JOHAN 18:1 - SHEEYU BAIBEL (BSI)

¹ Jisu nou sükua veachi paoyu thaisü puhnou puh rozümai taoye koa Kidron reitou tacho pare. Buh süna hisü kipei ali bue, alia Jisu nou puh rozümai taoye koa sühi talou loure.

JOHAN 18:1 Iomraidhean Croise

SHURAI 2:15

Ramai Mapao nou mai naye sü Eden kipei hi panou tah tahtoua ae khopeire donou sühi poa khai peie.

SHURAI 3:23

Südonou Ramai Mapao nou puhsü lah puhye souyu deinai nasü panou tahtoure donou Eden kipei hinou hutare.

2 SAMUEL 15:23

Veo alia puhvei maitao nou nuhdu thaowu-a tapayu phaki, nuhmai hrülai nou rasou krare. David Veoye thaifüpoa puhvei maitao hai Kidron rei tachopoa rekou talou tare.

1 VEMAITO 15:13

Puhnou puh pai Maakah ye vepfüpai vahbu hinou popa peie, daiolouzü honapai nou ngaorayu Asherah rahpfü vei bashara hai soukhai toue; ae Asa nou bashara khesü soushi peie ae Kidron deikho hinou poho mei deipeie.

1 VEMAITO 2:37

Nenou Kidron reitou jünou tala palouzü, süzhou teithe hinou ne sü thaivuzüa bailai, ae hai nasü ne lah nou baie tea poa bailai.”

2 VEMAITO 23:12

Judah hi vemaitao nou veo Ahaz vei ki pei hinou posheelabu soukhai touyu nasü pokouloure, ae veo Manasseh nou rathoki hi maisou nou vejüa buyu hinou posheelabu ahai soukhai touyu nahai koa nou daphesasa khaiwure, ae daphasasa khaitouyu pe sütao hai poloua Kidron Deikho hi shilai khaiwure.

2 VEMAITO 23:4

Süthaisü Josiah nou Napao Peicha Hilkiah, puhye koa napao souyu maitao, ae rathoki kho-a buyu maitao hisü rathoki hinou buyu Baal rahye thoyu natao, Asherah rapfüpaiye thoyu natao, ae teivutao thoyu na veishi hai vakou popa laiwo tea kharochi peie. Veo nou na sütao teitei nou nuhdu vei vakou popa loua Kidron Deikho hinou meidei laiwure, ae vounai khesü panou Bethel hi poho laiwure.

2 VEMAITO 23:6

Rathoki hi khaitouyu Asherah rapfüpai vei zhurai hai puhnou nuhdu vei vakou popaloua Kidron Deikho hinou meideiwure, ae vounai sü taisasa loua maisou vei khüh pei hi pove raokhai peie.

2 PUOPAOKO 15:16

Veo Asa nou puh paih Maakah koute-a veo pfüpai soua buyu buh hinou pophawure, daiolouzü honapai nou ngaorayu Asherah rapfüpai zhurai souloua tho-e. Asa nou honapai vei bashara sü daodere ae souphe soupho sasaloua Kidron deikho hinou meidei laiwure.

2 PUOPAOKO 29:16

Napao maitao nou Rathoki kikha hisü talou soushee tare, ae sheemoyu na teitei sü Rathoki kijü hi popa khaipeie. Sühinou Levi maitao nou poloua nuhdu poa lapa Kidron deikho hi laiwure.

2 PUOPAOKO 30:14

Puletao nou Jerusalem hi rah kukheye posheelabu ae pou kainüvei meidei-a thoyu buh veishi soushi-a nou poho Kidron deikho hisü shilaiwure.

NEHEMIAH 2:15

Sübüa Enou rheisüh sü pfüpoa kivo khesü Kidron Deikho hi koute hai zhupoa nou kou-e. Süthaisü Enou tayu ludu hinou dakhai poa nuhdu hisü Deikho vei Rokhubomü hi veloue.

JEREMIAH 31:40

Thaiphao laikhai ba-a daovuyu deikho veishi, ae süpei hi buyu doutao hinou Kidron reitou hi koute, teinghi palova buyu Rhei Robomü koute hai Eye donou shee-a bailai. Nuhdu hai nasü soushi souhapu khaitoulai more.”

LEVIMAI LARÜBVÜ 2:6

Süna hai soudesasa loua theadzü lathoulo, sübüa posheela peio.

MATHIU 26:30

Alia puletao nou lou ali soulouyu thaisü Oliv deichi hi tapare.

MATHIU 26:36

Süthaisü Jisu nou puletaoye koa Gethsemane tea kuyu buh hi tare, alia puhnou puh rozümai taohi paoe, “Holo vanou taho Enou veachi paobuki haihinou buwo.”

MARK 14:26

Süthaisü puletao nou lou ali souloua Oliv deichi vahi tapare.

MARK 14:32

Puletao nou Gethsemane tea kuyu buh alihi taveloure, alia Jisu nou puh rozümaitao hi paoe, “Enou veachi paobuki haihinou kou buwo.”

MARK 14:42

Shulouwo, Eletao talairekhe. Zhukhaio, Eye shoh soupeiyu nasü haihi bure!”

JOHAN 14:31

Ana Enou Apuoye leshie touyu hai deiphaomainou süloure donou Apuonou Ahi chikha peikhai touyu thaifüa Enou soubaie. “Shulouwo, buh haihinou Eletao talairekhe.”

JOHAN 18:26

Napao peichana kilaitao hrohinou ali, süolouzü Pitar nou nou daodeyu süna thaihou jüraimai alinou noue, “Enou neye kipei hinou puhye koa buyu ngaomokhaiwu?”

SEI-ATAMAI VAHTAO 21:11

Alia puhnou Eletao hi tave louloua Paul khyakhosü poloua lah phi-bah sü phuloua paoe, “Rako Mashinou haikua paoe: südonou Jerusalem hi buyu Jihudimai taonou khyakho haina vei paopuye haibüa phuloua puhye sü tahrüh kukhe maitao bah hi thou peilai.”