JOHAN 21:5 - SHEEYU BAIBEL (BSI)

⁵ Jisu nou puletao hi noue, “Khemaina taore, neletao khah lia phoulou mowu?” Puletao nou puh hi chila peie, “Halia phoulou moe.”

JOHAN 21:5 Iomraidhean Croise

1 VEMAITO 19:6

Puhnou kaishu zhuyu phaki, puh pei hinou raokhao phe ali ae dzü bvü ali bua nou ngaoloue. Puhnou touso loua dakhaikou zütare.

LOUTAO 37:3

Mapao ye louchelo ae vah aveih soulo; sükulouzü neletao hai kaozhou vei-a neletao vei teidei hinou hrüloulai.

MATHIU 14:15

Süzhou koukhesü puh rozümaitao nou puh hi taveloua paoe, “Chuo tei naloure, alia buh haisü zheih zheihyu buh-e. Maisouye nuhtaohi seitawu-a panou lah puletao tousosü hrütouwo.”

MARK 8:7

Puletao hi khah-a daotou bue, alia Jisu nou sütao donou-a Ramai hi kalo paowu-a sütao-a maisouhi zhihpeikhaio tea rozümai taohi kharochi peire.

PHILIPPIMAI 4:19

alia Aramai nou neletao vei moshilaiyu teiteisü khouko ava hinou puhvei kini alao buyu süna thaifüa Khrista Jisu hinou peiloulai.

EBRIAMAI 13:5

Neletao hrümaisü pousha züpayu hinou dosoulo, alia neletao vei bubuyu sünanou khralou baio. Daiolouzü Ramai nou haibüa paoe, “E nehinou takhai laimoe; moa Enou neye thao khai laimoe.”

1 JOHAN 2:13

Puo khe maitao, Enou neletao hi rüwe, daiolouzü shurai hinou hria buyu puhye sü neletao nou süwe. Nahle maitao Enou neletao hi rüwe, daiolouzü neletao nou ashinaye sü koloure.

1 JOHAN 2:18

Anah khe maitao, haisü akhai teilecho nare! Alia Khristaye ngaobanasü velai touyu sü neletao nou choulouyu sübüa, chuo Khristaye ngaobamai alaosoua veloure; südonou haisü akhai teilecho nare touyu sü Eletao nou süre.