JOHAN 17:26 - SHEEYU BAIBEL (BSI)

²⁶ Nenou Eye leshi peiyu lesha nasü puletao hi bure donou, alia E-a puletao hi bure donou, Enou ne zhihsü puletao hi süngao peire, alia sünasü Enou süngaopu peikhailai.”

JOHAN 17:26 Iomraidhean Croise

LOUTAO 22:22

Nenou soupeiyu vah haso khesü Enou avei maitao hi paopeilai; puletao nou vejüa buyu hisü Enou neye paosholai.

JOHAN 14:20

Teithe sükisü, Esü Apuohi bue, neletaosü Ahi bue ea Esü neletao hi bue touyusü neletao nou sülai.

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 15:15

Enou neletaoye kilaitao tea kupu more, daiolouzü kilai nanou puhvei paopunou dai sousa touyu sümoe. Ana Enou neletaoye samaitao tea kuloure, daiolouzü Enou Apuo hinou choulouyu teiteisü neletao hi Enou paongao peire.

JOHAN 15:4

Ahinou tobai soumoa bulo, alia Enou neletao hi tobai soumoa bulai. Bo talinou bejü hi tobaisoumoa taomo louzü rashi shilou hoyu kua, neletao-a Ahinou tobai soumoa bumo louzü rashi shilou hoe.

JOHAN 15:9

Apuonou Eye leshi peiyu kua, Enou neletaoye leshi peire; Avei leshi hinou tobai soumoa bulo.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 17:6

“Deiphao hinou nenou Ahi peikhai touyu puletao hi Enou nezhihsü süngao peire. Puletao sü neveie, alia nenou puletaoye Ahi peire, alia puletao nou ne chipaosü züloure.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 6:56

Avasou touyu ea Azhe keyu puhsü Ahinou tobai soumoa bue, alia E-a puh hi tobai soumoa bue.

JOHAN 8:50

Enou Akathe phoumoe; ana süna phouyu ea chiku peiyu maili bue.

ROMMAI 8:10

Ana Khrista hai neletao hi bue toulouzü, neletao pfüphao hai mah vanou thaikhaia neletao rako hai achechena vanou hriwe.

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

1 KORINTHMAI 12:12

Daiolouzü pfüphao hai ali baikhaia zha alao buyu büa, alia pfüphao zha teitei hai alaokhaia pfüphao ali baiyu kua, Khrista-a sübübaie.

GALATIAMAI 2:20

Khristaye koa Eye sü Kros vanou veatheare; chu hria buyu nasü Emoe, ana Alekhe hinou hria buyu puhsü Khristae. Chu Enou vasou hinou hria buyu hrü haina hai Enou Eye leshi peiyu ea Adonou lah puhye thoupeiyu Ramai Nahpoutuye lüyu vanou hria bue.

EPHESAMAI 1:6

Ramai puhnou puhvei leshi Nahpoutu vanou Eletao hi sa-a peikhai touyu puhvei khupa zhuvea donou Eletao nou puhye paosho laikhe!

EPHESAMAI 3:17

alia lü vanou Khrista nou puhvei kihai neletao lekhe hinou souloure donou Enou veachi paowe. Alia leshi hinou neletaosü maa tsülou loure ea kifü soushu paloure donou Enou veachi paowe,

EPHESAMAI 5:30

daiolouzü Eletaowo puhvei pfüphao zhataobaie.

EPHESAMAI 5:32

Haisü dushoyu kheitsü alie, ana Enou Khrista ea lüloumaime vanou paowe.

KOLOSSEMAI 1:27

Ramai nou soudawuyu süwo louzü puhnou maikhemai hrülai donou khaikhai touyu toure nishoyu ea vashoyu puhvei kheitsü hainasü puhmaitaohi süngao peiyu süsüe. Alia kheitsü sünawo louzü neletao hi buyu Khrista süsüe, süvei kowo louzü neletao-a Ramai khouko ava hisü koa zha ngaozholai.

KOLOSSEMAI 2:10

alia puhye koa ali soulouyu hinou neletao hisü phoutaopfüa buyu ahri nasü peiwure. Puhnou rako hilo paopumai ea peichamai hrülai vei peichawo nasüe.

KOLOSSEMAI 3:11

Zhai ashu haina hisü, tahrüh kukhemai ea Jihudimai touyu, hee rodeyumai ea rodemoyu mai touyu, hasü moyu-dupamoyu tahrümai touyu, qila, do soumai touyu ali-a hae, ana Khrista nou ha teitei baie ea puhwo ha teiteihi bubaie.

2 THESSALONIMAI 2:16

Alia Eletao Mapao Jisu Khrista puhnou ea Eletaoye leshia puhvei zhuvea hinou Eletao hi kaolou hoyu khu-avei ea khoushoyu areih peikhai touyu Ramai Eletao Puo puhnou

EBRIAMAI 2:12

Puhnou Ramai hi paoe, “Enou ne zhih sü Athaihou jürai maitao hi paongao peilai, Puletao nou vedzüa buyu hrohinou Enou neye paosholai.”

1 JOHAN 3:24

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.