JOHAN 17:5 - SHEEYU BAIBEL (BSI)

⁵ Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 17:5 Iomraidhean Croise

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 10:30

E alia Puosü alibaie.”

JOHAN 14:9

Jisu nou puh hi paoe, “Pha haisoso Enou neletaoye koa bukhaia, ne Eye sümo hiwu Philip? Eye ngaolouyu puhnou Puoye ngaoloure; sütou louzü, nenou kakua, ‘Puoye sü Eh hi ngaokhaio’ tea paowe?

JOHAN 17:1

Jisu nou chi haitao hai paoyu thaisü, raki hilo zhuloua paoe, “Apuo, pha nasü veloure; Ne Nahpoutu nou neye soudusho peiloure donou Ne Nahpoutuye soudusho peikhaio.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 3:13

Alia Raki hinou kouyu Mai Nahpoutu puh baimoanou mailia raki hi khekhai mohie.

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

PHILIPPIMAI 2:6

Puhwo teisanou Ramai zhai pfüa bukhaia, nutai nutsü-a Ramaiye dei-a hrülai tea puhnou chomoe.

EBRIAMAI 1:10

Alia puhnou haibüa paokhaie, “Mapao, nenou soushurainou deiphao soupeie, alia lah ne bahnou ratei taosü soupeie.

EBRIAMAI 1:3

Puhnou Ramai vei khouko ava nasü phungaopeie ea puhvei chipao khouko nou teideiphaoye moupeia puhnou Ramai vei zhaihrü acheche nasü pfüa bue. Puhnou emai mah khüshee peiyu vei vah soucheyu thaisü; puhsü Raki hi buyu Aku Kulai Ramai bah zhoulo vahinou kou buloure.

1 PITAR 1:20

Deiphao soumo jühinou Ramai nou puhye sü doloure, alia neletaoye donou akhai teithe haitao hinou pongao peire.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.