JOHAN 21:17 - SHEEYU BAIBEL (BSI)

¹⁷ Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

JOHAN 21:17 Iomraidhean Croise

2 SAMUEL 7:20

Avei Ramai, avei Mapaowo, E ne hi daichi paopulai! Ne lah nevei kilai ye süwe.

1 VEMAITO 17:18

Honapai nou Elijah hi paoe, “Ramai vei mainare, ne daisounou ahi haibüa soupeiwe? Nenou ahi velou avei mah sü panou licho loure donou anahpoutu sü panou thairevu?”

1 PUOPAOKO 17:18

Enou ne hisü chi ali-a paopu loure hare! Ne kilai Eye sü nenou veisho-a nou süwe, ana nenou Eye tsükhou peie.

1 PUOPAOKO 29:17

Oh avei Ramai, nenou maikhe mai vei tsüle sü zhuwe, ae acheche maiye sü nenou jüpawe touyu Enou süe. Avei tsüle sheesha toua Enou na haikhesü peinü sho-a ne hi posheela peikhai toue, ae nevei maitao-a neye peinü shoa puletao nou asasho-a ne hi posheela peiyu khesü Enou ngaore.

LOUTAO 17:3

Nenou avei tsüle sü süwe. Nenou ahi sü khei nou ve-e; nenou Eye kabüa busa touyu veishi sü zhuwe, ae hashi ali-a ahinou bua nenou ngaolou moe.

JEREMIAH 17:10

Mapao Enou deiphao maivei tsüle sü kabüa busa tea nou phou-a zhuwe. Enou mai ali liye puhnou soupfüyu ae puhvei vah thaifüa ngaozü nasü peie.”

DOPFÜYU 3:33

Puhnou Etaoye panou veahoyu ae souyu haisü ngaoloua puh-a lesa moe.

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MARK 14:72

Sübühinou houjünou lüh ahai chena khaopare. Alia Pitar nou puh hi Jisu nou kabüa, “Houjünou khaohaikho mojünou nenou Eye lüh asü chena koute balai,” tea paopeiyu sü liloure. Alia puhsü shochesou kraloure.

JOHAN 12:8

Daiolouzü toure hamai taoye neletao nou teisa koa bulai, ana neletao nou Eye koa teisanou bulai touyu moe.”

JOHAN 13:38

Jisu nou chila peie, “Nenou Eye donou ne hriraisü peilaiwu? Cheche vuzünou Enou nehi paowe, nenou Eye vu asü laiwu mosasü houjünou khaolai moe!”

JOHAN 14:15

“Neletao nou Eye leshi louzü, Achikha taosü neletao nou zülai.

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 18:27

Pitar nou sükia bapu khaire; alia sübü hinou houjü alinou khaopare.

JOHAN 18:4

Sükisü Jisu nou puh pei hi vere pfüphou süloua, nghojülo takou loua puletao hi paoe, “Neletao thaohye phouwe?”

JOHAN 21:18

Cheche vuzünou Enou nehi paowe, nenou nahlebuki louzü nelah sahvealoua nenou taho nüyu buh hisü nenou tabaiwe; ana nenou tsüloulouzü, nenou nebah sü topalai, alia kukhe alinou neye phuloua nenou tanümoyu buh hi satalai.”

JOHAN 4:16

Jisu nou puh hi paoe, “Takhaio, alia ne chaaye buh haihi ku save khaio.”

SEI-ATAMAI VAHTAO 1:24

Süthaisü puletao nou haibüa veachi paoe, “Mapaowo nenou maikhemai hrülai vei lesü sükhaiwe, südonou Judas nou lah puhvei buh hi vetare donou thaowuyu sei-atamai taovei kuvah buh haina hi puhthao lou soupei loure

SEI-ATAMAI VAHTAO 11:10

Haikuyu sü vuh asü koute pae, alia sütao teitei sü raki hi paidakhe khaikhaire.

SEI-ATAMAI VAHTAO 15:8

Alia emai hrülai le süyu Ramai puhnou Eletao hi soupeiyu kua tahrüh kukhemai taohia Rako Mashi peiwu-a puhvei ae-ao touyu zhopaoh sü peire.

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

EPHESAMAI 4:30

Alia Ramai vei Rako Mashiye le souveaso, daiolouzü puh vanou neletaoye sü khailupapei laiyu teitheki donou paoshee soupeire.

JOSHUA 22:22

“Khouko buyu Ramai Mapao, khouko buyu Ramai Mapao, puhnou süwe; alia Israel mai-a panou sülou nüwe, süolouzü Etao nou souyu nahai Puh chi zülai more teanou mokhai-a puhye hraire donou soubai louzü, zhounou Etao mai hrülaiye sü pa thaitheo.

1 PITAR 1:6

Neletao nou chu phajü neletao hi vedao-a buyu veahoyu tyali haitao donou veashoa bukhai-a süna vanou salo.

2 PITAR 3:1

Leshiyu Asakhemai, chuwo haina hai Enou neletao hi rüwuyu Seiko ahai chena süe. Seiko haihai hinou neletao hi chi haitao paopeia panou neletao lekhehi tsü avei paloure Enou tewe.

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

PONGAOPEIYU 3:19

Enou leshimai hrülaiye sü zü-a tudee peiwe, südonou lünoutoulo, alia nemah hinou ledalo.