JOHAN 21:25 - SHEEYU BAIBEL (BSI)

²⁵ Ana Jisu nou soukhai touyu vah kukhe alaosou buhie. Sütaohai ali linou rüthou khailai toulouzü, rüre larübvü taosü deiphao teitei noua pfüpai louhoe tea Enou chowe.

JOHAN 21:25 Iomraidhean Croise

JOB VEI LARÜBVÜ 26:14

Ana haitao sü puhvei khouko kai-nou tou bai hie, Enou noubei hinou chou rarayu büa baie, Thaoki thaonah nou Ramai vei khouko haizhou bue touyu sü sülou khailai!

LOUTAO 40:5

Oh Etao Ramai Mapaowo, nenou Etaoye donou vah alao soupeie, neye raiyu mai ali-a ha-e! Nenou Etaoye donou khupayu vah alaosou soupeie, Enou sütao hai paove khaite louhoe— sütao hai chosha louhoe!

LOUTAO 71:15

Enou nevei aveih khesü paolai; Enou süve ngaovete louhoa buyuma nevei khailupa peiyu nasü thaokhai toumoe paongao peilai.

KOPAODOUWO 12:12

Anahna, haitao jünou latayu hatali vanou leikeilo. Larübvü popayu hai akhai hae, alia alaosou tsüphouyu hai pfüzoye donou veayu alie.

AMOS 7:10

Süthaisü Bethel hi napao Amaziah nou Israel maivei veo Jeroboam hi seiko haibüa seive paoe, “Amos nou Israel mai hrohinou neye paoshi shoa bure, teidei haihi hrüa buyu khemai nou puh chi hai healou hore.

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

MATHIU 19:24

Enou neletao hi paopue, hanimai alinou Ramai Vedeihi veloure jüwo racho alinou pei kulu hi tailouyu sünanou tala hie.”

MARK 5:16

Alia rashitao nou louyu mainahi ea vo taohi dai paresa touyu ko hai raia ngaobu mainou maikhemai hi paongao peie.

SEI-ATAMAI VAHTAO 10:38

Süolouzü kakua Ramai nou Nazareth hi Jisu ye sü Rako Mashi ea khoukonou laposhu puhpei hisü napeie ea kakua puhnou buh liki taho aveivah soua ea rashinou souvea-a buyu mai hrülaiye kakua souvei peie touyu kosü neletao nou süwe; daiolouzü Ramai nou puhye koa laiwe;

SEI-ATAMAI VAHTAO 20:35

Mapao Jisu nou, ‘Ngaolouyu jünou peiyu nanou rako veie,’ tea paoyu puh chipao panou lichoa ha pfüphou haibüa khoua vah soua Eletao nou lelouho maiye soukha vuzülai touyu sü Enou neletao hi ngaopeiwure.”

EBRIAMAI 11:32

Alia Enou dai paopukhailai? Daiolouzü Eye donou Gideon, Barak, Samson, Jephthah, David, Samuel alia rachi paola maitao vanou paokhailai toulouzü teilenou hae.