JOHAN 20:16 - SHEEYU BAIBEL (BSI)

¹⁶ Jisu nou puh hi paoe, “Meri!” Puhnou reiveloua puh hi Ebriamai lanou paoe, “Rabboni!” (Süvei kowo louzü Dou-apeio touwe.)

JOHAN 20:16 Iomraidhean Croise

SHURAI 22:1

Süthaisü Ramai nou Abraham zhai zhure donou “Abraham” tea lare, alia puhnou “E haibue” tea chila peie.

SHURAI 22:11

Ana raki vanou Mapao vei rakivamai nou “Abraham, Abraham” tea puhye kuloure. Abraham nou “Oe! E haihi bue” toure.

SHURAI 45:12

Chua Josef nou paopue, “Amü vujünou E hai Josef-e tea paopayu sü neletao nghithou nou ngaore alia Benjamin, nenoua ngaore.

TAPALOUYU 3:4

Moses nou zhulai tea takou nghiyu sü Mapao nou ngaoloua poubetao hrohinou “Moses! Moses” tea puhye lapare. Puhnou “E haihi bue” tea chila peie.

TAPALOUYU 33:17

Mapao nou Moses hi paoe, “Nenou paoyu bütoua Enou soupeilai, daiolouzü Enou neye süwe alia Enou neye jüpae.”

SOLOMON VEI LOU 3:4

E puletao ye tacho poa takouyu phaki, Ahrümai nou loua leshiyu aleshipu ye ngaoloue. Enou puhye kholoure, alia puhye apfü ki hi salou loumo koute, alia apfü nou Eye hrülouyu kide nahi salou loumo koute puhye Enou phapei laimoe.

SOLOMON VEI LOU 5:2

E zütae, ana alesü kai-a bubaie. Keikhaio! Aleshipu nou kikhu sü khou-a bure. Eye kikhu houthou peio, atupai, aleshipai, Avei khao, avei chahche paire; daiolouzü apei sü vidzü nou chare, apeishu-a khei vei dzü zaoyu vanou chare.

ISAIAH 43:1

Oh Israel maitaore, neletaoye sou-apeio Mapao nou habüa paoe, “Ngaopiso, daiolouzü Enou neletaoye sü khailupa peilai. Neletaoye sü Enou zhih sa-a kupa khaitoue, neletao hai avei maie.

MATHIU 14:27

Ana Jisu nou thala-a puletao hi paoe, “Khuveilo! Ebaie; pikhaiso!”

MARK 10:51

Jisu nou puh hi noue, “Eye panou neye donou dai soupei nüwe?” Nghicha pounanou puh hi chila peie, “Dou-apeio, Eye panou Anghi ngaoloukhaio.”

LUK NOU RÜYU KO AVEIBVÜ 10:41

Ana Mapao nou puh hi chila peie, “Martha, Martha! Newo vah alao donou lekishoa ea levea-a bue;

JOHAN 1:38

Jisu nou thailo reiveyu kisü puhai nou puh thai fülaiyu ngaoloua puhaihi noue, “Nehai dai phouwe?” Alia puhai nou puh hi chila peie, “Rabbi” (süolouzü Dou-apeio toue), “Ne dai kinou bue?”

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 10:3

Puh hisü bomü khowonou kikhu houpeie; zhaotu taonou puh paisü chouwe, alia puhnou lah puhvei zhaotu taoye sü puletao zhih ali linou kua süthaisa papeie.

JOHAN 11:28

Puhnou chi sünasü paowuyu thaisü, taloua taho puh matoupai Meriye kuloua puh hi kheikheisoua paoe, “Dou-apeio sü buh haihi bue ea neye phoua bue.”

JOHAN 13:13

Neletao nou Eye ‘Dou-apeio’ ea ‘Mapao’ tea kuwe; alia neletao nou kuyu hai kuzüe daiolouzü Esü sünasüe.

JOHAN 20:28

Thomasnou puh hi chila peie, “A Mapao ea A Ramai!”

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 5:2

Jerusalem hi zhaotu romü ngheiki hi Ebriamai lah hinou Bethzatha tea kuyu kipao angou buyu zaibvü ali bue.

JOHAN 6:25

Puletao nou zai polo dova hinou puhye tave ngaolouyu kisü, puletao nou puh hi paoe, “Rabbi, ne dukinou buh haihi velou loue?”

SEI-ATAMAI VAHTAO 10:3

Teitheli koukhe teilecho asü phahinou puhnou zho ali ngaoe. Sühisü puhnou Ramai vei Rakivamai aliye sheesha-a ngaoe ea sünanou taveloua “Kornelia!” tea puhye kue.

SEI-ATAMAI VAHTAO 9:4

Sükisü puhsü deiphi hi dukoure ea pai alinou puh hisü, “Saul, Saul, ne daidonou Eye souveawe?” tea paoyu sü choue.

1 SAMUEL 3:10

Mapao nou puh hi talou laloua “Samuel, Samuel!” tea lapure. Ae Samuel nou “Ne kilai Enou kei-a nou bue, paopei khaio” tea chila peie.

1 SAMUEL 3:6

Mapao nou Samuel ye kupure, ana raichoki Mapao nou puhye sü chakhai toumoyu thaifüa puhye Mapao nou chawe touyu sü puhnou sülou more. Südonou puhnou kushuloua Eli hi kou “E hai hi bue, ne Eye lawu?” tea noue. Ana Eli nou “Anahna, E neye la moe, dakhaikou zütawo” tea chila peie.