JOHAN 20:31 - SHEEYU BAIBEL (BSI)

³¹ Ana Jisu hai Ramai Nahpoutu Khristae touyu sü neletao nou louche loure donou, alia loucheloua neletao nou puhzhih hinou ahri ngaoloure donou shee haitao sü rüthou khaitoue.

JOHAN 20:31 Iomraidhean Croise

LOUTAO 2:12

Alia pi sholo ae nakou Mapao ye tholo, sütoumo louzü thalasou puh lekha sü pa-a bailai, ae neletao hai thaiha tea bailai. Puh hinou ve bailouyu mai hai rako veiyu maie.

LOUTAO 2:7

“Mapao nou kharochi peikhai touyu taosü Enou paosü peilai” tea veo nou paoe. Puhnou ahi paoe, “Ne anahpoutu-e, zhou teithe hinou Enou nevei puo souloure.

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

MATHIU 4:3

Süthaisü Rashi nanou puh hi veloua paoe, “Ne hai Ramai Nahpoutue toulouzü, chuh haitao hisü raokhao dalouwo tea kharochi peikhaio.”

MARK 16:16

Loucheloua dzükhao dalouyu mai talinou khailu loulai; louchelou momai taliye sü mah dukhaiwulai.

LUK NOU RÜYU KO AVEIBVÜ 1:35

Rakivamai sünanou puh hi chila peie, “Rako Mashi nou nehi kou loulai, alia Aku Kulaivei khouko sünanou neye züloulai. Südonou nakoure sheeyu nah sünaye sü Ramai Nahpoutu tea kulai.

LUK NOU RÜYU KO AVEIBVÜ 1:4

kobvüli shoshonou neye donou rüyuhai veivu zülai tea Enou chowe.

LUK NOU RÜYU KO AVEIBVÜ 24:47

alia Jerusalem hinou shupoa tahrüh hrülai hisü puhzhih hinou le daloure ea mah khaipeire vei kosü paodouta vuzülai tea rüthou khaitoue.

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 10:10

Avaomai sünanou vaore, southeare ea souhare donou likhei vebaie. E louzü puletao ahri ngaoloure alia sünasü ngaochekhou loure donou ve-e.

JOHAN 19:35

Süna ngaolouyu puhnou zhopaoh peire, alia puhvei zhopaoh sü cheche-e. Alia neletaoye panou louche loure donou puhnou acheche nasü paobaie touyu sü puhnou süwe.

JOHAN 20:28

Thomasnou puh hi chila peie, “A Mapao ea A Ramai!”

JOHAN 3:18

“Puhye loucheyu mai taliye sü chiku moe; ana louche moyu mai taliye sü chiku chere, daiolouzü puhnou Ramai vei likhuyu Nahpoutu zhih hisü louche loumoe.

JOHAN 3:36

Nahpoutuye louche louyu puh hisü teisa ahri bue; Nahpoutu süna chi zümoyu puhnou ahrisü ngaolai moe, ana Ramai vei rarou sü puh pei hi chaoa bue.

JOHAN 5:24

“Cheche vuzünou Enou neletao hi paowe, Achipaotao choulouyu ea Eye seiveyu puhye louche louyu mai talisü teisa ahri ngaoloure; alia puh sü chikuyu hi loukhai laimoe, ana athai hinou ahri hi kacho paloure.

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

SEI-ATAMAI VAHTAO 10:43

Alia puhzhih khouko vanou puhye loucheyu mai talinou mah hinou khailu louyu sü ngaoloulai tea puh vanou rachi paolamai hrülainou zhopaoh peikhaitoue.”

SEI-ATAMAI VAHTAO 3:16

Alia Jisu zhih hinou lülouyu vanou, neletao nou ngao-a ea sü-a buyu mai hainaye sü puhzhih hinou soutsü peire; alia haisü Jisu zhih hinou veyu lü süna vanou mai hainaye sü neletao hrülai nghojünou souvei chekhou peire.

SEI-ATAMAI VAHTAO 8:36

Alia puhai nou sükua ludu hinou takoua buyu hinou puhaisü dzü buyu buh alihi tave louloure, alia vasou datamai sünanou paoe, “Zhukhaio, haihi dzü bure! Eye dzükhao dapeire hinou khuyu dai bue?”

SEI-ATAMAI VAHTAO 8:37

Philip nou paoe, “Nenou nele teiteinou louche louzü, nenou dzükhao dalou-a bailai.” Alia puhnou chila peie, “Jisu Khrista hai Ramai Nahpoutue touyu sü Enou louche.”

SEI-ATAMAI VAHTAO 9:20

Alia thala-a puhnou rathobuhtao hinou, “Jisu hai Ramai Nahpoutue,” tea ko paodoue.

1 PITAR 1:9

daiolouzü neletao nou puhye lüa buyu süna vanou neletao nou neletao rako khailu louyu sü ngaoloure.

1 JOHAN 4:15

Maitalinou Jisu hai Ramai Nahpoutue tea dua paopa louzü, Ramai nou puh hi tobai soumoa bue, alia puhsü Ramai hi tobai soumoa bue.

1 JOHAN 5:1

Jisu hai Khristae tea loucheyu mai hrülaisü Ramai nah-e, alia puoye leshiyu maitalinou puh nahye-a leshiwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

2 JOHAN 1:9

Khrista nou doupeiyu nahinou bumoa süjünou tala-a buyu mai tali hisü Ramai hae. Doupeikhai touyu sühinou tobai soumoa buyu maitali hisü Puo-a Nah Poutou-a bue.

PONGAOPEIYU 2:18

“Thuatira hi buyu lüloumaime vei rakivamai na hi rükhaio: “Chi haitaosü meikei büa keivavayu nghithou pfüyu ea puh phisü mei hinou pothou deiloua kukhai touyu peivavayu hu baosa kuyu Ramainah Poutu chipaoe.