JOHAN 18:33 - SHEEYU BAIBEL (BSI)

³³ Pilat nou puh fühao hi khailou puloua ea Jisu ye kuloua puh hi paoe, “Ne Jihudimai Veowu?”

JOHAN 18:33 Iomraidhean Croise

JEREMIAH 23:5

Mapao nou paoe, “Checheyu vemai ali Enou David vei tyaosholea hinou dopa peire teile sü velaire. Veo süna nou dokai veisho-a teidei sü kholoulai, ae kaozü nasü teidei veishi hi soupeilai.

ZEPHANIAH 3:15

Neletao hi Mapao nou vamoyu nasü polai peiwure, Puhnou neletao ngaoba maiye sü souha peiwure. Mapao, Israel mai Veo sü neletao hinou bue; neletao nou hashi nasü ngaopi pulai moe.

ZEKHARIAH 9:9

Zion hi hrüa buyu maitao, sasho loukhaio! Shusoua asalo! Jerusalem hi hrüyu maitao! Zhukhaio, neletao vei veo sü laire; veilouyu puhsü tavere, Puhwo natai-a rheisüh ali pfüa laibaie, alia rheisüh sünahai tyoutu baie.

MATHIU 27:11

Chuo Jisu nou Teideikhowona nghojühi kou laloure, alia Teideikhowo nou puh hinoue, “Ne Jihudimai Veowu?” Jisu nou chila peie, “Nenou süsü paopare.”

MATHIU 27:27

Süthaisü Pilat reihmai taonou Jisu ye Teideikhowo vei fühao hi saloure alia reihmai me teitei puh nghojühi tavedzüloure.

MARK 15:2

Alia Pilat nou puh hi noue, “Ne Jihudimai Veowu?” Jisu nou chila peie, “Nenou süsü paowure.”

LUK NOU RÜYU KO AVEIBVÜ 23:2

Alia puletao nou puhpei hisü mah paodukhaia paoe, “Mai hainanou Eh tahrüye sümah tayu, Ehye Kaisar hi kikha peire hinou nuyu alia puhlah nou Khrista Veo nasüe tea paoyu sü Ehnou ngaoloure.”

JOHAN 1:49

Nathanel nou puh hi chila peie, “Rabbi, newo Ramai Nahpoutue! Newo Israel mai Veo süe!”

JOHAN 12:13

Südonou puletao nou habo poloua puhye daore donou tapare alia shusoua shaloure, “Hosanna! Mapao zhih hinou tave louyu, Israelmai Veo puhsü rako veie!”

JOHAN 12:15

“Piso, Zion hi nah naotupai; Zhukhaio, nevei Veosü Rheisüh toutu ali phaohinou bua tavewe!”

JOHAN 18:34

Jisu nou chila peie, “Süsü nelah netsünou paobaiho, kukhe mainou nehi Avanou sünasü paowe?”

JOHAN 18:37

Südonou Pilatnou puh hi noue, “Sütoulouzü newo vemai aliwu?” Jisu nou chila peie, “Ehai vemai alie tea nenou paoe. Achechena vanou zhopaoh soure donou Eye nawure ea süna donou Esü deiphao hi veloubaie. Acheche hinou veyu mai talinou Apaisü chouwe.”

JOHAN 18:38

Pilatnou puh hi paoe, “Acheche touyu sü daie?” Puhnou süna paoyu thaisü, vakou Jihudimai taohi tapa puloukhaia puletao hi paoe, “Enou puh hinou soumahyu alia ngaoloumoe.

JOHAN 19:12

Süna choulouyu kisü Pilatnou phapeire bo phoue, ana Jihudimai taonou shusouloua paoe, “Nenou mai hainaye phapeire toulouzü ne sü Kaisar samai moe. Maita linou puh hai vemai alie tea paolouzü puhsü Kaisar pei hi reihzüwe!”

JOHAN 19:3

alia puletao nou puh hi takouloua paoe, “O Jihudimai Veo, maiso theo!” Alia puletao nou puhye kou bahnou phapeie.

JOHAN 19:4

Pilat nou vakouhi tapapuloua puletao hi paoe, “Zhukhaio, Enou puh hinou soumahyu alia ngaoloumoe touyu sü neletaoye panou süloure donou Enou puhye neletao hi sapalai.”

JOHAN 19:9

alia puhnou puh fühao hi talou puloukhaia Jisu hi noue, “Ne daikinou ve-e?” Ana Jisu nou chila peimoe.

1 TIMOTHI 6:13

Na teiteiye ahri peiyu Ramai ea Pontia Pilat nghojünou puhvei lü nasü dukhea-a paopayu Khrista Jisu nghojünou,