JOHAN 20:17 - SHEEYU BAIBEL (BSI)

¹⁷ Jisu nou puh hi paoe, “Eye deiso, daiolouzü E Apuohi khelou mohie; ana Athaihou jürai taohi taho puletao hi haikua paokhaio, ‘Esü Apuo ea neletao Puo, A Ramai ea neletao Ramai hi kheta-e.’ ”

JOHAN 20:17 Iomraidhean Croise

2 VEMAITO 4:29

Elisha nou Gehazi hilova reiloua nou puh hi paoe, “Thasho-a nou avei süüpo nasü poloua nou takhaio. Lududo hi maitaralia cha-a nou buso, hakinou mai nou neye keayuma, puletao hisü chila peihawua toulei tapoa ki hisü velou avei süüpo nanou nahtou vasü pokou khaipeio.”

2 VEMAITO 7:9

Ana puletao mai ali nou ali hi haibüa paore, “Eletao haibüa buyu sü kaomore, ko aveih hai nasü lah Etao hi khaiyu kaomore. Etao nou ko hai nasü dosho shona nou taho paopei louzü, Etaoye tudee peia bailai. Südonou chu nou taho veo vei peikho maitao hi sü ko aveih hai nasü paopei laishe!”

LOUTAO 22:22

Nenou soupeiyu vah haso khesü Enou avei maitao hi paopeilai; puletao nou vejüa buyu hisü Enou neye paosholai.

LOUTAO 43:4

Süthaisü Enou nevei posheelabu hi velai, Oh Ramai; Enou savayu ngaore sü ne hinou baie. Enou gaigou ae lanabvü sü kalai ae neye lou sousholai, Oh Ramai, Avei Ramai.

LOUTAO 48:14

“Ramai haina hai teisa nou Etao vei Ramai nasü soulai; vere teile veishi hia puhnou Etaoye süthaisa-a tapeilai.”

LOUTAO 68:18

Puhnou kushoyu buh hisü hukhamai taoli nüpoa patare; puhye khaitya-a duyu maitao hinou sapeina khesü puhnou poloure. Ramai Mapao nou sühisü teisa nou hrülai.

LOUTAO 89:26

Puhnou ahi haibüa paolai, ‘Nenou apuo-e, ae avei Ramai-e; ne hai Eye vupa-apeio ae khailupa peiyu nasüe!’

ISAIAH 41:10

Ngaopiso, daiolouzü Enou neletaoye sü salai peilai, hataralia panou neletaoye soupiso, daiolouzü Esü neletao vei Ramai-e. Enou neletaoye soukhou peilai, ae soukha peilai, Enou neletaoye vupeilai alia khailupa peilai.

JEREMIAH 31:33

Enou Israel maiye koa vo ashu soure nasü haibülai: Enou avei chikha nasü puletao vei tsüle hi thoupeilai ae puletao vei lüthou pei hi rüthoukhai peilai. Enou puletao vei Ramai soulai, ae puletao nou avei mai soulai.

JEREMIAH 32:38

Süthaisü puletao hai avei mai soulai, ae Enou puletao vei Ramai soulai.

EZEKIEL 36:28

Süthaisü Enou neletao vei puopao hi peikhai touyu teidei hinou neletao hai hrülai. Neletao hai avei mai soulai ae Enou neletao vei Ramai sü soulai.

EZEKIEL 37:27

Enou puletaoye koa sühinou hrüpeilai; Enou puletao vei Ramai sü soulai, ae puletao hai avei mai soulai.

MATHIU 12:50

Daiolouzü rakibu Apuo vei leli souyu maitali sü Athaihou jürai, Atu ea Apfüe.”

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

MATHIU 28:7

Alia chuo thalasou taho puh rozümai taohi, ‘Puhwo athai hinou hrishuloure tea paokhaio, alia zhu khaio, puhwo neletao jünou raia Galilee hi talai; sühinou neletao nou puhye ngaolai!’ Zhukhaio, Enou neletao hi paopeire.”

MARK 12:26

Alia thaimai hrishuyu vanou neletao Moses vei Larübvü hinou ngheimei taoyu ko hakia phoukhai mohiwu? Sühinou haibüa rüthou khaitoue süolouzü Ramai nou Moses hi paoe, ‘E hai Abraham, Isak, alia Jakob Ramaie.’

MARK 16:19

[Südonou Mapao Jisu nou puletaoye koa chi phalouyu thaisü puhye sü rakihi pokhere ea Ramai bahkha zhoulonou buloure.

LUK NOU RÜYU KO AVEIBVÜ 10:4

Shavü lia moa lekhabvü moa phikha lia pfütaso; alia lududo hinou maita mailiye khurüso.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 13:3

Puonou hali-hala puh bah hi thoupeire, alia puh hai Ramai hinou ve ea Ramai hi dakhai velai touyusü Jisu nou süe.

JOHAN 14:2

Apuo kihi buh alaosou bue; alia Enou taho neletao donou buh ali soudalai. Sütoumo louzü haihai Enou neletao hi paolai moe.

JOHAN 14:28

‘E talai, alia neletao hi E khaive khailai,’ tea Enou neletao hi paoyusü neletao nou chouloure. Neletao nou Eye leshi louzü, neletaosü lesa loulai, daiolouzü Esü Apuohi tawe; daiolouzü Puonou Ajünou duhie.

JOHAN 14:6

Jisu nou puh hi paoe, “Ludu nasüa, acheche nasüa, alia ahri nasüa E-e; Ahinou moa maita linoua Puohi vemoe.

JOHAN 16:28

Enou Apuo hinou tashuloua deiphao hi veloure; alia chuo Enou deiphaosü thaowu-a Apuohi vetalai.”

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 20:27

Süthaisü puhnou Thomas hi paoe, “Ne bahtousü haihi thaithouwo, ea Abah sü zhukhaio; alia nebah topaloua Anahi thaithoukhaio, lü ha-a buwuso, anou louchelo.”

JOHAN 7:33

Sükisü Jisu nou paoe, “Enou neletaoye koa phajü donou bulaihie, alia süthaisü Esü Eye seive peiyu puh hi vetalai.

ROMMAI 8:29

Ramai nou raia sülouyu puletaoye sü puhnah poutuye raibüyu zhu nasü-a koa panou zha ngaozhore donou puhnou raia do-a dochere. Sübüa Nahpoutu naye panou thaihou jüraimai alao hrohinou raikaina soulai.

2 KORINTHMAI 6:18

Esü neletao Puo soulai, alia neletaosü Anahpoutu mai ea Anah naotumaitao soulai tea khoukhoulai Mapaowo nou paoe.”

GALATIAMAI 3:26

Lü vanou neletao hrülaisü Khrista Jisu ye koa ali soulouyu hinou Ramai nah soukhai loure.

EBRIAMAI 11:16

Süjüwo, puletao nou veikouyu teidei ali süolouzü rakiva teidei süna donou züpa-a bue. Südonou Ramai nou puhye nou puletao vei Ramai tea kuyu hisü ahraoyu hae, daiolouzü puhnou puletaoye donou nuhdu ali soudapei khaitoue.

EBRIAMAI 8:10

Chuwo, velaiyu teithetao hinou Enou Israel maitaoye koa soulaiyu vo nasü hainare, tea Mapao nou paoe: Enou Avei razhai nasü puletao tsü lekhe hi pothoukhai peilai ea sütaosü puletao lethou pei hi rüthoukhai peilai. Esü puletao Ramai soulai, alia puletao sü Amai soulai.

1 PITAR 1:3

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire,

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

PONGAOPEIYU 21:3

Alia Enou vebuh hinou pai kushoyu alinou haibüa paoyu choue: “Zhukhaio, chuwo Ramai vei kisü emaiye koa bure! Puhnou puletaoye koa hrülai, alia puletaosü puhmaitao soulai. Ramai puh vuzünou puletaoye koa bupeilai ea puhsü puletao vei Ramai soulai.

PONGAOPEIYU 21:7

Reih kolouyu puhnou Ahinou hainasü ngaolai: Esü puh Ramai soulai, alia puhnou Anah Poutuwo soulai.