JOHAN 3:15 - SHEEYU BAIBEL (BSI)

¹⁵ süolouzü puhye loucheyu mai talinou halou hoyu ahri ngaoloulai.”

JOHAN 3:15 Iomraidhean Croise

ISAIAH 11:10

Veo David vei tyaosholea hinou shee ali soua vemai ashu ali hrüvere teile sü velaire. Maikhe mainou puhye sü phoulai, ae puhye sü maikhe mainou tsükhoulai.

ISAIAH 45:22

“Deiphao hi hrüa buyu mai hrülai, Ahi dakhai velo ae khailulo! Daiolouzü E likhei Ramai sü baie.

MAIPEI PHOUYU 21:9

Südonou Moses nou baosahu nou houng ali souloua süüpo pei hi popa khaipeie. Maitalinoua heung nou daopei khaitoua buyu maisü houng haina hai zhulouyu maisü vei loulai.

MATHIU 18:10

“Neletao nou taikayu haitao aliye ngaophou moyu soumore donou zhutoulouo; daiolouzü Enou neletao hi paowe süolouzü rakinou puletao vei rakivamai taonou rakibu Apuo zhusü teisanou zhua bue.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

MARK 16:16

Loucheloua dzükhao dalouyu mai talinou khailu loulai; louchelou momai taliye sü mah dukhaiwulai.

LUK NOU RÜYU KO AVEIBVÜ 19:10

Daiolouzü Mai Nahpoutu nou hawuyu naye phoure ea khailu peire donou ve-e.”

JOHAN 1:12

ana puhye polouyu mai hrülai hisü, süolouzü puh zhih hinou louche louyu maitaoye, puhnou Ramainah panou souloure khouko sü peire.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 20:31

Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 3:16

Daiolouzü Ramai nou deiphao maiye leshishoyu donou puhnou puhvei likhuyu Nahpoutuye peire, südonou puhye louche louyu maitalisü hakhailai moe, ana teisa ahrisü ngaoloue.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

JOHAN 6:47

Cheche vuzünou Enou neletao hi paowe, louche louyu puhsü teisa ahri ngaoloure.

SEI-ATAMAI VAHTAO 13:41

‘Zhukhaio, maiye ngaophou moyu taore, khua khupa khaio ea thai-a thaitawo! Daiolouzü Enou neletao teile hinou vah ali soue; maita linoua neletao hi vah süsü paongao khaia Neletao nou louche khailai moe!’ ”

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

ROMMAI 5:21

Südonou athaina vanou mahnou tukha sahrüyu büa achechena vanou Ramai zhuvea nou tukha sahrüa Eletao Mapao Jisu Khrista vanou Eletaoye teisa ahri hi süthai thoupeie.

1 KORINTHMAI 1:18

Daiolouzü kros vei chipao hai ha-kare ludu hinou ta-a bumaitao donou louzü avochi baie; ana khailupoa buyu Eletaoye donou louzü haisü Ramai vei khoukoe.

2 KORINTHMAI 4:3

Daiolouzü Ehnou paodouyu chipao avei hainasü kukhaire toulouzü, haisü hakalaiyu puletao nghojühi likheithe kukhaibaie,

GALATIAMAI 2:16

Sütoukhaia Eletao nou süwe süolouzü mai taliye Razhai thaifüa moshilaiyu vah süna souyu donou Ramaiye koa souzü peimoe, ana Jisu Khristaye lülouyu vanou likhei baie. Eletao-a Khristaye lülouyu vanou Ramaiye koa souzü loure donou Khrista Jisu ye louche loure, alia Razhai thaifüa moshilaiyu vah souyu vanou moe.

GALATIAMAI 2:20

Khristaye koa Eye sü Kros vanou veatheare; chu hria buyu nasü Emoe, ana Alekhe hinou hria buyu puhsü Khristae. Chu Enou vasou hinou hria buyu hrü haina hai Enou Eye leshi peiyu ea Adonou lah puhye thoupeiyu Ramai Nahpoutuye lüyu vanou hria bue.

EBRIAMAI 10:39

Ana Eletaowo thaikhai tayu ea hakayu mai sütao moe. Ana Eletaowo lü buyu ea khailu louyu mai sütaoe.

EBRIAMAI 7:25

Südonou puh vanou Ramai hi tave louyu puletao hrülaiye sü puhnou teisanou khaipei lousüe, daiolouzü puhwo Ramai hinou puletao sühsoua khopeire donou teisanou hriwe.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.