JOHAN 18:11 - SHEEYU BAIBEL (BSI)

¹¹ Sükisü Jisu nou Pitar hi paoe, “Ne khoche nahai khokhahi pokhailou thouwu-o! Apuonou Ahi peikhai touyu pai nasü Enou külai mowu?”

JOHAN 18:11 Iomraidhean Croise

2 SAMUEL 16:10

“Hai nasü nevei vah moe, hakianou ne ‘David ye chaa peio,’ tea Ramai nou puh hi paoyu vanou chaa-a bailouzü, ‘Ne daisounou haikua veoye chawe,’ tea thaonou paolou süe?” tea veo nou Zeruiah nahpoutu hi paoe.

LOUTAO 75:8

Mapao nou puhvei lekha rarou nou phoupoa buyu darkha zhaoh pai ali hai puh bah hinou poa bue. Puhnou sünasü lakou peie, ae mai ashi mai hrülai nou ke loure; puletao nou paitei akhai hi koute hai ke khailoure.

EZEKIEL 23:31

Ne jüraipai nou tayu ludu nasü nenou thaifüa tare, südonou Enou honapaiye panou tudee peiyu chapai hinou ne-a panou kelai”

MATHIU 20:22

Ana Jisu nou nahpoutu haihi chila peie, “Nelenou dai khosa touyu nelenou sümoe, Enou külaiyu paina hinou nele-a pokülou süwu?” Puhainou chila peie, “Ovai Ehnou pokü lousüe.”

MATHIU 26:39

Alia tadouphou kouloua puhnou deiphinou kou khüa kaoloua veachi paoe, “Apuo, soulou veilouzü veayu pai haina hai Ahinou potapeio; sütou khaia, Enou liyu bümoa nenou liyu büa soupeio.”

MATHIU 26:42

Süthaia puhnou tapulou khaia veachi paoe, “Apuo, veare pai haina hai Eye panou kümoa nou po talalou hoe toulouzü, nedo soulouwo.”

LUK NOU RÜYU KO AVEIBVÜ 12:30

Daiolouzü deiphao hi tahrüh khemai hrülainou na sütaohai phouwe; neletao Puonou sütaohai neletaoye donou matsüwe touyu sü süa bue.

LUK NOU RÜYU KO AVEIBVÜ 22:42

“Apuo, nenou züpae toulouzü, pai hainasü Ahinou potapeio; ana Enou li-choyu moa nenou li-choyu sü souloukhaio.”

JOHAN 15:10

Enou Apuo chikhatao züloua puh leshi hinou tobai soumoa buyu kua, neletao-a Achikhatao zülouzü neletao nou Aleshi hinou tobai soumoa buloulai.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 18:36

Jisu nou chila peie, “Avei vedei louzü deiphao haina hinou moe; Avedei hai deiphao haina hinoue toulouzü, Akilaimai taonou Eye Jihudimaitao bah hi thoupeiwu more donou reihzü vuzülai. Ana Avedei louzü deiphao hinou vemoe!”

JOHAN 20:17

Jisu nou puh hi paoe, “Eye deiso, daiolouzü E Apuohi khelou mohie; ana Athaihou jürai taohi taho puletao hi haikua paokhaio, ‘Esü Apuo ea neletao Puo, A Ramai ea neletao Ramai hi kheta-e.’ ”

2 KORINTHMAI 10:4

Ehnou reih züyuki seiyu baseitao sü deiphao vei basei moe, ana chihyu reihmaibuh taoye souhare donou Ehnou seiyu süolouzü khouko buyu Ramai vei baseitaoe.

2 KORINTHMAI 6:7

chechevei chipao hinou, alia Ramai vei khouko hinou lah Ehhai Ramai vei kilaitaoe touyu zhopaoh soue. Duloure ea khuloure donou lah Ehvei acheche vei basei bue.

EBRIAMAI 12:2

Eletao nou Eletao lü soushupei raikaiyu ea sünaye sou liche peiyu Jisu hisü Eletao nou zhutei lou laikhe. Puhnou puh nghojünou khoa buyu asah süna donou kros vanou thaiyu süna donou ahrao loure ali-a hae tea choloua kros nasü shamealoue, alia chuwo puhsü Ramai Vebuh bahkha zhoulo vanou kou buloure.