JOHAN 19:30 - SHEEYU BAIBEL (BSI)

³⁰ Jisu nou khairouyu darkhadzü süna külouyu thaisü, “Chuo Chere!” tea paoe. Süthaisü puhpei sü pfüna kouloua puh rako sü thaothou peiwure.

JOHAN 19:30 Iomraidhean Croise

SHURAI 3:15

Enou naotupai ae nehai kohi, alia netyao nah ae puh tyaonah kohi ngaoraiyu ae ngaobayu sü pothou peilai; puhnou ne pei sü souphe peilai, ae nenou puh phisü dao peilai.”

LOUTAO 22:15

Avei raoqulu hai naihü büa thetare, ae avei mali hai akhou hinou taotei touloure. Nenou Eye panou thaire donou naiphao hi khaipeiwure.

ISAIAH 53:10

Mapao nou paoe, “Puhnou veahoyu sü avei leli-e; maikhe maiye khailu loure donou puhye sü posheela-a phasoua thaire. Südonou puhnou puhvei tyaosholea khesü ngaolai, puh hai hrüsho-a hrülai ae puh vanou avei leli ae choda khaitouyu khesü souche loulai.

ISAIAH 53:12

Südonou Enou puhye sü aduso mai ae khouko buyu maiye koa khailu louyu buh hi khaipeilai, daiolouzü puhnou thaipeie, ae mai ashi mainou ngaore thaosü puhnou vea peie. Alia puhnou maitaoli vei mahmo sü pfüpeie, ae mahmo souyu maiye donou veachi paokha peie.”

DANIEL 9:24

“Ramai nou nevei maitao ae neletao vei sheeyu nuhdu nasü mah ae ashi hinou khailupa peire teile hai po anai nai nou rainai loulai hie. Mahmo khesü khailu peilai, ae teisa panou kaozü hinou hrüre donou soushu peilai, alia zho ngaoyu ae rachi paokhai touyu khesü panou vete peilai, alia sheeyu Rathoki nasü soushu dakhai peilai.

DANIEL 9:26

Sübüyu teile akhai hisü kou Ramai nou dopei khaitouyu süthai apei naye sü mainou southawulai. Nuhdu ae Rathoki nasü khouko pfüshoa reih hulouyu veo nahpoutu nanou soushi khaiwulai. Akhai teithe hisü soureih souyu ae soushi peiyu hai dzüdu veyu büa veloulai.

ZEKHARIAH 13:7

Khoukhoulai Mapao nou paoe, “Oh khoche, tashulo; Eye donou vah souyu zhaokho maitao ye sü daothawo. Zhaokhoyu maitao ye southawua panou zhaotu khesü porarou talai. Enou amaitao ye sü dulai.

MATHIU 20:28

Mai Nahpoutu koute-a sübüa puh hi panou kuvah soure donou vemoe, ana kuvah soure ea puh hrümai hai mai alaovei phapeimuh peire donou vebaie.”

MATHIU 27:50

Alia Jisu nou pai kushoa raopuloua puh rakohai thoupeire.

MATHIU 3:15

Ana Jisu nou puh hi chila peie, “Chuo louzü sübütheo. Daiolouzü haibüyu zhai hinou Eletao nou Ramai hinou moshilaiyu teitei sü souloulai.” Südonou Johan nou aetou peire.

MARK 15:37

Alia Jisu nou shusou raoloua thaire.

LUK NOU RÜYU KO AVEIBVÜ 22:37

Daiolouzü Enou neletao hi paowe, süolouzü sheeyu larübvü hinou, ‘Alia puhye sü mahsoumai taoye koa chothoure’ tea paoyu sü Ahinou vete vuzülai; daiolouzü Avanou rüthoukhai touyu sünasü chechenou veloure.”

LUK NOU RÜYU KO AVEIBVÜ 23:46

Sükisü Jisu nou pai kusholoua, “Apuo, nebah hi Arakosü thoupeire!” tea paoe. Alia sübüa paowu-a puhsü thaire.

JOHAN 10:11

“E hai zhaokho aveiwo süe. Zhaokho aveiwonou zhaotutao donou puh hrirai peie.

JOHAN 10:18

Maita linoua ahrirai hai Ahinou pota moe; ana lah Amadonou sünasü Enou pei-a baie. Süna peiwure sü Akhouko bue, alia süna podakhai loure Akhouko bue. Souloure zü hainasü Enou Apuo hinou ngaoloue.”

JOHAN 17:4

Nenou soukhaio tea Ahi peikhai touyu vah nasü souchewu-a Enou neye deiphao hinou soudusho peire.

JOHAN 19:28

Jisu nou chuo soure vahtao teitei sü souchewure tea sülouyu thaisü, sheeyu larübvü chipao nasü panou vetere donou puhnou paoe “E reiwe.”

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

ROMMAI 10:4

Daiolouzü lülouyu maitaliye Ramaiye koa souzü peiloure donou Khrista nou razhai vei akhai nasüe.

ROMMAI 3:25

Puhvei athai vanou puhye panou maikhe mainou puhye lüyu vanou puletao mah khailu peire bo nasü souloure donou Ramai nou puhye sü thoupeire. Ramai nou puh hai chechebaie touyu ngaopeire donou haisü soubaie. Raikiwo puh hai shamea-a ea maikhemai mahsü ngaomo kheikheisoua bubaie;

1 KORINTHMAI 5:7

Nelenou sheetoua buloure donou mah vei kheih kunasü phalaiwuwo. Süthaisü Enou neletaoye sütoua buyu sübüa neletao sü kheih lia hayu sheetouyu souke süna bübailai. Daiolouzü Eletao vei Tachonüh nasü soudare, alia chuo Khrista, Eletao vei Tachonüh vei zhaotuye sü posheelare.

PHILIPPIMAI 2:8

Alia emai zhai hinou ve ngaoloua puhsü natai-a hrüe ea thaiyu koute paoyu chi züe, kros vanou thaiyu koute.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.

EBRIAMAI 9:22

Achechenou, razhai thaifüa ha teiteisü zhenou sousheeloue; ea zhe kükou peimoa sühisü mah khaipeiyu ali-a hae.