JOHAN 17:8 - SHEEYU BAIBEL (BSI)

⁸ daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 17:8 Iomraidhean Croise

TSÜCHITAO 1:23

Enou tudee peiyu chi keitoulo; Enou avei tsütao sü ne hi lapa peilai; Enou avei chipaotao sü neye pa süloulai.

TSÜCHITAO 1:3

Soulou süyu, acheche, zü alia kaoluyu haitao vei paodou peiyu poloure donou;

TSÜCHITAO 2:1

Anahna, Enou neye paodou peiyu avei chipaotao sü polo, alia avei kharochitao sü ne hi pojü khailo.

TSÜCHITAO 4:10

Keilo, anahna. Enou ne hi paopeiyu chipaotao hai soutaosou polo, sükulouzü ne hai hrüh sho-a nou hrüloulai.

TSÜCHITAO 8:10

Shahu jüwo louzü Enou paodou peiyu nou poloua baio; alia sana jüwo louzü tsüdo nanou dolou baio.

MATHIU 13:11

Alia puhnou puletao hi chila peie, “Raki Vedei vei kheitsü hai neletao hiwo peiwure, ana puletao hiwo peimoe.

JOHAN 12:49

Daiolouzü lah Amadonou chi paopamoe; ana Eye seiveyu Apuonou dai paolai ea kabüa paolai touyu chikhasü Ahi peikhaitoue.

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 15:15

Enou neletaoye kilaitao tea kupu more, daiolouzü kilai nanou puhvei paopunou dai sousa touyu sümoe. Ana Enou neletaoye samaitao tea kuloure, daiolouzü Enou Apuo hinou choulouyu teiteisü neletao hi Enou paongao peire.

JOHAN 16:27

daiolouzü Puo lah puhnou neletaoye leshiwe. Puhnou neletaoye leshiwe daiolouzü neletao nou Eye leshiwe ea Esü Apuo hinou ve touyusü neletao nou louche loure.

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 17:14

Enou puletao hi ne chipao nasü peire; alia deiphao mainou puletaoye ngaorae daiolouzü E hai deiphao hinou moyu kua puletao-a deiphao hinou moe.

JOHAN 17:18

Nenou Eye deiphao hi seiveyu kua Enou puletaoye deiphao hi seiwure.

JOHAN 17:21

süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 3:33

Ana puh zhopaoh polouyu puhnou Ramai hai chekhaoe tea le laloure.

JOHAN 6:68

Simon Pitar nou puh hi chila peie, “Mapao, Ehnou thaoh hi talai? Nehisü teisa ahri chipaotao bue.

JOHAN 8:42

Jisu nou puletao hi paoe, “Ramai hai neletao Puo toulouzü, neletao nou Eye leshiwulai, daiolouzü Ehai Ramai hinou ve ea chuo Esü buh haihinou bure. Enou Amadonou velou moe, ana puhnou Eye seivepeie.

1 KORINTHMAI 11:23

Daiolouzü Enou neletao hi pei-a buyu doupeiyu haina hai Enou Mapaowo hinou ngaoloue; süolouzü Mapao Jisu nou puhye thoupeiyu khei sühinou raokhao pho ali poloue,

1 KORINTHMAI 15:1

Athaihou jürai maitao, Enou neletao hi paodou peikhaitoua neletao nou polouyu ea süvanou neletao vei lü soushu palouyu Ko Avei sünasü chuo Enou neletaoye panou li-cholou nüwe.

PAODAKHAIYU CHIKHA 18:18

Puletaoye donou ne büyu rachi paolayu mai ali Enou puh chinamai hrohinou seive palai; Enou achipao sü puh mü hi thoupeilai, alia Enou paopeiyu achipao veishi puhnou paopeilai.

1 THESSALONIMAI 2:13

Alia Ehnou daidonou teisanou Ramai hi kalo pao-a busa touyuvei qo kukhe ali bue, süolouzü Ehnou nelehi Ramai chipao nasü poveyu kisü nelenou süsü chouloua mai hinou veyu chipao moe ana süsü Ramai hinou vebaie tea poloure ea süsü chekhaoe. Daiolouzü louche-a buyu neletao hisü Ramai nou koa vah soua bue.

1 THESSALONIMAI 4:1

Akhai hinou, thaihou jürai khemai, nelenou kabüa hrüzüe ea kabüa Ramaiye sousalai touyu sü Eh hinou doulouyu büa ea süsü neletao nou soua buyu kua, süjünou koua soupu khaikhai loure donou Ehnou neleye Mapao Jisu zhih hinou khowe ea süpeiwe.

1 JOHAN 4:14

Alia Eletao nou ngaoloua zhopaoh souwe süolouzü Puo nou puhnah Poutuye deiphao vei khailu-apeio soupeire donou seive.

PONGAOPEIYU 1:1

Larübvü haina hai Jisu Khrista nou pongao peiyutao shoshonou rüthouyu larübvü nasüe. Pongao peiyu haina hai Ramai nou Khristahi dai thala-a pavuzü lairesa touyu sü puhvei kilai taohi pongao peire donou peikhaitoue. Khrista nou sütaosü puhvei rakivamaiye puh kilai Johan hi seivepei-a puh hi panou süngaopeie,