JOHAN 19:31 - SHEEYU BAIBEL (BSI)

³¹ Teithe sünasü soudayu teitheyu donou, pfüphao sütaosü kros vahi Soteithezhou panou khaimore donou (daiolouzü Soteithe sünasü kuvoua sheeshoyu teithe aliyu donou), Jihudimai taonou Pilat hinou maisütao phisü sousha-a puletaoye kros vahinou potaloure donou tave khoe.

JOHAN 19:31 Iomraidhean Croise

TAPALOUYU 12:16

Teithe araina zhou ae teithe anai zhousü neletao nou tave jüloua ratholai. Teithe ahai süzhou sü neletao nou vah soulai moe, ana ha louzü phoutoua bailai.

TSÜCHITAO 12:10

Achechemai lisü puhvei kikhaorütao ye soutaosoua kiko peiwe, ana mai shimai louzü zhaipou shisho-a baiwe.

MIKAH 3:3

Neletao nou avei maitaoye sü touloure. Neletao nou puletao vei hee sü laolaiwure, rao khesü dasha peiwure, ae sou ali lee hi thou khotoure büa daosasa peiwure.

MATHIU 27:62

Thainaisho kisü, süolouzü Soteithe kisü, napao adumaitao ea Phariseemai taosü Pilat nghojünou tave dzüloure,

MARK 15:42

Arimathea hi Josef nou velouyu phahai koukhe loure. Puh hai Ramai Vedei veyu khoyu tsüme hinou tsükhouyu mai alie. Süzhouhai soudayu teithekie (süolouzü Soteithe nghojühi teithe nae), südonou Josef nou khuveisholoua Pilat nghojühi takou puh hinou Jisu pfüphao peio tea khoe.

JOHAN 19:1

Südonou Pilat nou Jisu ye saloua panou dapeire.

JOHAN 19:14

Sükihai Tachonüh jübü hi soudayu teitheki heako teilecho kiahai tayu phakie. Pilatnou Jihudimai taohi paoe, “Zhukhaio, neletao Veoyesü!”

JOHAN 19:42

Südonou teithe sünasü Jihudi maivei soudayu teitheyu donou ea khüh sünasü nghei-a bubaiyu donou, puhai nou Jisu ye sühi povuwure.

JOSHUA 8:29

Süthai puhnou Ai hi veo ye sü rainou teinghi loumo koute süübe hinou daokhai peie; alia teinghi loutayu phaki, Joshua nou “Puh pfüphao hai süübe hinou pokou nuh vei robomü hi laithou khaio alia puh phao hi chuh nou khokhaio,” teanou kharochi peie, süsü chukoutea buhie.