JOHAN 3:13 - SHEEYU BAIBEL (BSI)

¹³ Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 3:13 Iomraidhean Croise

TSÜCHITAO 30:4

Thaonou raki hi khewu-a khaikou louyu bue? Thaonou teikhaiye puh bah hinou pojü louyu bue? Thaonou sah hinou dzü beh louyu buge? Thaonou deiphao kainghou veishi soushu loue? Nenou sülouzü, puh zhih sü thaotoue? Puh nahpoutu sü thaoge?

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

MATHIU 8:20

Jisu nou puh hi chila peie, “Lakhaotao vei kulu bue, alia raohoutao-a phe bue, ana Mai Nahpoutuwo louzü puhpei khüyu buh koutea hae.”

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 3:12

Enou neletao hi deiphao vei na khemai vanou paoyu ki neletao nou Eye louche peimoe, kabüa Enou rakivei natao vanou paoyuki neletao nou Eye louche khailai.

JOHAN 3:31

Reikounou kouyu puhnou mai hrülai jünou dukoukhai toue; deiphao nou veyu puhwo deiphao vei baie, alia deiphao vei vanou chi paobaie; Rakinou kouyu puhnou mai hrülai jünou dukhai toue.

JOHAN 6:33

Daiolouzü Ramai vei raokhaona louzü rakinou kouloua deiphao mai hi ahri peiyu sünasüe.”

JOHAN 6:38

Daiolouzü E sü Aleli soure donou raki hinou koumoe, ana Eye seive peiyu puh leli soure donou koubaie.

JOHAN 6:42

Puletao nou paoe, “Mai hainasü Eletao nou puh pfüpuoye süa buyu Josef nahpoutu Jisu mowu? Sükulouzü puhnou chuo kakua, ‘E hai rakinou koue,’ tea paowe?”

JOHAN 6:46

Süolouzü maita linoua Puoye ngaoloure toumoe; Ramai hinou veyu puh likheinou Puoye ngaobaie.

JOHAN 6:51

Ehai rakinou kouyu hriyu raokhao nasüe. Maitalinou raokhao haina toulouzü, puhsü teisanou hrilai; alia deiphao mainou hrire donou Enou peilaiyu raokhao nasü Avasoue.”

JOHAN 6:62

Sükulouzü neletao nou hakinou Mai Nahpoutu nou raiki puhnou buyu buh hi takheyu ngaolouzü kakulai?

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

SEI-ATAMAI VAHTAO 2:34

Daiolouzü Davidwo raki hi khemoe, ana puhnou paoe, ‘Mapaowo nou A Mapao hi paoe, Abakha zhoulo nou bulo.

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

ROMMAI 10:6

Ana sheeyu larübvü nou lü vanou Ramaiye koa souzü peiyu vanou paoyuwo louzü haibüa rükhaitoue, “Ne lahnou neye, thaohnou raki hi takhelai? tea noulaimoe,” (süvei ko louzü Khristaye pokouyu sünaye paoe).

1 KORINTHMAI 15:47

Nainou souyu Adam raina sü deiphao hinou ve; Adam ahai chena sü raki vanou ve-e.

EPHESAMAI 1:23

Lüloumaime hai puhvei chekhouyu, ha teitei hinou buh liki hinou phoupeia buyu Khrista puhvei pfüphaoe.

PAODAKHAIYU CHIKHA 30:12

Süna hai rakiva nou bua neletao nou haibüa noulaiyu moe, ‘Thaonou süna hai poloure donou rakiva khelai alia Etaoye pa züloure donou phoupeilai?’