JOHAN 19:6 - SHEEYU BAIBEL (BSI)

⁶ Napao adumaitao ea reihkhaomai taonou puhye ngaolouyu kisü, shusoua raopa loure, “Puhye kros vanou veatheawo, puhye kros vanou veatheawo!” Pilatnou puletao hi paoe, “Neletao lah puhye saloua kros vanou veatheawo, daiolouzü Ewo puh hinou soumahyu halia ngaomoe.”

JOHAN 19:6 Iomraidhean Croise

MATHIU 26:58

Ana Pitar nou napao peichana kijühi talouyu koute puhthai füpoa tae, alia kikhahi talouyu kisü akhai koute zhure donou puhnou kikhoyu maitaoye koa kou chobua bue.

MATHIU 27:22

Pilat nou puletao hi noue, “Sükulouzü Khrista tea kuyu Jisu ye Enou dai soulai?” Puletao hrülainou chila peie, “Puh ye kros vanou veatheawo!”

MATHIU 27:24

Südonou puh nou souyu hai maikhe maiye soubvüro shoyu likhei baideinou kukhe halia zhiyu hare touyu sü ngaoloua, Pilat nou dzü poloua ea maisou nghojünou bahdzü teiloua paoe, “Acheche mai haina vei athai vanou Apei hi mah hae! Haihai neletao vah baie!”

LUK NOU RÜYU KO AVEIBVÜ 23:4

Süthaisü Pilatnou napao adu maitao ea maisouhi paoe, “Enou mai haina hinou ha mahlia ngaolou moe.”

JOHAN 18:3

Südonou Judasnou napao adumaitao ea Pharisee maitao hinou seiveyu Rom reihmai ea Rathokihi reihkhaomai taoliye sapoa, meibvü, loumei ea reih bahseitao poloua kipei sünahi tare.

JOHAN 18:31

Pilat nou puletao hi paoe, “Sükulouzü neletao lah puhye saloua lah neletao vei razhai thaifüa puh pei hi chikukhaio.” Ana Jihudimai taonou ba-a puh hi chila peie, “Eletao donou maita mailiye southeayu zhai hae.”

JOHAN 18:38

Pilatnou puh hi paoe, “Acheche touyu sü daie?” Puhnou süna paoyu thaisü, vakou Jihudimai taohi tapa puloukhaia puletao hi paoe, “Enou puh hinou soumahyu alia ngaoloumoe.

JOHAN 19:15

Puletao nou shusoua raolou khaire, “Puhye satawo, puhye satawo, puhye kros vanou veatheawo!” Pilatnou puletao hi noue, “Neletao Veoye Enou kros vanou veathea laiwu?” Napao adumai taonou chila peie, “Kaisar baimoa Eh Veo kukhe hae.”

JOHAN 19:4

Pilat nou vakouhi tapapuloua puletao hi paoe, “Zhukhaio, Enou puh hinou soumahyu alia ngaoloumoe touyu sü neletaoye panou süloure donou Enou puhye neletao hi sapalai.”

SEI-ATAMAI VAHTAO 2:23

Mai hainaye sü Ramai vei soudayu ea puhvei raia süyu tsü süna thaifüa neletao bah hi thoupeiwu-a, neletao nou mai ashimaiye panou puhye sü kros vanou datheare.

SEI-ATAMAI VAHTAO 7:52

Neletao puokhemai taonou rachi paolamaitao hronou thaohye souvea moyu bue? Alia puletao nou Achecheo verevei raia paosü peiyu maitaoye koutea southeare. Alia chuo neletao nou puhye sü shoh soupei-a southeare.