JOHAN 2:23 - SHEEYU BAIBEL (BSI)

²³ Chuo Jerusalem hinou Tachonüh hi bubuki puhnou souyu sheetao sü ngaoloua mai taolinou puhye louche loure.

JOHAN 2:23 Iomraidhean Croise

LUK NOU RÜYU KO AVEIBVÜ 8:13

Alia chuhrao pei hi dekou louyu taonou, chipao süna chouloua sasa-a polouyu maitaoe, ana maa chülou moyu donou phajütou loucheloua athao veyu kisü kaotayu puletaoe.

JOHAN 11:45

Südonou Meriye koa taveyu Jihudimai taolinou Jisu nou souyu ngaoloua puhye louche loure.

JOHAN 2:11

Jisu nou raikaiyu shee haina hai Galilee hi buyu Kana hinou soua puh vei khouko-ava nasü pongaoe; alia puh rozümai taonou puhye loucheloue.

JOHAN 2:13

Jihudimai Tachonüh nasü ngheitei koure, südonou Jisu nou Jerusalem hi tapa loure.

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 4:45

Südonou puhnou Galilee hi velouyu kisü, Galilee hi maitao nou puhye sasa-a sheloue, daiolouzü puhnou Tachonühki Jerusalem hinou souyu teiteisü puletao nou ngaoloue, daiolouzü puletaoa nühbuh hisü veloue.

JOHAN 5:36

Ana Ahi buyu zhopaoh sünanou Johan vei jünou dukou hie, daiolouzü souchere donou Apuonou Ahi peikhai touyu vah taonou, süolouzü Enou soua buyu vah haitao vuzünou Puonou Eye seivepeie touyu Avanou zhopaoh souwe.

JOHAN 6:14

Südonou puhnou souyu shee nasü maikhe mainou ngaoloua paoe, “Chekhaoa deiphao hi vere rachi paolawo nasü hainare!”

JOHAN 6:2

Alia maisou alaosou puhthaisü fütare, daiolouzü puhnou sounou maitaoye souvei peiyu shee taosü puletao nou ngaoloue.

JOHAN 7:31

Sütoukhaia mai taolinou puhye louche loure; alia puletao nou paoe, “Khrista nanou veyu kisü puhnou mai hainanou souyu jünou koua shee soulaiwu?”

GALATIAMAI 5:6

Daiolouzü Eletao nou Khrista Jisu ye koa ali soua bubu kisü hee rodeyu moa hee rodemoyu sünanou halia soukuyu hae; soukuyu süwo louzü leshi vanou vahsoua buyu lü sünasüe.

1 JOHAN 3:23

Alia haisü puhvei chikhae, süolouzü puhnou Eletao hi chikha peiwuyu sübütoua, Eletao nou puhnah Poutu Jisu Khrista zhihsü louche vuzülai ea alinou liye leshilai.