye khailu peilai!

ROMMAI 5:8

Ana Ramai nou Eletaoye daizhozhou leshisa touyu sü ngaopeire, süolouzü Eletao nou mahmai soua bubukinou Khrista nou Eletaoye donou thaipeiwure!

ROMMAI 8:32

Lah puhnah poutuye-a phapei moa Eletao hrülai donou puhye thoupeiyu puhnou puhnah poutuye koa Eletao hi ha teitei sa-a peilai mowu?

EPHESAMAI 2:4

Ana Ramai vei zhuveahai alaosou buloure, alia Eletaoye donou puhvei leshihai dusho loure,

2 THESSALONIMAI 2:16

Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou

TITA 3:4

Ana Eletaoye khailu-apeio Ramai vei zhuvea ea leshi hai pongao peiwuyu kisü,

EBRIAMAI 2:9

Ana teile phajü donou rakivamaitao jünou naphoua soupeikhai touyu, alia sükua Ramai vei zhuvea vanou maikhemai hrülai donou thaipei loure Jisu ye sü chuwo Eletao nou puhnou athai vei veahoyu süna daolouyu vanou khouko avanou ea tsükhouyu sünanou veo peirü rüpei khaitouyu sü ngaoe.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 4:19

Eletao nou leshiwe daiolouzü puhnou Eletaoye rai-a leshipeie.

PONGAOPEIYU 1:5

alia cheche zhopaoh, athaimai hrohinou rairaikaia hrishu louyu ea deiphao vemaitao pei hi akhona Jisu Khrista hi nou zhuvea ea kaonayu sü neletao hi buyu souloutheo. Puhnou Eletaoye leshie, alia puhvei posheelayu athai nanou puhnou Eletaoye Eletao vei mah hinou do soupeire,