JOHAN 2:24 - SHEEYU BAIBEL (BSI)

²⁴ Ana Jisu nou puh lah puletaoye louchemoe, daiolouzü puhnou puletaoye sükhaie,

JOHAN 2:24 Iomraidhean Croise

1 VEMAITO 8:39

puletao vei veachi sü nenou buyu raki vanou keinou peio, puletao vei mah sü khaipeio, ae soukhapeio. Ne likhei deiphao maivei tsüle hai süa baie. Mai alili hisü puletao nou ngaozü thaifüa peio,

1 PUOPAOKO 28:9

Ae Solomon hisü puhnou haibüa paoe, “Anahpoutu Solomon, nevei puo Ramai ye sü phoulo, ae nevei tsüle teitei nou peia puh vei kuvah sü sounü shoa soulo; daiolouzü Ramai hai Etao vei tsüchoyu ae jüpayu teitei sü süa baiwe. Nenou puhye phou louzü, puhye sü nenou ngaoloulai, ana nenou puhye thaowulouzü puhnou neye teisa nou thaowua bailai.

1 PUOPAOKO 29:17

Oh avei Ramai, nenou maikhe mai vei tsüle sü zhuwe, ae acheche maiye sü nenou jüpawe touyu Enou süe. Avei tsüle sheesha toua Enou na haikhesü peinü sho-a ne hi posheela peikhai toue, ae nevei maitao-a neye peinü shoa puletao nou asasho-a ne hi posheela peiyu khesü Enou ngaore.

JEREMIAH 17:9

“Thaonou mai ali vei tsüle hai süloulai? Hai nasü veishi jünou shikayu nasüe; hai nasü souvei loure hai tatei shore.

MATHIU 9:4

Puletao nou choyu sü Jisu nou süloua paoe, “Neletao daidonou haibüyu tsüshi chowe?

MARK 2:8

Thalasou Jisu nou puletao nou cho-a buyu sü süloua puletao hi paoe, “Neletao daidonou haibüyu tsühai chowe?

JOHAN 1:42

Süthaisü puhnou Simon ye Jisu hi save. Jisu nou puhye zhuloua paoe, “Newo Johan nahpoutu Simon-e, ana neye Kephas tea kulai.” (Haihai Pitar touyu kheihaoe, süvei konou “Chuh” toue.)

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 21:17

Jisu nou puh hi lüh asü chena noue, “Johan nahpoutu Simon, ne Eye leshiwu?” Pitar sü levea loure daiolouzü Jisu nou puh hi lüh asü koute, “Ne Eye leshiwu?” tea puh hi noue, alia puhnou puh hi paoe, “Mapao, nenou hali-hala süwe; Enou neye leshie touyu sü nenou süwe!” Jisu nou puh hi paoe “Azhaotaoye vaipei khaio.

JOHAN 4:16

Jisu nou puh hi paoe, “Takhaio, alia ne chaaye buh haihi ku save khaio.”

JOHAN 5:42

Ana Enou neletaoye süwe, süolouzü neletao lekhehi Ramaiye leshiyu hae.

JOHAN 6:15

Süthaisü Jisu nou puhye maikhe mainou tave taitsüa panou Veo souloure donou nilou laire touyu süloua Jisu puhlah deichi hilo tarei tapu khaire.

JOHAN 6:64

Ana neletao hrohi louche moyu mai kamai bue.” Daiolouzü Jisu nou louche moyutao sü thaohthaoh maisa, alia puhye shoh soupei laiyu mai nasü thaohsa touyu hai shurainou süa bue.

SEI-ATAMAI VAHTAO 1:24

Süthaisü puletao nou haibüa veachi paoe, “Mapaowo nenou maikhemai hrülai vei lesü sükhaiwe, südonou Judas nou lah puhvei buh hi vetare donou thaowuyu sei-atamai taovei kuvah buh haina hi puhthao lou soupei loure

SEI-ATAMAI VAHTAO 15:8

Alia emai hrülai le süyu Ramai puhnou Eletao hi soupeiyu kua tahrüh kukhemai taohia Rako Mashi peiwu-a puhvei ae-ao touyu zhopaoh sü peire.

PAODAKHAIYU CHIKHA 31:21

Süthaisü puletao hi veahoyu tyatyali veyu phaki, lou haina nou puletao hi shakhi soulai, daiolouzü lou haina hai puletao tyaosholea hia panou ngailai moe. Daiolouzü Enou puletao hi peilai tea chaachou soukhai touyu füdei hi savemo jünou puletao hai daitsü chowe touyu khesü Enou süwe.”

EBRIAMAI 4:13

Alia soukhai touyu na talia Ramai nghojünou kukhai loure hae, ana ha teiteisü dukhya-a puh nghi-ngaobuh hinou haphapa khaikhaitoue. Alia puh hisü lah Eletao hrülainou soukhai touyu soupfücho sü peivuzülai.

PONGAOPEIYU 2:23

Enou puh nahmai taoye sü southealai, alia sükisü lüloumaime hrülainou Esü maikhemai hrülai tsüle süyu mai nasüe touyu sü sülai, alia Enou neletao mai aliliye lah lahnou soukhai touyu vah thaifüa ngaozü nasü peilai.

1 SAMUEL 16:7

Ana Mapao nou puh hi paoe, “Puhvei sha shoyu moa zhurao veiyu nanou phouso, Enou puhye sü malaiwure, daiolouzü E hai deiphao mai ali büa zhu moe. Deiphao mai louzü vakou ngaoyu nanou zhuwe, ana Ewo louzü lekhe vainou zhua baiwe.”