JOHAN 17:3 - SHEEYU BAIBEL (BSI)

³ Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 17:3 Iomraidhean Croise

1 PUOPAOKO 28:9

Ae Solomon hisü puhnou haibüa paoe, “Anahpoutu Solomon, nevei puo Ramai ye sü phoulo, ae nevei tsüle teitei nou peia puh vei kuvah sü sounü shoa soulo; daiolouzü Ramai hai Etao vei tsüchoyu ae jüpayu teitei sü süa baiwe. Nenou puhye phou louzü, puhye sü nenou ngaoloulai, ana nenou puhye thaowulouzü puhnou neye teisa nou thaowua bailai.

2 PUOPAOKO 15:3

Teile taoli hai Israel mainou acheche Ramai ye sa-a hrümore, ae puletaoye paodou peire napao mai ha-a chikha khesü sümoa hrüre.

LOUTAO 9:10

Mapao, neye süyu maisü neye louchewe; ne hi veyu mai taliye nenou thaopei moe.

TSÜCHITAO 8:35

Daiolouzü Eye ngaolouyu maina sü ahri ngaoloure, alia Mapao vei jüpa nasü ngaoloude;

ISAIAH 48:16

“Ahi takou nghilo ae Enou paoyu sü keilo. Arai railai hinou Enou kheikhei soua paomoe, dukhya-a paopeie, ae Enou paopayu khesü cheche-a vepa-a baie.” (Chuo Khoukhoulai Mapao nou puhvei khouko sü ahi peie ae Eye seita peie.)

ISAIAH 53:11

Puhnou veayu thainou, savayu ae rukhayu sü ngaolai; puhnou veahoyu sü hamako hinou vea moe touyu sü süloulai. Checheyu avei kilaiwo nou maitaoli vei mah sü pfüa talai, süvanou maitao liye khailu peilai.

ISAIAH 61:1

Khoukhoulai Mapao nou puhvei rako sü ahi thoupeiwure, touhalai mai hi ko aveih paopeire donou; levea-a dopfü laiyu maiye souveih peire donou, vakou nüpoa tayu maitaoye phapeire pao sü peire donou, Mapao nou Eye doloure alia Eye seitawe.

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

HOSEA 6:3

Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

MARK 9:37

“Maitalinou haibüyu nahmai aliye Azhih hinou popei louzü, Eye popeiwe; alia Eye popeiyu maitalinou Eye popeimoe ana Eye seive peiyu puhye popeiwe.”

LUK NOU RÜYU KO AVEIBVÜ 9:48

alia puletao hi paoe, “Maitalinou nahmai hainaye Azhih hinou popei louzü, Eye popeiwe, alia Eye popeiyu maitalinou Eye seive peiyu puhye popeiwe; daiolouzü neletao hrülai hrohinou tai-noukayu puhnou dukayu nasüe.”

JOHAN 10:36

Sütoulouzü Enou, ‘Ewo Ramai Nahpoutue,’ tea paoyu vanou, Puonou soushee pei-a deiphao hi seivekhai touyu puh hi neletao nou, ‘Newo Ramaiye paoshiwe’ tea paowu?

JOHAN 11:42

Nenou teisa Akho hai noupeiwe touyu Enou süe, ana nenou Eye seivepeie touyu hai lasühao-a buyu maikhemai taonou louche loure donou Enou chi hainasü paowe.”

JOHAN 14:26

Ana Apuonou Azhih hinou seive peilaiyu soukha-apeio Rako Mashi sünanou ha teitei neletao hi doupeilai, alia Enou neletao hi paokhai touyu pfüphou neletaoye panou li-chopa loulai.

JOHAN 17:18

Nenou Eye deiphao hi seiveyu kua Enou puletaoye deiphao hi seiwure.

JOHAN 17:21

süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 3:34

Daiolouzü Ramai nou seiveyu puhnou Ramai chipao paoe, daiolouzü Ramai nou Rakohai khadaloua peimoe.

JOHAN 5:44

Alikhei baiyu Ramai Puh hinou veyu paoshoyu nasü phoumoa, alinou ali hinou paoshoyu ngaonüyu neletao nou kabüa Eye louche loulai?

JOHAN 6:57

Hriyu Apuonou Eye seiyu büa ea Enou Apuo vanou hriyu kua, Eye touyu mai talia avanou hrilai.

JOHAN 7:29

Ana Ewo puhye süwe, daiolouzü Esü puh hinou ve, alia puhnou Eye seive-e.”

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

1 KORINTHMAI 8:4

Sübüyu thaisü, bashara hi popeikhai touyu touso touyu vanouwo louzü: Ehnou süwe, süolouzü “bashara hai deiphao hinou cheche-a bumoe,” ana Ramai ali kheithe baimoa kukhe lia hae.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

PHILIPPIMAI 3:10

Enou züpayu teitei sütaowo louzü Khristaye süyu, puh hrishuyuvei khouko sülouyu, puhvei veahoyu koa zha ngaozhoyu ea puhvei athai hinou koa puh büyu süsüe,

PHILIPPIMAI 3:8

Chechenou na sütao likhei baimoe, ana muhtei koushoyu A Mapao Khrista Jisu vei tsü süna donou Enou ha teitei hai halia kokhaimoe tea choloure, puhye donou Enou ha teiteisü polaiwure; Enou Khristaye zhiloure donou sütao teiteisü nghouh büa choloure,

1 THESSALONIMAI 1:9

Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa,

2 THESSALONIMAI 1:8

Sükisü Ramaiye bayu ea Eletao Mapao Jisu vei Ko Aveina zübayu puletao pei hisü tudee peilai.

EBRIAMAI 3:1

Südonou raki hilonou kulouyu hi koa louzha ngaozho louyu, sheeyu thaihou jürai khemai, Eletao nou füa laiyu lü haina vei sei-atana ea Napao Peichana Jisu ye lichokhaio.

2 PITAR 1:2

Neletao nou Ramaiye ea Eletao Mapao Jisu ye süyu süna vanou neletao pei hi zhuvea ea kaonayu alaosou buyu sü souloukhaio.

2 PITAR 1:3

Eletao nou lah puhvei khouko ava ea avei veilai nasü koa zha ngaozhore donou Eletaoye kulouyu puhye sülouyu Eletao vei tsü süna vanou Eletao nou acheche hrü hrüloure moshilaiyu teiteisü Ramai nou Eletao hi puhvei ramai hilo vei khouko nou süsü Eletao hi peiwure.

2 PITAR 1:8

Daiolouzü, tsüdo haitao hai neletao veie toulouzü ea neletao hi alaosoua bulouzü, sütaonou Eletao Mapao Jisu Khristaye neletao nou sü-a buyu hisü panou chih-a ea veipua vah souloulai.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 1:3

Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe.

1 JOHAN 2:23

Daiolouzü Nah Poutuye bayu maitalinou Puoye-a babaiwe; Nahpoutuye popeiyu puhnou Puoye-a popeiwe.

1 JOHAN 4:6

Ana Eletaowo Ramai hinou ve. Ramaiye süyu maitalinou Eh chi keipeiwe, alia Ramai hinou vemoyu maitalinou Eh chi keipei moe. Südonou hai vanou Eletao nou acheche vei Rako ea kao-zümoyu vei rakoye sü sükulouwe.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.