JOHAN 21:16 - SHEEYU BAIBEL (BSI)

¹⁶ Jisu nou puh hi lüh ahaichena noue, “Johan nahpoutu Simon, ne Eye leshiwu?” Puhnou chila peie, “Ovai, Mapao, Enou neye leshie touyu sü nenou süwe.” Jisu nou puh hi paoe, “Azhaotaoye khopei khaio.”

JOHAN 21:16 Iomraidhean Croise

LOUTAO 100:3

Mapao hai Ramai-e touyu sülo. Puhnou Etaoye soupeie, Etao hai puhvei baie; Etao hai puhvei mai-e, ae Etao hai puhvei zhaokhome nasüe.

LOUTAO 95:7

Daiolouzü puh hai Etao vei Ramai-e; Etao hai puhnou pouto aveih hinou kiko peia buyu maitao-e, ae puh bah hinou buyu zhaotutao-e. Puhnou zhou Etao hi daitea paowe keilou laikhe:

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 2:6

‘Juda teideihi buyu O Bethlehem, newo Juda teidei hi buyu nuhdutao hinou taikhana moe; daiolouzü nehinou veomai ali velai ea puhnou Amai Israelmai taoye khopeilai.’ ”

MATHIU 25:32

Alia tahrüh hrülaiye puh nghojühi pove dzükhailai, alia zhaokhowonou zhaotu taoye nghitu taohinou lukupayu büa puhnou puletao aliye ali hinou lukulai,

MATHIU 26:72

Süthaia puhnou chou-a, “Ewo mai sünaye sükhai moe!” tea bakhaire.

LUK NOU RÜYU KO AVEIBVÜ 19:10

Daiolouzü Mai Nahpoutu nou hawuyu naye phoure ea khailu peire donou ve-e.”

JOHAN 18:17

Kikhu bomü khoa buyu loupainou Pitar hi paoe, “Ne-a mai hainavei rozümaitao hrohinou ali mowu?” Pitar nou chila peie, “E moe.”

JOHAN 18:25

Alia Simon Pitarwo louzü sühinou la-a meivou-a bue. Südonou kukhemai taonou puh hi paoe, “Ne-a puh rozümaitao hrohinou ali mowu?” Ana Pitar nou süsü ba-a paoe, “E moe.”

JOHAN 21:17

Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

SEI-ATAMAI VAHTAO 20:28

Südonou lah neletao-a leikeilo ea Rako Mashinou neletaoye panou pei-akhomai soupeire donou neletao bah hi thoupeikhai touyu zhaokho me teiteiye zhutoulo. Ramai nou lah puh Nahpoutu zhe vanou hrülouyu puhvei lüloumaime pei-akhomai souloukhaio.

EBRIAMAI 13:20

Puhvei posheelayu athai süna vanou teisa vei vo sünaye paoshee souyu, zhaotao vei Zhaokho-apeio Aduna, Eletao Mapao Jisu ye sü Ramai nou athai hinou souhrishu peire.

1 PITAR 2:25

Daiolouzü neletaosü motayu zhaotao kheihao baie, anou chuwo zhaokhowo ea neletao rako khopeiyu puh thaisü panou füloure donou neletaoye podakhai vere.

1 PITAR 5:2

Neletao bah hi thaothou peikhai touyu Ramai vei zhaokhoye sü moshilaiyu hinou moa, sasa-a khopeilo; neletao vahsü pousha ngaore donou mo-a sounü shoyu hinou soulo.

PONGAOPEIYU 7:17

Daiolouzü vebuh tsüle hinou buyu Zhaotu puhnou puletao vei Zhao-akhowo soulai, alia puhnou puletaoye hriyu dzühoung hi süthai save thoupeilai. Alia Ramai nou puletao nghithou hinou nghidzü teiteisü southe peiwulai.”