JOHAN 17:25 - SHEEYU BAIBEL (BSI)

²⁵ O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:25 Iomraidhean Croise

ISAIAH 45:21

Neletao vei chi sü popa kukhaio, ae puletaoye sü panou koa kabülai touyu sü phaku zholou khaio! Thaonou vepare khesü rai-a paosü peie? Haisü Mapao Enou movu? E likhei baimoa nou checheyu Ramai ae khailupa peiyu Mapao kukhe alia-a ha-e.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

LUK NOU RÜYU KO AVEIBVÜ 10:22

“Apuonou Ahi na teitei thoupeiwure; alia Apuo baideinou maita mailinoua Nahpoutu hai thaohsa touyu sümoe, moa Nahpoutu ea Nahpoutu nou Puoye pongao nüa dolouyu mai sütao baimoa maitalinoua Puohai thaohsa touyu sümoe.”

JOHAN 1:18

Maitalia Ramaiye ngaokhai mohie; Puo ngheikinou buyu likhuyu Nahpoutu puhnou Ramaiye süngao peire.

JOHAN 15:21

Ana Azhih donou sütao veishi hai puletao nou neletao pei hi soulai, daiolouzü puletao nou Eye seive peiyu puhye sümoe.

JOHAN 16:27

daiolouzü Puo lah puhnou neletaoye leshiwe. Puhnou neletaoye leshiwe daiolouzü neletao nou Eye leshiwe ea Esü Apuo hinou ve touyusü neletao nou louche loure.

JOHAN 16:3

Alia puletao nou Puo moa Eye sümoyu donou vah haitaosü neletao hi soulai.

JOHAN 16:30

Nehai ha teitei süwe, alia maitaliye panou nehinou chi nouyu komoe touyu hai chuo Ehnou süre; süna vanou nehai Ramai hinou ve touyu Ehnou louche.”

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:18

Nenou Eye deiphao hi seiveyu kua Enou puletaoye deiphao hi seiwure.

JOHAN 17:21

süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

JOHAN 17:23

Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 6:19

Puletao nou kaacho asü adai pha sakhao saopoa takouyu kisü, Jisu nou zai peinou sakhao nahi takou ngheiyu sü puletao nou ngaoloure, alia puletaosü ngaopisho loure.

JOHAN 7:29

Ana Ewo puhye süwe, daiolouzü Esü puh hinou ve, alia puhnou Eye seive-e.”

JOHAN 8:19

Südonou puletao nou puh hi paoe, “Nepuo daiki bue?” Jisu nou chila peie, “Neletao nou Eye-a Apuoye-a sümoe; neletao nou Eye sülouzü Apuoye-a süvuzülai.”

JOHAN 8:55

Neletao nou puhye sükhaimoe; ana Ewo puhye süwe. Enou puhye sümoe tea paolouzü, E-a neletao büa amadamai souwulai. Ana Enou puhye süwe ea Enou puh chi züwe.

SEI-ATAMAI VAHTAO 17:23

Daiolouzü Enou taveloua neletao nou thoyu na taosü zhuyu kisü Enou sheelabuh ali hinou, ‘Sümoyu ra alihi’ tea rüthoukhai touyu sü ngaoe. Südonou neletao nou sümoa thoyu nasü Enou neletao hi paongaowe.

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

ROMMAI 1:28

Alia puletao nou Ramai vanou chekhaoyu tsü nasü puletao vei tsü hi khaibayu donou, puhnou puletaoye sü ashi tsü hi ea kao-zümoyu zhaido hi thoupeire.

ROMMAI 3:11

tsü veiyu mailia hae, moa Ramaiye phouyu mailia hae.

ROMMAI 3:26

ana chu teile hiwo puhvei acheche nasü pongaore donou puhnou maikhemai mah vanou chi kuwe. Haibüyu zhai hinou Ramai nou puh hai chechewe ea Jisu ye lüloumai taliye hai puhnou souzü peiwe touyu sü ngaopeiwe.

1 KORINTHMAI 1:21

Daiolouzü Ramai nou puhvei ratsü hinou emaiye panou lah puletao vei tsüdo avei vanou puhye panou hakia sülou more soudawure. Süjüwo, Ehnou paodouyu, maikhe mainou “voyu chipao” tea sayu süna vanou lülouyu puletaoye khailu peiloure Ramai nou le laloure.

1 KORINTHMAI 15:34

Leikeiyu tsü hi khaivelo ea neletao vei mah ludusü thaowuwo. Haisü Enou neletaoye panou ahrao loure donou paowe, daiolouzü neletao kamaisü Ramaiye sümoe.

2 KORINTHMAI 4:4

Puletao nou louche moe, daiolouzü deiphao haina vei rashi nanou puletao tsüsü teizhi hinou bengi khaire. Puhnou puletaoye sü Ramai zhu raitouyu Khrista vei khouko ava vei Ko Aveina hinou veyu ava sünaye ngaolou more donou pokhaire.

2 THESSALONIMAI 1:8

Sükisü Ramaiye bayu ea Eletao Mapao Jisu vei Ko Aveina zübayu puletao pei hisü tudee peilai.

EBRIAMAI 8:11

Alia puletao maitalinoua lah puh kinapa hi moa puh thaihou jürai mai hi ‘Mapaoye sülo’ tea doupei laimoe. Daiolouzü puletao tainou dukoute Eye sükhailai.

1 JOHAN 1:9

Ana Eletao nou Eletao vei mah hai Ramai hi dua paopa ngaowu louzü, puhwo louche louveie ea chechewe, alia Eletao mahsü khaipeilai ea Eletaoye Eletao vei kao-zümoyu teitei hinou soushee peilai.

PONGAOPEIYU 13:8

Alia southeawuyu Zhaotu sünavei ahri larübvü hi deiphao soushomo jühinou puletao zhih rüthou moyu deiphao hinou hrüa buyu maikhemai hrülai nou khaosou sünaye tholai.

PONGAOPEIYU 16:5

Sühinou dzütao pei hi khoyu rakivamai sünanou haibüa paoyu sü Enou choue, Oh Chuchu buyu ea raikinou buyu masheeo, nenou chiku kouyu haitao sü kaozüe!