JOHAN 17:2 - SHEEYU BAIBEL (BSI)

² Daiolouzü nenou puh hi peikhai touyu puletao hrülaihi puhye panou teisa ahri peiloure donou, nenou puh hisü deiphaomai hrülai pei hi khore khouko nasü peiwure.

JOHAN 17:2 Iomraidhean Croise

LOUTAO 110:1

Mapao nou avei paopu hisü paoe, “Enou neye ngaobayu maitao hai nevei phi khevai pothou khailoumo koute abah zhoulo vanou bulo!”

DANIEL 7:14

Puh hisü soulou süyu zü, kathe alia vedei zhure khouko teitei peiwure. Puhye sü panou mai hrülai, tyahrü teitei, ae la kukua paiyu mai veishi panou puhvei kuvah soulai, puh hisü teisa nou khasa-a hrüre khouko sü bulai, alia puhvei vedei hai hakhai toulai moe.

MATHIU 11:27

“Apuonou Ahi ha teitei thoupeiwure. Puo deinou maitalinoua Nahpoutuye sümoe, alia Nahpoutu ea Nahpoutu nou Puoye pongao nüa dolouyu puletao deinou maitalinoua puhye sümoe.

MATHIU 25:46

Alia puletaosü teisa vei tudee buh hi talai, ana chechemai taosü teisa ahri buh hi talai.”

MATHIU 28:18

Alia Jisu nou ngheiki takou loua puletao hi paoe, “Raki ea deiphao hi soulousü zü teitei Ahi thoupeiwure.

JOHAN 17:24

“Apuo, deiphao soumo jühinou nenou Eye leshi-a Ahi peikhai touyu Avei adusho nasü puletao nou zhuloure. Ahi peikhai touyu maitaoye Enou buyu buh hinou Eye koa panou buresü Enou züpae.

JOHAN 17:6

“Deiphao hinou nenou Ahi peikhai touyu puletao hi Enou nezhihsü süngao peire. Puletao sü neveie, alia nenou puletaoye Ahi peire, alia puletao nou ne chipaosü züloure.

JOHAN 17:9

“Enou puletao donou veachi paowe. Enou deiphaomai donou veachi paomoe ana nenou Ahi peikhai touyutao donou paobaie, daiolouzü puletaosü nevei baie.

JOHAN 3:35

Puonou Nahpoutuye leshie, alia puh bah hi ha teitei thaothoukhai peire.

JOHAN 4:14

ana Enou peilaiyu dzü süna külouyu mai taliwo reipukhai khailaimoe; Enou peilaiyu dzü sünasü puhvei lekhe hinou teisa hrire donou küpayu dzüla datalai.”

JOHAN 6:27

Ha-kalaiyu touso donou vah souwuso; ana Mai Nahpoutu nou neletao hi peilaiyu teisa hrümainou bulaiyu touso süna donou vah soulo; daiolouzü puh pei hi Puo, Ramai nou puh vei paoshee soukhaire.”

JOHAN 6:37

Apuonou Ahi peikhai touyu hrülaisü Ahi velai; alia Ahi velou louyu puhye sü Enou hulai khailai moe.

JOHAN 6:39

Alia Eye seive peiyu puh leli nasü hainae, süolouzü puhnou Ahi peikhai touyu teiteisü Enou halia souhawu laimoe, ana akhai teitheki sütaoye panou hrishu loulai.

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

1 KORINTHMAI 15:25

Daiolouzü Ramai nou Khristaye ngaobamai hrülaiye koloua puletaoye Khrista phihi pove khaimo koutesü puhnou Veo soua bulai.

EPHESAMAI 1:20

süolouzü puhnou Khristaye athai hinou souhrishu peiyuki ea raki hilovei deiphao hinou puhye panou puh bahkha zhoulovahi kou buyuki puhnou seiyu khouko sünaye kheihaobaie.

PHILIPPIMAI 2:10

Alia sübüa Jisu zhih hinou, rakivahi, deiphao hi ea deiphao khehi buyu mai hrülaisü kou khou khülai,

1 TIMOTHI 1:16

ana Khrista Jisu nou Ahi tapeiyu zhai süna vanou puh hai shishilai mahmai hi koute daizhozhou shamea peisa touyu sü maikhemai hrülaihi pongao peiwu-a kukhemai taoye-a panou süsü süloua tave puh hinou teisa ahri nasü ngaoloure donou Ramai nou Apei hi zhuvea peire.

EBRIAMAI 1:2

ana akhai teithe haitao hisü puhnou Eletao hi puhnah Poutu vanou chi paopeire. Puh vanou Ramai nou teideiphao sü souloue ea puhye süna teitei vei kaalo nasü panou akhaiki thaoloure donou Ramai nou doloure.

1 PITAR 3:22

Jisu Khrista hai raki hi khetare ea puhnou Ramai bahkha zhoulo vahinou bu-a rakivamai hrülai pei hi, alia kukhe raki vanou paopu souyu ea khouko buyu rakotao pei hi tukha-a buloure.

1 JOHAN 1:2

Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.

1 JOHAN 5:20

Eletao nou süwe süolouzü Ramai Nah Poutusü velou loure ea Eletao nou checheyu Ramaiye sü süloure donou Eletao hi süloure tsü nasü peiwure. Alia Eletao sü checheyu Ramai puhye koa buloure, süolouzü Puhnah Poutu Jisu Khristaye koa alisoua buloure. Puhsü checheyu Ramai ea teisa ahri nasüe.

JUD VEI SEIKO 1:21

alia neletao nou neletaoye teisa ahrihi pove peire Eletao Mapao Jisu Khrista vei zhuvea zhia buyu hinou, neletao lah Ramai leshi hinou bulo.