JOHAN 17:21 - SHEEYU BAIBEL (BSI)

²¹ süolouzü puletao hrülaiye panou ali souloure donou Enou veachi paowe. Apuo, nenou Ahi buyu ea Enou nehi buyu kua, süolouzü nenou Eye seive peie touyusü deiphao mainou louche loure donou puletaoye-a panou Eh hi buloukhaio.

JOHAN 17:21 Iomraidhean Croise

JEREMIAH 32:39

Enou puletaoye tsüle ali ae ludu alikhei peia bailai, teile veishi hinou lah puletao ae puletao vei tyasholea panou vei-a hrüloure donou Eye tsükhoua bulai.

ZEPHANIAH 3:9

“Süzhou teithe Enou mai khemai paisü sheeyu paila hi souda thouwulai, sükua puletao hrülaiye panou la ali soulai alia le ali sou-a Mapao zhih sü kulai alia Eye tholai.

ZEKHARIAH 14:9

Süthaisü Mapao nou deiphao teitei hi veo soulai; süzhou teithe mai hrülai vei Mapao ali bailai alia Puh zhih hai alikhei soua süa bailai.

MARK 3:24

Vedei alihai meme souloua alinou aliye hrailouzü vedei süsü porarou bailai.

JOHAN 10:16

Alia zhaokhome haihi loumoyu Azhaotu kukhe-a bue. Enou puletaoye-a savelai, alia puletao nou Apaisü keilai, sükua puletao sü zhaokhowo alikhei hinou khome ali soubailai.

JOHAN 10:30

E alia Puosü alibaie.”

JOHAN 10:38

Ana Enou sütaosü soua bulouzü, neletao nou Eye louche moyuma, Puosü Ahi bue ea Esü Puohi bue touyu süloure ea sheesha-a süa bure donou Avah taosü louche loukhaio.”

JOHAN 11:42

Nenou teisa Akho hai noupeiwe touyu Enou süe, ana nenou Eye seivepeie touyu hai lasühao-a buyu maikhemai taonou louche loure donou Enou chi hainasü paowe.”

JOHAN 13:32

Alia puh vanou Ramaiye soudusho peilouzü, Ramai nou-a puh vanou Nahpoutuye soudusho peilai, alia puhye thalasou soudusho peilai.

JOHAN 13:35

Neletao hi alinou ali donou leshiyu nasü bulouzü, süvanou neletao hai Arozümai-e touyusü mai hrülainou süloulai.”

JOHAN 17:11

Alia chuo Esü deiphao hi bupukhai laimoe, ana puletao louzü deiphao buhie, alia Ewo nehi tavewe. Mashi Apuo! Ahainou alikhei baiyu kua, puletaoye-a panou alikhei souloure donou, nenou Ahi peikhai touyu nezhih süna khouko hinou puletaoye khotou peikhaio.

JOHAN 17:18

Nenou Eye deiphao hi seiveyu kua Enou puletaoye deiphao hi seiwure.

JOHAN 17:20

“Enou haitao likhei donou veachi paobai moe, ana puletao chipao vanou Eye louche louyu puletao donoua paowe

JOHAN 17:25

O! Checheyu Apuo! deiphao mainou neye süloumoe, ana Ewo neye süe, alia nenou Eye seivepeie touyu sü mai haitaonou süwe.

JOHAN 17:3

Alia puletao nou alikhei baiyu acheche Ramai neye süyu, alia nenou seiveyu Jisu Khrista puhye süyu sünanou teisa ahri nasüe.

JOHAN 17:8

daiolouzü nenou Ahi peikhai touyu chipao taosü Enou puletao hi peire, alia sütaosü puletao nou poloure ea Esü nehinou ve touyu sü puletao nou chekhaoa süloure; alia nenou Eye seive peie touyu sü puletao nou louche loure.

JOHAN 3:17

Daiolouzü Ramai nou puh Nahpoutuye panou deiphao maiye mah dukhaire donou deiphao hi seivepei moe, ana puh vanou deiphao maiye khaipei loure donou seive-e.

JOHAN 5:23

sükua puletao nou Puoye tsükhouyu kua Nahpoutuye-a mai hrülainou tsükhoulai. Nahpoutuye tsükhou moyu mai talinou puhye seiveyu Puo sünaye tsükhoumoe.

SEI-ATAMAI VAHTAO 2:46

Alia teithe tsünou puletao sü tsü-le alisoua Rathoki hinou tave dzüa bue, alia ki, ki hinou tave raokhao soukhoa puletao vei tovai sü koa sasa-a ea le alikhei soua tousho loure.

SEI-ATAMAI VAHTAO 4:32

Chuo lüloumai hrülai sü tsü-le alikhei souloure alia puletao maitalinoua lah puhvei buyu na talisü lah puhveie tea paokhai more, ana puletao vei buyu teitei sü maisouvei soua seibaire.

ROMMAI 12:5

Süzhaibüa, Eletao hai alao khaia, Eletao sü Khristaye koa ali soulouyu hinou pfüphao alibaie, alia pfüphao alivei zha kukuyutao kua, Eletao-a alinou liye koa lou zhohrüloue.

1 KORINTHMAI 1:10

Athaihou jürai maitao, Eletao Mapao Jisu Khrista zhih hinou neletao hi khowe, süolouzü neletao hrohi me souku kuyu palou more donou alinou liye chi veivayu sü thaowuwo, alia sübüa neletao tsü-le alikhei soua bulo.

1 KORINTHMAI 12:12

Daiolouzü pfüphao hai ali baikhaia zha alao buyu büa, alia pfüphao zha teitei hai alaokhaia pfüphao ali baiyu kua, Khrista-a sübübaie.

1 KORINTHMAI 6:17

Ana Mapaoye koa lou ali soulouyu puhsü rako hilonou puhye koa ali souloure.

GALATIAMAI 3:28

Südonou chuo Jihudimai ea tahrüh kukhemai kolehi, kilaitao ea mado souyu maitao kolehi, naotu-poutu kolehi halia soukuyu hare, daiolouzü neletao hrülaisü Khrista Jisu hinou ali souloure.

PHILIPPIMAI 1:27

Chuo neletao hrümaihai Khrista vei Ko Aveinanou moshilaiyu zhaido süna thaifüa hrülo, sübüa Enou neletaoye tave zhulou süa, zhulou ho-a neletao hai aroh alikhei hinou koa latoupoa Ko Aveinavei lü süna donou tsü-leli soupoa reih züyu sünavei kosü Enou chouloulai.

1 JOHAN 1:3

Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe.

1 JOHAN 5:7

Zhopaoh mai asü bue;