JOHAN 2:19 - SHEEYU BAIBEL (BSI)

¹⁹ Jisu nou puletao hi chila peie, “Rathoki haina hai souhawuwo, alia Enou sünasü teithe asü hinou soushu loulai.”

JOHAN 2:19 Iomraidhean Croise

MATHIU 12:40

Daiolouzü Jonah nou khah aduna pou levai hinou hea asü ea khei asü buyubüa Mai Nahpoutu-a deikhe hinou hea asü ea khei asü bulai.

MATHIU 16:21

Teile sühinou shua Jisu nou du-a puh rozümaitaohi paotare. “E Jerusalem hi tavu zülai ea tsümaitao, napao adumaitao ea razhai dou-apeimaitao bah hinou alaosou vea vuzülai. Eye sü southeawulai, ana teithe asü zhousü Ehai hrishuloulai.”

MATHIU 27:40

“Rathoki souha laiyu ea teithe asü levai hinou soupei khailaiyu ne, lah neye khailu louwo! Ne hai Ramai Nahpoutue toulouzü kros vanou takou louwo.”

MATHIU 27:63

alia haibüa paoe, “Dou-apeio, amadamai honanou puhnou hribuki, ‘Teithe asü thaisü E hridashu khailai,’ tea paoyuhai Eh nou tsü-a buhie.

MARK 14:58

“Bahnou soukhai touyu rathoki hainasü Enou souhawu-a bahnou soumoyu rathoki kukheli, teithe asü levai hinou Enou soupeilai, tea puhnou paoyu hai Ehnou choue.”

MARK 15:29

Alia ngheikinou takou-takheyu maitao nou puletao pei zhaloua puhye konüa paoe, “Oho! Rathoki souha laiyu ea teithe asü hinou soupei khailou süyu ne,

MARK 8:31

Süthaisü Jisu nou puh rozümai taoye doupei tare: “Mai Nahpoutu hai alaosou vea vuzülai ea tsümaitao, napao adumaitao, alia razhai dou-apeimaitao nou puhye sü motoulai. Puhye sü southeawulai, ana teithe asü thaisü puh hai hrishulai.”

JOHAN 11:25

Jisu nou puh hi paoe, “Ehai hrishuyu ea ahri nasüe; Eye loucheyu mai talinou puh hai thaiyuma hrilai;

JOHAN 5:19

Jisu nou puletao hi paoe, “Cheche vuzünou Enou neletao hi paowe, Puonou soua buyu sü ngaoloua puhnou soubaimoa Nahpoutu lahnou puh madonou hatalia soulou hoe; daiolouzü Puonou souyu tasü Nahpoutu nou-a sükheihaoa souwe.

SEI-ATAMAI VAHTAO 2:24

Anou Ramai nou puhye sü athaivei khouko hinou mado soupeiwu-a souhri peire, daiolouzü puhye sü athainanou bekhai shalou hoe.

SEI-ATAMAI VAHTAO 2:32

Jisu hainaye sü Ramai nou souhrishu peire, alia Eletao hrülaisü hainavei zhopaoh maitaoe.

SEI-ATAMAI VAHTAO 3:15

Neletao nou Ahripao naye sü southeare, ana Ramai nou puhye sü athai hinou souhrishu loure. Eletao sü sünavei zhopaoh maitaoe.

SEI-ATAMAI VAHTAO 3:26

Südonou Ramai nou puh kilaiye doloua neletao vei ashi vah hinou neletaoye panou le daloua neletaoye hapeire donou puhye sü raia neletao hi seive peire.”

SEI-ATAMAI VAHTAO 6:14

daiolouzü Nazareth hi Jisu hai nanou Rathoki haina sü souhalai ea Moses nou Eh hi peikhai touyu zhai hainasü soudalai tea puhnou paoyu sü Ehnou choue!”

ROMMAI 4:24

Sütaosü chechemaie tea polou laiyu Eh Mapao Jisu ye athai hinou sou hrishu peiyu puhye loucheyu Eletao donou-a rüthou khaitoue.

ROMMAI 6:4

Südonou Eletao vei dzükhao dayu hinou Eletaoye sü puhye koa povure ea puhvei athai nasü koa zha ngaozho loure, sübüa Puovei dushoyu khoukonou Khristaye athai hinou sou hrishu peiyu kua, Eletao-a hrü ashuna hinou hrüloure donoue.

ROMMAI 8:11

Jisu ye athai hinou souhrishu peiyu Ramai vei Rakonou neletao hi bue toulouzü, süthaisü Khristaye athai hinou souhrishu peiyu puhnou neletao hi buyu puhvei Rako vanou thailouvei neletao pfüphao hisü ahri peilai.

1 KORINTHMAI 15:12

Chuo Khrista hai athai hinou hrishu loure tea Ehnou paodou louzü, kabüa neletao hronou kamainou thaimai hai hrishu laimoe tea paowe?

KOLOSSEMAI 2:12

Daiolouzü neletao nou dzükhao dalouyu kisü, neletaoye sü Khrista hinou povuwure, alia dzükhao dayu hinou Khristaye athai hinou souhrishu peiyu Ramai puhvei chihshoyu khouko nou neletao vei lü vanou neletaoye-a Khristaye koa souhrishu peiwure.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,