JOHAN 20:19 - SHEEYU BAIBEL (BSI)

¹⁹ Rathozhou süna koukhe hisü rozümai taonou Jihudimai taoye piyu donou kikhu khua vedzü louyu kisü, Jisu nou tave puletao hrohinou laloua puletao hi paoe, “Neletao hi kaonayu buloutheo.”

JOHAN 20:19 Iomraidhean Croise

LOUTAO 122:8

Avei kityarai ae samaitao donou Enou Jerusalem hi haibüa paoe, “Kaonayu nasü ne hi bulo.”

MATHIU 10:13

Ki sühi buyu maitao nou neleye sasa-a shepei louzü, neletao vei kaonayu sü sühi panou bukhaio, ana puletao nou neletaoye sasa-a shepei molouzü, süthaisü neletao vei kaonayu nasü neletao hi lukhailo.

MATHIU 18:20

Daiolouzü Azhih hinou mai ahai nou moa asünou vedzüa buyu hisü, E-a puletao hrohi bue.”

MARK 16:14

Akhai khailai hinou Jisu nou puh rozümai kialitaonou toua buyu hinou tave ngaopeie. Alia puletao nou louche bayu ea le khouleyu vanou puhnou puletaoye züpeie, daiolouzü puh hrishu louyu ngao-a bumaitaoye puletao nou louche peimoe.

JOHAN 14:27

“Kaonayu hai Enou neletao hi thaodai khaitoue; Avei kaonayu nasü Enou neletao hi peikhaitoue; Enou neletao hi peiyu hai deiphao mainou peiyu kumoe. Neletao lehai chorowuso, moa piwuso.

JOHAN 16:22

Sübüa, neletao hi-a chupha hisü le veayu bue, ana Enou neletaoye ve daopulai ea neletao lesü saloulai, alia maita linoua neletao vei sayu nasü neletao hinou pota laimoe.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

JOHAN 20:21

Jisu nou puletao hi paopue, “Neletao hi kaonayu buloutheo. Apuonou Eye seipeiyu kua Enou neletaoye-a seiwe.”

JOHAN 20:26

Teithe acha thaisü, puh rozümai taosü kikha hinou vedzüa bupukhaire, alia Thomas-a puletaoye koa bue. Kikhu taosü khukhaitoue, ana Jisu nou tave puletao hrohinou laloua paoe, “Neletao hi kaonayu buloutheo.”

JOHAN 21:1

Haithaisü Jisu nou Tibiria zaipe hinou puh rozümai taohi tave ngaopu peikhaie; alia puhnou haibüa ngaopeie.

JOHAN 21:14

Chuo haina hai Jisu nou athai hinou hrishu louyuthai rozümai taohi ngaopeiyu lüh asü chenae.

JOHAN 7:13

Ana Jihudimaiye piyu donou maita linoua dua puh vanou chi paomoe.

SEI-ATAMAI VAHTAO 1:3

Puhvei vea-hoyu thai teithe raidai levai hinou puhsü hriwe touyu sü motoulou hoyu zhopaohnoupu lüh taoli lah puhnou puletao hi ve ngaopeie. Alia puletao nou puhye ngao-a buyu hinou puhnou puletao hi Ramai Vedei vanou chi paongao peie.

ROMMAI 15:33

Alia chuo kaonayu vei Ramai nou neletao hrülaiye koa buyu sü souloutheo. Amen.

1 KORINTHMAI 15:5

alia puhnou Kephas hi ea süthainou sei-atamai kiahaitao hi ngaopeie.

EPHESAMAI 2:14

Daiolouzü Khrista puhnou Jihudimai ea tahrüh kukhe maitaoye alikhei soupeiwu-a Eletao hi kaonayu pove peire. Puhnou lah puhvei pfüphaonou puletaoye kuku-a dekhaiyu ea panou alinou liye ngaoba-a buyu bouvou sünasü dakhaore.

EPHESAMAI 6:23

Puo Ramai nou ea Mapao Jisu Khrista nou Khristamai thaihou jüraimai hrülai pei hi sü kaonayu ea lü naye koa leshi nasü peiyu souloutheo.

PHILIPPIMAI 1:2

Ramai Eletao Puo ea Mapao Jisu Khrista nou neletaoye zhuvea ea kaonayu peiyu sü souloutheo.

2 THESSALONIMAI 3:16

Chuo kaonayu vei Mapao puhnou teisanou ea ludu teitei hinou neletao hi kaonayu peiyu sü soulouwo. Mapao nou neletao hrülaiye koa buyu sü souloukhaio.

EBRIAMAI 7:2

alia Abraham nou reihbuh hinou ngaolouyu na teitei hinou zha kiruo hinou alisü puh hi peie (Melkizedek touyu vei ko araina louzü, “Acheche vei veo” toue; alia puh hai Salem teidei hi veoyu donou puh zhih ko hai “Kaonayu vei Veo” tea pao-a paowe.)

3 JOHAN 1:14

Enou neye thala-a daoresü rei-a bue, alia zhu kheihaonou tavedaoa koa Ahai chi phalai.

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,