JOHAN 20:21 - SHEEYU BAIBEL (BSI)

²¹ Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

JOHAN 20:21 Iomraidhean Croise

MATHIU 10:16

“Keikhaio! Enou neletaoye zhaotu büa nüseitao hrohi seitawe. Südonou neletao nghoutao büa kailo ea khaotao büa nashalo.

MATHIU 10:40

“Neletaoye shepeiyu maitalinou Eye shepeiwe; alia Eye shepeiyu maitalinou Eye seiveyu puhye shepeiwe.

LUK NOU RÜYU KO AVEIBVÜ 24:36

Alia puhai nou sübüa pao-a buyu hinou Jisu puh lahnou puletao hrohi tave lahaloua puletao hi paoe, “Neletao hi kaonayu sü bulou theo!”

JOHAN 13:20

Cheche vuzünou Enou neletao hi paoe, Enou seitayu mai sünaye popeiyu puhnou Eye popeiwe; alia Eye popeiyu puhnou Eye seive peiyu puhye popeiwe.”

JOHAN 14:27

“Kaonayu hai Enou neletao hi thaodai khaitoue; Avei kaonayu nasü Enou neletao hi peikhaitoue; Enou neletao hi peiyu hai deiphao mainou peiyu kumoe. Neletao lehai chorowuso, moa piwuso.

JOHAN 20:19

Rathozhou süna koukhe hisü rozümai taonou Jihudimai taoye piyu donou kikhu khua vedzü louyu kisü, Jisu nou tave puletao hrohinou laloua puletao hi paoe, “Neletao hi kaonayu buloutheo.”

JOHAN 20:22

Alia puhnou sübüa paoyu thaisü, puhnou puletao pei hi ssü houkhaipei-a paoe, “Rako Mashi sü ngaoloukhaio.

JOHAN 20:26

Teithe acha thaisü, puh rozümai taosü kikha hinou vedzüa bupukhaire, alia Thomas-a puletaoye koa bue. Kikhu taosü khukhaitoue, ana Jisu nou tave puletao hrohinou laloua paoe, “Neletao hi kaonayu buloutheo.”

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

SEI-ATAMAI VAHTAO 1:2

süolouzü puhye raki hi pokheyu teithe koute vei ko teitei sü Enou rüwure. Puhye raki hi pokhemojü puhnou Rako Mashi khouko vanou dopa louyu puhvei sei-atamai taoye chikha pei-a doupeie.

SEI-ATAMAI VAHTAO 1:8

Ana Rako Mashinou neletao pei hi kouyu kisü, neletao nou khouko sü ngaoloulai; alia neletao nou Jerusalem hi, Judea teitei hi, Samaria hi ea deiphao buh akhai koute Azhopaoh maitao soulai.”

2 TIMOTHI 2:2

Alia nenou zhopaoh maitaoli nghojünou Enou paoyu chou-choulouyu doupeiyu taosü poloua mai kukhe maiye-a doupei lousü laiyu puletao bah hi lüthou peikhaio.

EBRIAMAI 3:1

Südonou raki hilonou kulouyu hi koa louzha ngaozho louyu, sheeyu thaihou jürai khemai, Eletao nou füa laiyu lü haina vei sei-atana ea Napao Peichana Jisu ye lichokhaio.

3 JOHAN 1:14

Enou neye thala-a daoresü rei-a bue, alia zhu kheihaonou tavedaoa koa Ahai chi phalai.