JOHAN 18:20 - SHEEYU BAIBEL (BSI)

²⁰ Jisu nou puh hi chila peie, “Enou deiphaomai hi dua paongaore; Enou Jihudimai hrülainou vedzüa buyu rathobuhtao ea Rathoki hinou teisanou doupeie. Enou hatalia kheia paokhai moe.

JOHAN 18:20 Iomraidhean Croise

LOUTAO 22:22

Nenou soupeiyu vah haso khesü Enou avei maitao hi paopeilai; puletao nou vejüa buyu hisü Enou neye paosholai.

LOUTAO 40:9

Oh Mapaowo, nevei maitao nou vejüa buyu hrohinou nenou Etaoye khailupa peiyu ko aveih nasü paongaolai. Enou ko hai khesü thaokhai toumoa pao-a buyu sü nenou süwe.

ISAIAH 45:19

Enou kheikhei soua paomoe, teimai teizhi hinou paomoe; Enou Israel mai hisü bürarou-a buyu hinou Eye phoulo tea paopei moe. Mapao, Enou acheche nasü paopeiwe, Enou kaozü nasü süngao peiwe.”

ISAIAH 48:16

“Ahi takou nghilo ae Enou paoyu sü keilo. Arai railai hinou Enou kheikhei soua paomoe, dukhya-a paopeie, ae Enou paopayu khesü cheche-a vepa-a baie.” (Chuo Khoukhoulai Mapao nou puhvei khouko sü ahi peie ae Eye seita peie.)

MATHIU 24:26

“Südonou, puletao nou neletao hi, ‘Zhukhaio, puh hai rekouhi bue,’ tea paokhaia, tahoso; moa puletao nou, ‘Zhukhaio puh hai kikhahi bue,’ tea paokhaia süsü loucheso.

MATHIU 26:55

Teile süpha hinou Jisu nou maisou taohi paoe, “Maivei saotoumai aliye nilaiyu kua khoche ea süda poa Eye niloure donou neletao tavewu? Teithe tsünou Esü rathoki hinou doupeia bue, alia neletao nou Eye nilou moe.

MATHIU 26:65

Sübü hinou napao peicha nanou puh sah daopha loua paoe, “Puh nou Ramaiye paoshire. Eletao nou haipeinou zhopaoh kukhe phoupuyu daizhiyu bue? Neletao nou chuo puhnou Ramaiye paoshiyu chouloure!

MATHIU 4:23

Jisu nou Galilee teidei teitei tasühao poa rathobuhtao hinou doupeie ea Vedei vei Ko Avei nasü paodoupeie, alia sounou ea sou tyalinou sou-a buyu maikhemai taoye souvei peie.

MATHIU 9:35

Jisu nou nuhdutao ea nuh veishisü tasühao-a zhutae. Puhnou rathobuhtao hinou doupeie, Vedei vei Ko Avei nasü paodoupeie, alia lishia buyu ea sounou tyalinou soua buyu maikhe maiye souvei peie.

MARK 8:32

Puhnou chipao haisü sheetoua puletao hi paopeie. Südonou Pitar nou puhye sakupaloua züshu tare.

LUK NOU RÜYU KO AVEIBVÜ 21:37

Alia teithe tsüsü puhnou Rathoki hinou doupei-a bue, ana kheipha hisü puhnou vakouhi taloua Oliv tea kuyu deichi hinou ve chao-a bue.

LUK NOU RÜYU KO AVEIBVÜ 4:15

Alia puhnou puletao vei rathobuhtao hinou doupeia maikhemai hrülainou puhye sü paosho loure.

JOHAN 18:21

Südonou ne daidonou Ahinou nouwe? Achipao chouyu maitao hi Enou puletao hi dai paopeisa touyu sü noukhaio; Enou dai paosa touyu puletao nou süwe.”

JOHAN 6:59

Chipao haisü Jisu nou Kapernahum hi rathobuh hinou doupeia bubuki paoe.

JOHAN 7:14

Nüh süna tsüle kouyu phakisü Jisu nou Rathoki hi talouloua doushu tare.

JOHAN 7:26

Ana zhukhaio! puhnou dua chi pao-a bu-a puletao nou puh hi ha chilia paomoe. Haisü tsümai taonou chekhaoa puh hai Khrista nasüe tea sülouyu vanou moma?

JOHAN 7:28

Südonou Jisu nou Rathoki hinou doupeia buyu hinou paikua paoe, “Neletao nou Eye süwe, alia E hai daikinou vesa touyu hai neletao nou süwe. Sütoukhaia, Ehai lah Amado hinou vemoe, Eye seiveyu puh hai chekhaoe, alia puhye neletao nou sümoe.

JOHAN 7:4

Daiolouzü maita linoua puh hai zhih talai toulouzü khei-a vah souwumoe. Nenou vah haitao soua bulouzü, nelah neye deiphao mai hi po ngaokhaio.”

JOHAN 8:2

Thainaisho shohna sü puh hai Rathoki hi tavepu khaire; sükisü maikhemai veishinou puh hi tave loure, alia puhnou kou buloua puletaoye doushu tare.

JOHAN 8:26

Enou neletao vanou paore ea chikure alaosou bue; ana Eye seive peiyu puhsü chekhaoe, alia Enou puh hinou choulouyu nasü deiphao mai hi Enou paongao peiwe.”

SEI-ATAMAI VAHTAO 26:26

Daiolouzü veonou chi haitao teitei sü sükhaiwe, alia Enou nehi sü khuveishoa paowe; süolouzü chi haitao teitei sü nenou choumoyu hae touyu sü Enou sütoua bue, daiolouzü vah haisü dei kainghou ali hinou kukhaitoua pabaimoe.