JOHAN 2:11 - SHEEYU BAIBEL (BSI)

¹¹ Jisu nou raikaiyu shee haina hai Galilee hi buyu Kana hinou soua puh vei khouko-ava nasü pongaoe; alia puh rozümai taonou puhye loucheloue.

JOHAN 2:11 Iomraidhean Croise

1 VEMAITO 17:24

Honapai nou chila peie, “Chuo ne hai Ramai vei mai-e ae Mapao nou neye chaku peiwe touyu sü Enou süloure.”

LOUTAO 72:19

Puhvei zhih aveih nasü teisa nou paosholo! Puhvei khouko ava nasü teideiphao veishi hi panou phoutao-a bulo! Amen! Amen!

LOUTAO 96:3

Puhvei kathe nasü tyahrütao hi paopeio, puhvei khupayu vah khesü mai hrülai hi shapao peio.

TAPALOUYU 14:31

Mapao vei khouko, puhnou Ejipt maiye souha peiyu sü Israel mainou ngaoloure, ae puletao nou Mapao ye ngaopire, ae puletao nou Mapao ye alia puhvei kilai Moses ye louche loure.

TAPALOUYU 4:9

Puletao nou khupayu vah ahai kheinou louchemo louzü moa nenou paoyu chipao poba louzü, Nail rei hinou dzü poloua popa deithe hi lakhai peikhaio, sükulouzü dzü nasü zhe data-a bailai.”

KOPAODOUWO 9:7

Taho nevei raokhao toura-o ae sava-a bulo; alia ne zhaoh sü lesayu nou koa sokhaio; daiolouzü nenou souyu teitei hai Ramai nou raikinou aetou peiwure.

ISAIAH 40:5

Süthaisü Mapao vei khouko ava sü pongao peilai, ae deiphao mai hrülai nou süsü ngaokhai toulai. Haisü Mapao masha vuzünou paopawure.”

MALAKAI 2:2

Neletao nou achi kei basho-o, alia azhih veih souloure donou achi hai neletao hi khailoumo louzü, Enou neletao hisü chaa seive peilai alia neletao nou haveih ngaolouyu teitei nou chaawulai; cheche vuzünou na teitei hai Enou chaawure, daisounou tiyuo haihai neletao lekhe hi khailou moe, tea Mapao nou paoe.

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:17

Daiolouzü razhai nasü Moses vanou peie; ana zhuvea ea acheche na louzü Jisu Khrista vanou ve.

JOHAN 1:43

Thainaisho sü Jisu nou Galilee hi talai tea le laloure. Alia puhnou Philip ye ngaoloua puh hi paoe, “Athai fülo.”

JOHAN 1:50

Jisu nou puh hi paoe, “Enou neye doushibe phihi bubu kinou ngaore tea ne hi paoyu vanou ne louchewu? Nenou hai jünou adu dulih ngaolai hie!”

JOHAN 10:41

Alia mai alaosou puh hi tave loure ea puletao nou paoe, “Johan nou shee alia soumoe, ana Johan nou mai haina vanou paoyu teitei sü chekhaoe.”

JOHAN 11:15

alia neletao donou E lesae, daiolouzü neletao nou louche loure donou Ehai buh sühi bumoe. Ana Eletao puh hi taholaikhe.”

JOHAN 11:47

Südonou napao adumaitao ea Phariseemai taonou tsüme nasü kuve dzüloua paoe, “Eletao dai soulai? Daiolouzü mai hainanou shee taoli soua bure!

JOHAN 12:18

Maisounou puhye daore donou taveyu qo louzü puhnou shee hainasü soushe tea chouyu donoue.

JOHAN 12:37

Puhnou shee alaosou puletao nghojühi soungao peiyuma, puletao nou puhye louche peimoe.

JOHAN 12:41

Isaiah nou haisü paoe, daiolouzü puhnou Jisu vei adusho sü ngaoe ea puhnou puh vanou paopeie.

JOHAN 14:13

Nahpoutu vanou Puoye soudusho peiloure donou, neletao nou Azhih hinou khoyu talisü Enou soupeilai.

JOHAN 16:27

daiolouzü Puo lah puhnou neletaoye leshiwe. Puhnou neletaoye leshiwe daiolouzü neletao nou Eye leshiwe ea Esü Apuo hinou ve touyusü neletao nou louche loure.

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 2:1

Süthai teithe asü zhousü Galilee hi buyu Kana nuh hinou sheenghiyu li buloure, alia Jisu pfüa sühi bue;

JOHAN 2:23

Chuo Jerusalem hinou Tachonüh hi bubuki puhnou souyu sheetao sü ngaoloua mai taolinou puhye louche loure.

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 4:3

puhnou Judea thaowu-a Galilee hi dakhai tare.

JOHAN 4:46

Süthaisü puhnou raiki dzünou darkha zhaoh sou dalouyu Galilee hi buyu Kana nuh hi tavepu khaire. Alia Kapernahum hisü nahpoutu soua buyu vahdumai ali bue.

JOHAN 4:54

Shee hainasü Jisu nou Judea hinou Galilee hi velouyu thainou souyu shee ahai chena süe.

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

JOHAN 6:14

Südonou puhnou souyu shee nasü maikhe mainou ngaoloua paoe, “Chekhaoa deiphao hi vere rachi paolawo nasü hainare!”

JOHAN 6:2

Alia maisou alaosou puhthaisü fütare, daiolouzü puhnou sounou maitaoye souvei peiyu shee taosü puletao nou ngaoloue.

JOHAN 6:26

Jisu nou puletao hi chila peie, “Cheche vuzünou Enou neletao hi paoe, neletao nou Eye phoutayu hai shee khemaitao ngaolouyu vanou moe, ana neletao nou raokhao pouphou toulouyu vanou baie.

JOHAN 6:30

Südonou puletao nou puh hi chila peie, “Sükulouzü Eletao nou ngaoloua neye louche loure donou nenou dai shee soungaolai? Nenou soua buyu vah nasü daie?

JOHAN 7:31

Sütoukhaia mai taolinou puhye louche loure; alia puletao nou paoe, “Khrista nanou veyu kisü puhnou mai hainanou souyu jünou koua shee soulaiwu?”

JOHAN 9:16

Phariseemai kamainou paoe, “Mai haina hai Ramai hinou vemoe, daiolouzü puhnou Soteithe reimoe.” Ana kukhemai taonou paoe, “Kakua mahmai alinou sübüyu shee taosü soulou sülai?” Alia sühisü puletao hrohinou me kuku tare.

2 KORINTHMAI 3:18

Südonou Eletao hrülaisü pah homoa Mapao vei khouko ava nasü ngao-a bue; alia Rako baiyu Mapaowo hinou veyu khouko ava sünanou Eletaoye sü dukoulailaiyu khouko ava nahi puh zhu kheihao-a soudathou peire.

2 KORINTHMAI 4:17

Daiolouzü teile phajüvei daotu veahoyu hainanou Eletaoye donou veahoyu haina jünou dukou shoyu paosha louhoyu veiveilai teisavei khouko ava nasü souda peiwe.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

PAODAKHAIYU CHIKHA 5:24

alia haibüa paoe, ‘Zhukhaio, Etao Ramai Mapao nou puhvei khouko ava ae aduso sü Etao hi ngaopeie, alia puhvei pai sü mei hinou choue, ae mai aliye Ramai nou chakuyu thai-a puh hai hriloue touyu sü zhou Etao nou ngaoloure.

1 JOHAN 5:13

Neletao nou neletao hai teisa ahri bue touyu süloure donou Enou haisü Ramainah Poutu zhih hi louche-a buyu neletao hi rüwe.