JOHAN 21:7 - SHEEYU BAIBEL (BSI)

⁷ Jisu nou leshiyu rozümai nanou Pitar hi paoe, “Haina hai Mapao-e!” Simon Pitar nou sünasü Mapao-e touyu choulouyu kisü, puhnou puh sahnü nouthouloure (daiolouzü vah souyu donou puhsü baitoua bue) alia zaihi choloure.

JOHAN 21:7 Iomraidhean Croise

LOUTAO 118:23

Hai sü Mapao nou soupeiyu vah haso-e; haisü zhuposhu khupa shore!

SOLOMON VEI LOU 8:7

Lesha vei meikei nahai dzü alao lathouyuma souhi louhoe, dzüdu hai-a puhye maolou hoe. Mai tarali nou puhvei kini nou poa lesha ye hrülai toulouzü puhye sü mainou ngaora shoa bailai.

MARK 11:3

Alia maitalinou nehaihi, ‘Daidonou haibüa soue,’ tea noulouzü, ‘Haihai Dou-apeionou moshilaiyu bue ea buh haihi thalasou seikhaive peilai,’ tea puh hi paokhaio.”

LUK NOU RÜYU KO AVEIBVÜ 12:35

“Neletao khya phulo ea meibvüsü taokhailo,

LUK NOU RÜYU KO AVEIBVÜ 2:11

daiolouzü zhou teithehi David vei nuhdu hinou neletaoye donou Khailu-apeio ye sü naloure, puhsü Khrista, Mapaowo süe!

LUK NOU RÜYU KO AVEIBVÜ 7:47

Südonou Enou nehi paowe, naotu haipainou leshiyu dushoa pongaoyu sünanou puhvei mah hai alaosou khaipeiwure touyu vei zhopaoh souwe. Ana daotu khaipei baiyu puhnou, daotu leshi baiwe.”

JOHAN 13:23

Rozümaitao hrohinou Jisu nou leshiyu nasü Jisu ye dasa-a bue.

JOHAN 19:26

Jisu nou puhpfü ea puhnou leshiyu rozümai sünanou ngheikinou la-a buyu sü ngaoloua, puhpfühi paoe, “Naotupai, ne nahpoutuye zhukhaio!”

JOHAN 20:2

Südonou puhnou Simon Pitar ea Jisu nou leshiyu kukhe rozümai sünahi taveloua puhai hi paoe, “Puletao nou Mapaoye khüh hinou potare, alia puletao nou puhye kahi pokhairesa touyu sü Ehnou sümoe!”

JOHAN 20:20

Puhnou haibüa paoyu thaisü, puletao hi puhbah ea puhnasü pongaoe. Südonou rozümai taonou Mapaoye ngaolouyu kisü lesathou alao souloure.

JOHAN 20:28

Thomasnou puh hi chila peie, “A Mapao ea A Ramai!”

JOHAN 21:20

Pitar nou thailo reiveyu kisü Jisu nou leshiyu rozümai nanou puhaithai füpoa laiyu ngaoe. Rozümai sünasü koukhe vai touyuki Jisu khao hinou vüa, “Mapao, neye shoh soupeire nasü thaoh-e?” tea nouyu nasüe.

JOHAN 21:24

Chi haitao vanou zhopaoh peiyu ea chi haitao rükhaiyu rozümai nasü hainae; alia puhvei zhopaoh hai chechewe touyu hai Eletao nou süe.

JOHAN 21:8

Ana kukhe rozümaitao louzü khahnou lou phoupeiyu khahbe nasü süthaipoa sakhao hinou takoue, daiolouzü puletao sü deithe hinou dousho more, hacho Kaihlipha dou baire.

SEI-ATAMAI VAHTAO 10:36

Mai hrülai vei Mapao soua buyu Jisu Khrista vanou kaonayu vei ko avei paodou peiyu hai Ramai nou Israel maitao hi seive peiyu chipao nasüe touyu sü neletao nou süwe.

SEI-ATAMAI VAHTAO 2:36

“Südonou neletao nou kros vanou veatheayu Jisu hainaye sü Ramai nou Mapao-a, Khrista-a soupeire touyu sü Israel maitao hrülainou soutaosoua sülo!”

1 KORINTHMAI 15:47

Nainou souyu Adam raina sü deiphao hinou ve; Adam ahai chena sü raki vanou ve-e.

2 KORINTHMAI 5:14

Daiolouzü Khrista vei leshinou Ehye tukhapfüa bue, daiolouzü mai hrülai donou mai alinou thaipeire touyu sü Ehnou sütou loure; südonou mai hrülainou puhvei athai hisü koa lou zha ngaozhokhai loure.

JEMS 2:1

Athaihou jürai khemai, khouko ava vei Mapao, Eletao Mapao Jisu Khrista vei lüloumaitao soua, neletao nou maikhe maiye puletao vei vakou vei zhu süna thaifüa zhai soukuwuso.