JOHAN 17:23 - SHEEYU BAIBEL (BSI)

²³ Puletaoye panou alikhei souloure donou Enou puletao hi bue ea nenou Ahi bue, sükuyu hinou nenou Eye seivepeie ea nenou Eye leshiyu kua puletaoye-a leshiwe touyu sü deiphao mainou süloulai.

JOHAN 17:23 Iomraidhean Croise

JOHAN 10:38

Ana Enou sütaosü soua bulouzü, neletao nou Eye louche moyuma, Puosü Ahi bue ea Esü Puohi bue touyu süloure ea sheesha-a süa bure donou Avah taosü louche loukhaio.”

JOHAN 13:35

Neletao hi alinou ali donou leshiyu nasü bulouzü, süvanou neletao hai Arozümai-e touyusü mai hrülainou süloulai.”

JOHAN 14:10

Esü Puohi bue touyu sü nenou louche mowu? Enou neletao hi paoyu chipao taosü lah Amadonou paomoe; ana Ahi buyu Apuonou lah puhvah soubaie.

JOHAN 14:23

Jisu nou puh hi chila peie, “Maita linou Eye leshi louzü, puhnou Achipaosü zülai, alia Apuonou puhye leshilai, alia Apuo ea Enou puh hi taveloua puhye koa kilinou hrüzholai.

JOHAN 15:9

Apuonou Eye leshi peiyu kua, Enou neletaoye leshi peire; Avei leshi hinou tobai soumoa bulo.

JOHAN 16:27

daiolouzü Puo lah puhnou neletaoye leshiwe. Puhnou neletaoye leshiwe daiolouzü neletao nou Eye leshiwe ea Esü Apuo hinou ve touyusü neletao nou louche loure.

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:21

süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 17:26

Nenou Eye leshi peiyu lesha nasü puletao hi bure donou, alia E-a puletao hi bure donou, Enou ne zhihsü puletao hi süngao peire, alia sünasü Enou süngaopu peikhailai.”

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 6:56

Avasou touyu ea Azhe keyu puhsü Ahinou tobai soumoa bue, alia E-a puh hi tobai soumoa bue.

1 KORINTHMAI 1:30

Ana Ramai nou neletaoye panou Khrista Jisu ye koa ali souloure, alia Ramai nou Khristaye Eletao vei ratsüna soupeire. Puh vanou Eletaoye sü Ramaiye koa souzü peire; Eletao sü Ramai vei sheeyu maitao souloure ea Eletaoye sü do soupeire.

2 KORINTHMAI 5:21

Khrista hai mah lia hae, ana puhye koa ali soulouyu hinou Eletao nou Ramai vei acheche nahai koa zha ngaozho loure donou Ramai nou puhye sü Eletaoye donou Eletao vei mah nasü koa panou zha ngaozho loure.

GALATIAMAI 3:28

Südonou chuo Jihudimai ea tahrüh kukhemai kolehi, kilaitao ea mado souyu maitao kolehi, naotu-poutu kolehi halia soukuyu hare, daiolouzü neletao hrülaisü Khrista Jisu hinou ali souloure.

PHILIPPIMAI 3:15

Rako hilo vanou licheyu Eletao hrülainou haibüa chokhailai. Ana neletao kamainou takua cholouzü, Ramai nou süna-a neletao hi ngaopeilai.

KOLOSSEMAI 1:28

Südonou Ehnou maikhemai hrülaihi Khristaye paodouwe. Ehnou mai aliliye Khrista hinou licheyu maitao soua Ramai nghojühi save khaipeire donou ratsü teitei noupu puletaoye tukhapei-a doupeiwe.

KOLOSSEMAI 2:2

Haisü Enou puletaoye panou khuveisho loure donou ea leshi hinou alinou liye paimu loure donou soue, alia sübüa sücheche-a sülouyu nanou poveyu latou louyu vei kini teiteisü buloulai. Sübüa puletao nou Khrista puh baiyu Ramai vei kheitsü nasü süloulai.

KOLOSSEMAI 3:14

Alia zhai haitao teitei pei hinou, ha teiteiye liche-a lerozhoyu hinou phumuzho peiyu leshi nasü bahnoulo.

1 PITAR 5:10

Ana neletao nou phajütou veayu thaisü, Khrista hinou neletaoye puhvei teisa khouko ava zha panou ngaozhore donou kulouyu, zhuvea pfüphou vei Ramai puhnou neletaoye southou liche peiwu-a soutsü, soukhou ea soula peilai.

1 JOHAN 1:3

Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe.

1 JOHAN 3:1

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

1 JOHAN 4:19

Eletao nou leshiwe daiolouzü puhnou Eletaoye rai-a leshipeie.

PONGAOPEIYU 3:9

Zhukhaio, Saitan vei me sou-a buyu süolouzü puletao hai Jihudimaie tea paokhai-a chekhao moyu ana dabaiyu puletaoye sü Enou panou ne hi taveloua nephi hinou kou khurülai, alia Enou neye leshiwe touyu sü puletaoye panou süloulai.