JOHAN 19:4 - SHEEYU BAIBEL (BSI)

⁴ Pilat nou vakouhi tapapuloua puletao hi paoe, “Zhukhaio, Enou puh hinou soumahyu alia ngaoloumoe touyu sü neletaoye panou süloure donou Enou puhye neletao hi sapalai.”

JOHAN 19:4 Iomraidhean Croise

MATHIU 27:19

Süpeinou, puhnou chikubuh hinou bubuki, puh chapfünou puh hi chi seive-a paoe. “Mah hayu mai süna pei hi halia souso, daiolouzü zhou kheikou me hinou E puh vanou veashore.”

MATHIU 27:24

Südonou puh nou souyu hai maikhe maiye soubvüro shoyu likhei baideinou kukhe halia zhiyu hare touyu sü ngaoloua, Pilat nou dzü poloua ea maisou nghojünou bahdzü teiloua paoe, “Acheche mai haina vei athai vanou Apei hi mah hae! Haihai neletao vah baie!”

MATHIU 27:4

alia haibüa paoe, “Mah hayu mailiye Enou southeare donou shohdo soupeiyu vanou E mahre!” Puletao nou chila peie, “Süna vanou Eh lenou dai bue? sünasü nelah ne vah baie!”

MATHIU 27:54

Reihmai kaihpei chana ea puhye koa Jisu ye khoyu maitao nou nüsüyu ea kukhe payu teitei ngaolouyu kisü, puletaosü ngaopisho loure, alia haibüa paoe, “Chechenou mai haina hai Ramai Nahpoutue!”

LUK NOU RÜYU KO AVEIBVÜ 23:4

Süthaisü Pilatnou napao adu maitao ea maisouhi paoe, “Enou mai haina hinou ha mahlia ngaolou moe.”

LUK NOU RÜYU KO AVEIBVÜ 23:41

Alia Ahaiwo louzü chechenou ngaozüe; daiolouzü Ahaiwo Ahainou sou-pfüyu vah sütaovei ngaozüyu buusü ngaobaie; ana mai hainawo ha mahlia soumoe.”

LUK NOU RÜYU KO AVEIBVÜ 23:47

Chuo sübüa payusü reihmai kaihpei chananou ngaolouyu kisü, puhnou Ramaiye sholoua paoe, “Veimosoua mai haina hai mahlia hae!”

JOHAN 18:33

Pilat nou puh fühao hi khailou puloua ea Jisu ye kuloua puh hi paoe, “Ne Jihudimai Veowu?”

JOHAN 18:38

Pilatnou puh hi paoe, “Acheche touyu sü daie?” Puhnou süna paoyu thaisü, vakou Jihudimai taohi tapa puloukhaia puletao hi paoe, “Enou puh hinou soumahyu alia ngaoloumoe.

JOHAN 19:6

Napao adumaitao ea reihkhaomai taonou puhye ngaolouyu kisü, shusoua raopa loure, “Puhye kros vanou veatheawo, puhye kros vanou veatheawo!” Pilatnou puletao hi paoe, “Neletao lah puhye saloua kros vanou veatheawo, daiolouzü Ewo puh hinou soumahyu halia ngaomoe.”

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

EBRIAMAI 7:26

Daiolouzü sükuyu sheeyu, chaa hayu, mahlia hayu, mahmaitao hinou dokupa khaitoua buyu ea rateitao jünou pokukhe khaiyu Eletao vei napao peichana buyu sü züdoushoe.

1 PITAR 1:19

ana chaalia hayu moa sheetouyu zhaotu büyu muhtei shoyu Khrista vei zhenou hrüloue.

1 PITAR 2:22

Puhwo mah lia soukhai moe, alia puh tai-lü hinou madayu chi hakia choukhai mohie.

1 PITAR 3:18

Daiolouzü neletaoye Ramai nghojühi save peire donou, mahmaitao sühsoua avei mai ali, süolouzü Khrista nou mah donou vuhli hinou teisa vei soua thaipeire. Puhye sü pfüphao hilonou southeare, anou rako hilonou souhri peiwure,

1 JOHAN 3:5

Neletao nou süwe süolouzü Khrista nou Eletao mah pota peiloure donou ve, alia puh hisü mahlia hae.