JOHAN 17:24 - SHEEYU BAIBEL (BSI)

²⁴ “Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 17:24 Iomraidhean Croise

SHURAI 45:13

Ejipt hi Enou khouko kazhou pfüa bue touyu ko ae neletao nou ngaoyu teitei sü apuo hi taho paopeio. Sübüa puhye sü haihi tha-a saveo.”

MATHIU 25:21

Puhvei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, Enou neye ha taoli pei hi panou chalai. Ne paopu vei va-sayu buh hi talou louwo.’

MATHIU 25:23

Puh vei paopunou puh hi paoe, ‘Veishore, avei ea checheyu kilai; nenou ha taili pei hi cheche louyu donou, neye ha taoli pei hi panou chalai. Ne paopu vei va-sayu buh hi talou louwo.’

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

MATHIU 26:29

Enou neletao hi paoe, Apuo Vedei hinou Enou neletaoye koa darkha zhaoh ashu küzho laiyu teithe süna vemo koutesü Enou chuthainou darkha zhaoh haina hai küpukhai khailaimoe.”

LUK NOU RÜYU KO AVEIBVÜ 12:37

Paopunou veyuki zhaihe-a tave ngaolouyu kilai sütaosü rakoveie; chekhaoa Enou neletao hi paowe, puhnou puhlah sakhya phuloua kukhemai taoye panou toure donou kou bulai ea puhnou tashuloua puletaoye kuvah soulai.

LUK NOU RÜYU KO AVEIBVÜ 23:43

Jisu nou puh hi paoe, “Chekhaoa, Enou nehi paowe, zhouh teithe hinou nenou Eye koa Paradise hinou ve bulai.”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 14:3

Alia Enou taho neletaoye donou buh ali soudayu thaisü, Enou buyu buh hisü neletao-a bure donou Enou dakhaive neletaoye Ahi savelai.

JOHAN 15:9

Apuonou Eye leshi peiyu kua, Enou neletaoye leshi peire; Avei leshi hinou tobai soumoa bulo.

JOHAN 17:2

Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

JOHAN 17:22

Ne ea Enou ali baiyu kua puletaoye-a panou ali souloure donou nenou Ahi peikhai touyu khouko ava nasü Enou puletao hi peire.

JOHAN 17:5

Alia Apuo, deiphao soumo jühinou Enou neye koa khouko-ava buzhoyu sünanou chuo nenou Eye ne nghojü hinou soudusho peikhaio.

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:39

Alia Eye seive peiyu puh leli nasü hainae, süolouzü puhnou Ahi peikhai touyu teiteisü Enou halia souhawu laimoe, ana akhai teitheki sütaoye panou hrishu loulai.

JOHAN 8:58

Jisu nou puletao hi paoe, “Cheche vuzünou Enou neletao hi paowe, Abraham ye namo jünou Esü bue.”

1 KORINTHMAI 13:12

Chu Eletao nou ngaoa buyu sünawo louzü zhuzhu hinou ngaorarayu khu bübaie; ana sükisü zhu haonou ngaolai. Chu Enou süa buyu sünawo louzü kaitouli hinou baie, sükisü Ramai nou chu Eye sükhaia buyu sübüa E-a sükhailai.

2 KORINTHMAI 3:18

Südonou Eletao hrülaisü pah homoa Mapao vei khouko ava nasü ngao-a bue; alia Rako baiyu Mapaowo hinou veyu khouko ava sünanou Eletaoye sü dukoulailaiyu khouko ava nahi puh zhu kheihao-a soudathou peire.

2 KORINTHMAI 4:6

Khrista vei zhu hinou va-a buyu Ramai vei khouko ava navei tsü nasü Eletao hi pove peire donou, “Teizhi hisü ava nanou valoutheo,” tea paoyu Ramai puhsü Eletao lekhehi puhvei avanou vapeiyu Ramai puh baie.

2 KORINTHMAI 5:8

Eletaowo khu veishoa bue, alia Ehwo pfüphao vei ki haina hai thaowu-a Mapaoye koa puh ki hinou ve hrüre sünanou züpa kouhie.

PHILIPPIMAI 1:23

Südonou Ehai tsü ahai kole hinou ro saova-a buloure. Azüpanawo louzü hrü haina hai thaowu-a Khristaye koa ho buyu sünasüe, daiolouzü sünasü veikou shohie.

1 THESSALONIMAI 4:17

süshonou süphaki hria buyu Eletaoye sü ratei vanou Mapaoye koa teihao vahi paive dzüloulai. Alia sükua Eletao nou Mapaoye koa teisanou hrülai.

1 PITAR 1:21

Puh vanou neletao nou puhye athai hinou souhrishu peiyu ea puhye kathe soupeiyu Ramaiye louchewe; alia südonou neletao vei lü ea areih nasü Ramai hi bue.

1 JOHAN 3:2

Leshiyu Asakhemai, chuwo Eletao sü Ramai nah taore, ana thaikhai hisü Eletao sü daibü laisa touyu sü chuchu sheetou mohie. Ana Eletao nou süwe süolouzü Khrista nou veyu kisü, Eletao sü puh bülai, daiolouzü puh zhuh chekhaoyu süna hinou Eletao nou puhye sü ngaolai.

PONGAOPEIYU 21:22

Alia Enou nuhdu sühisü Rathoki alia ngaomoe, daiolouzü Khoukhou lai Ramai Mapaowo ea Zhaotou sünanou sünavei Rathokie.

PONGAOPEIYU 3:21

Enou reih koloua Apuoye koa puh vebuh hinou buzhoyu büa, reih kolouyu puhtao hisü Eye koa Avebuh hinou buloure zü nasü Enou peilai.