JOHAN 19:29 - SHEEYU BAIBEL (BSI)

²⁹ Sühisü khairouyu darkha dzünou phoupeiyu khouh ali bue; südonou puletao nou phako ali poloua sünasü pothou darkha dzü hinou süchaloure ea sünasü hyssop be ali pei hi phupaloua panou küre donou puh mü hi pokhe süpeie.

JOHAN 19:29 Iomraidhean Croise

1 VEMAITO 4:33

Puhnou süübe, proube, Lebanon hi buyu sedar süübe hinou kivo hinou paopayu proube vanou paopeie; puhnou hrikhaona, raohou, nghou ae kha donou paopeie.

LOUTAO 51:7

Avei mahmo khesü polai peio, sükulouzü E hai sheesha tea bailai; Eye dzü khü peio, ae Esü vüra jünou kaapua bailai.

TAPALOUYU 12:22

Loube (hyssop) bahzü ali khailo, alia sünasü poloua raikhao hi zhe thoukhai touyu hinou pokou naloua neletao vei kikhu pei hi ae kikhu deka ahai hisü zhe nalo. Neletao mai li-a dosho teithemo koute kijü tapalai moe.

MAIPEI PHOUYU 19:18

Rairailai soua sheeyu mai ali nou loube ali poloua dzü hisü thoupfü loulai, ae sahpao veishi hi kavu peilai, sühi buyu na teitei ae sühinou buyu maitaoye kavu peilai. Ahai chena soua sheeyu mai ali nou dzü sü poloua thaiphao deiyu moa mairao moa khüh deiyu mai neye kavu peilai.

MATHIU 27:34

puletao nou southaidzü nou chokhai touyu darkha dzünou puh hi popeie; ana puhnou sünasü chiloua kükhai bare.

MATHIU 27:48

Alia puletao hrohinou mai alinou sübü hinou tutaloua phako ali poloua sünasü khairouyu darkha dzü hinou sücha loure, alia sünahai süpo ali pei hi phu muloua panou küre donou puh hi peie.

MATHIU 27:50

Alia Jisu nou pai kushoa raopuloua puh rakohai thoupeire.

MARK 15:36

Alia puletao hronou mai linou tuho phako li poloua khairouyu darkha zhaoh hinou pothou süchaloua süsü khu süpo ali pei hi khailoure. Süthaisü puhnou süsü Jisu mühi pola khepeia paoe, “Chalaio! Elijah nou taveloua puhye kros peinou pokoupei laimosa Eletao zhulaikhe!”

LUK NOU RÜYU KO AVEIBVÜ 23:36

Alia reihmai taonou-a puh ngheikihi takouloua puh hi khairouyu darkha zhaohnou popeia puhye konüa paoe,