JOHAN 19:28 - SHEEYU BAIBEL (BSI)

²⁸ Jisu nou chuo soure vahtao teitei sü souchewure tea sülouyu thaisü, sheeyu larübvü chipao nasü panou vetere donou puhnou paoe “E reiwe.”

JOHAN 19:28 Iomraidhean Croise

LOUTAO 22:15

Avei raoqulu hai naihü büa thetare, ae avei mali hai akhou hinou taotei touloure. Nenou Eye panou thaire donou naiphao hi khaipeiwure.

LOUTAO 69:21

E houzüa laiyu phaki, puletao nou Eye sü maiye shuthayu pou nou thouloua nou peie; E rei-a nou laiyu phaki, puletao nou Eye sü khashoyu dzü nou peie.

LUK NOU RÜYU KO AVEIBVÜ 12:50

E dzükhao daloure ali bue; alia süna cheloumo sasü Enou daizhozhou le choroa busa!

LUK NOU RÜYU KO AVEIBVÜ 18:31

Alia Jisu nou rozümai kiahai taoye sakupaloua puletao hi paoe, “Zhukhaio, Eletao Jerusalem hi tapa-a bue, alia rachi paolamai taonou Mai Nahpoutu vanou rüthoukhai touyu teiteisü vete khoulai.

LUK NOU RÜYU KO AVEIBVÜ 22:37

Daiolouzü Enou neletao hi paowe, süolouzü sheeyu larübvü hinou, ‘Alia puhye sü mahsoumai taoye koa chothoure’ tea paoyu sü Ahinou vete vuzülai; daiolouzü Avanou rüthoukhai touyu sünasü chechenou veloure.”

LUK NOU RÜYU KO AVEIBVÜ 9:31

Puhainou khouko ava hinou taveloua Jisu ye koa puhnou Jerusalem hinou tave thailoua Ramai vei li-choyu sü souvete laiyu vanou chipha-a bue.

JOHAN 13:1

Chuo haihai Tachonüh vemo jübühi teithe nasüe. Jisu nou puhye donou deiphao haina thaowu-a puh Puohi tare phasü veloure touyu sü süloure. Puhnou deiphao hi puhmaitaoye teisanou leshi peia, akhai koute puletaoye puhnou leshipeie.

JOHAN 17:4

Nenou soukhaio tea Ahi peikhai touyu vah nasü souchewu-a Enou neye deiphao hinou soudusho peire.

JOHAN 18:4

Sükisü Jisu nou puh pei hi vere pfüphou süloua, nghojülo takou loua puletao hi paoe, “Neletao thaohye phouwe?”

JOHAN 19:24

Südonou puletao hrohinou alinou lihi paoe, “Haina louzü Eletao nou raphalai mokhe anou haina hai thaohveilaisa touyu rako zhulaikhe.” Sükua puletao nou souyusü sheeyu larübvü hinou paoyu nasü vetere donoubaie: “Asahnü taosü puletao lah zhiloure alia Avei duzaona donou puletao nou rako zhuloure.” Südonou haisü reihmai taonou souyu nasüe.

JOHAN 19:30

Jisu nou khairouyu darkhadzü süna külouyu thaisü, “Chuo Chere!” tea paoe. Süthaisü puhpei sü pfüna kouloua puh rako sü thaothou peiwure.

JOHAN 19:36

Daiolouzü sheeyu larübvü hinou, “Puh rao ali koutea soushawu laimoe,” tea paoyu sü vetere donou sütaosü sübüa paloure.

JOHAN 4:34

Jisu nou puletao hi paoe, “Atouso louzü Eye seive peiyu puhvei leli souyu, alia puh vah soucheyu nasüe.

SEI-ATAMAI VAHTAO 13:29

Alia puh vanou rüthou khaitouyu teitei sü puletao nou souve telouyu kisü, puhye sü puletao nou kros vanou pokouloua khüh hi pothou vure.